Дулааны тавдугаар цахилгаан станц

09/07/2026

Тулгар төрийн 2235, Их Монгол Улсын 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ойн Үндэсний их баяр наадмын мэндийг өргөн дэвшүүлье.

07/07/2026

18 НАС ХҮРЭЭГҮЙ ХҮҮХЭД МОПЕД, СКҮТЕР, СУРРОН УНАХЫГ ХОРИГЛОСОН ЗОХИЦУУЛАЛТ 07 ДУГААР САРААС ХЭРЭГЖИЖ ЭХЭЛЛЭЭ
УИХ-аас “Замын хөдөлгөөний аюулгүй байдлын тухай хууль”-д нэмэлт, өөрчлөлт оруулж, мопед, скүтер, суррон болон түүнтэй адилтгах тээврийн хэрэгслийн хэрэглээг зохицуулах эрх зүйн орчныг шинэчлэн баталсан. Уг хуулийн нэмэлт, өөрчлөлтийн дагуу 2026 оны долоодугаар сарын 01-ний өдрөөс эхлэн улс орон даяар 18 нас хүрээгүй хүүхэд мопед, скүтер, суррон болон түүнтэй адилтгах тээврийн хэрэгсэл жолоодохыг хориглож, уг зохицуулалт хүчин төгөлдөр мөрдөгдөж эхэлсэн.
Энэхүү хуулийг зөрчвөл холбогдох хууль тогтоомжийн дагуу эцэг, эх, асран хамгаалагч, түүнчлэн тухайн тээврийн хэрэгслийг ашиглуулах, түрээслүүлэх үйлчилгээ эрхэлдэг аж ахуйн нэгж, байгууллагад хуульд заасан хариуцлага тооцохоор тусгасан байна. Тиймээс иргэд, эцэг эх, асран хамгаалагчид болон мопед, скүтер, суррон түрээсийн үйлчилгээ эрхлэгч аж ахуйн нэгжүүд хууль тогтоомжийг чанд мөрдөж, хүүхдийн аюулгүй байдлыг хангах, зам тээврийн осол, эрсдэлээс урьдчилан сэргийлэхэд онцгой анхаарахыг зөвлөж байна.
“Гэмтэл согог судлалын үндэсний төв”-ийн Статистик, тандалт судалгааны албаны мэдээллээр 2023 - 2026 оны эхний хагас жилийн байдлаар суррон, цахилгаан скүүтер, мопед зэрэг бичил цахилгаан тээврийн хэрэгслийн хэрэглээтэй холбоотойгоор нийт 4201 хүн осол, гэмтэлд өртсөн байна.
Үүнээс 6.6% нь хамгаалах малгай өмссөн, 93.4% нь хамгаалах малгай хэрэглээгүй байсан бөгөөд энэ нь толгой, нүүрний гэмтэлд өртөх эрсдэлийг нэмэгдүүлсээр байна.
Замын хөдөлгөөнд оролцохдоо хамгаалах малгайгаа тогтмол хэрэглэж, өөрийн болон бусдын аюулгүй байдлыг хангаарай.

25/06/2026

ДУЛААНЫ ТАВДУГААР ЦАХИЛГААН СТАНЦЫН ТАЛБАЙГААС 102.9 МЯНГАН М3 ҮНСИЙГ ЗӨӨГӨӨД БАЙНА
Одоогийн байдлаар төслийн бүтээн байгуулалтын ажил эхэлсэн. Энэ хүрээнд ДЦС-2 талбайд 1961 оноос хойш 65 жил хуримтлагдсан үнсийг зөөх ажил хийгдэж байгаа бөгөөд одоогийн байдлаар 102975 м3 үнсийг зөөсөн байна. Үнс зөөх ажил 10,3 хувьтай үргэлжлэн явагдаж байна.

🔎 Дэлгэрэнгүйг: https://ipiu.mn/news/?id=01KVSF9BSJCKVW8JBAANQ9JYWQ

15/06/2026

Монгол Улсад 43 жил хүлээсэн “ДЦС-5” төслийн бүтээн байгуулалтын ажил эхэллээ.

15/06/2026

Нийслэлийн Засаг дарга бөгөөд Улаанбаатар хотын Захирагч Б.Пүрэвдагва ДЦС-5 төслийн талбайд ажиллалаа.

07/05/2026

ТЭЦ-5-ын төслийн техникийн зөвлөх Б.Цэвээн: Тавдугаар цахилгаан станц 2028 оны намар ашиглалтад орно.

05/05/2026

ДЦС-5 төслийн бүтээн байгуулалтыг эхлүүлэх арга хэмжээнд (2026.05.04) Эрчим хүчний сайд Б.Найдалаа оролцож, үг хэллээ.

04/05/2026

04/05/2026

Х.Нямбаатар: Монгол Улсад 43 жил хүлээсэн Дулааны тавдугаар цахилгаан станцын бүтээн байгуулалтыг албан ёсоор эхлүүллээ

Улаанбаатар хотын өсөн нэмэгдэж буй эрчим хүч, дулааны хэрэгцээг хангах стратегийн ач холбогдолтой “Дулааны тавдугаар цахилгаан станц (ДЦС-5)” төслийн бүтээн байгуулалтыг өнөөдөр эхлүүллээ. Тус станц 300 МВт цахилгаан, 340 Гкал/ц дулаан үйлдвэрлэх хүчин чадалтай бөгөөд Баянгол дүүргийн 20 дугаар хорооны нутаг дэвсгэрт ДЦС-2-ын үнсэн сангийн талбайд барих юм.

Нээлтийн арга хэмжээнд Эрчим хүчний сайд Б.Найдалаа, төслийн төрийн түншлэгч нийслэлийн Засаг дарга бөгөөд Улаанбаатар хотын Захирагч Х.Нямбаатар, хувийн хэвшлийн түншлэгч “Митайм Интернэйшнл” компанийн удирдлагууд болон холбогдох албаныхан оролцов.
https://ulaanbaatar.mn/news/22758