Мандал сум дахь сум дундын шүүх

06/07/2026

📣Шүүх хуралдааны зар📣
📌Сэлэнгэ аймгийн Мандал сум дахь сум дундын шүүхийн 2026 оны 07 дугаар сарын 06-ны өдрөөс 2026 оны 07 дугаар сарын 09-ний өдрийг хүртэлх шүүх хуралдааны зарыг хүргэж байна.
Мөн шүүхийн албан ёсны сайт https://mandal.e-court.mn/mandal -аас шүүх хуралдааны зарыг харах боломжтой.

03/07/2026

03/07/2026

🇲🇳🇲🇳 Тулгар төрийн 2235 жил, Их Монгол Улс байгуулагдсаны 820 жил, Ардын хувьсгалын 105 жил, Мандал сумын үүсэн байгуулагдсаны 102 жилийн ойн баяр наадмын мэнд дэвшүүлье. 🇲🇳🇲🇳

30/06/2026

📣Шүүх хуралдааны зар📣
📌Сэлэнгэ аймгийн Мандал сум дахь сум дундын шүүхийн 2026 оны 06 дугаар сарын 29-ний өдрөөс 2026 оны 07 дугаар сарын 03-ны өдрийг хүртэлх шүүх хуралдааны зарыг хүргэж байна.
Мөн шүүхийн албан ёсны сайт https://mandal.e-court.mn/mandal -аас шүүх хуралдааны зарыг харах боломжтой.

30/06/2026

“ШҮҮГЧИЙН ТАНГАРАГ ӨРГӨХ” ЁСЛОЛЫН АЖИЛЛАГААГ ЗОХИОН БАЙГУУЛЛАА.

Монгол Улсын Ерөнхийлөгчийн 2026 оны 06 дугаар сарын 23-ны өдрийн 90 дугаар зарлигаар Сэлэнгэ аймгийн Мандал сум дахь сум дундын шүүхийн шүүгчийн албан тушаалд томилогдсон Д.Баярмаагийн “Шүүгчийн тангараг өргөх” ёслолын ажиллагааг 2026 оны 06 дугаар сарын 24-ний өдөр шүүхийн байранд зохион байгууллаа.
Шүүгчийн тангараг өргөх ёслолын ажиллагааг Тамгын газрын дарга Д.Батсайхан удирдаж, Монгол Улсын Ерөнхийлөгчийн зарлигийг уншиж сонсгон, шүүгч тангараг өргөснөөр Монгол Улсын шүүхийн тухай хуулийн 38 дугаар зүйлийн 38.1-т зааснаар шүүгчийн бүрэн эрх нь эхэллээ. Ёслолын ажиллагаанд тус шүүхийн Ерөнхий шүүгч, шүүгчид, шүүхийн захиргааны ажилтнууд, бусад хууль хяналтын байгууллагын төлөөлөл, тангараг өргөж буй шүүгчийн гэр бүл, найз нөхөд хүрэлцэн ирж, баяр хүргэлээ.
Шүүгч Д.Баярмаа танд хүний эрх, эрх чөлөөг дээдлэн, хуулийг чанд сахин, ёс зүйг эрхэмлэн ажиллах их үйлсэд нь амжилт хүсэн ерөөе.

СЭЛЭНГЭ АЙМГИЙН МАНДАЛ СУМ ДАХЬ СУМ ДУНДЫН ШҮҮХ, ШҮҮХИЙН ТАМГЫН ГАЗАР

29/06/2026

⚖️⚖️ Булган аймаг дахь шүүх байгуулагдсаны 90 жилийн ойд зориулан хойд бүсийн шүүхүүдийн дунд "Аварга шалгаруулах спортын 7 төрөлт тэмцээн" 2026 оны 06 дугаар сарын 25-наас 27-ны өдрүүдэд Булган аймагт зохион байгуулагдлаа.

✅ Тус тэмцээнд Сэлэнгэ аймгийн Мандал сум дахь сум дундын шүүх, Сэлэнгэ аймгийн Сайхан сум дахь сум дундын шүүхийн баг тамирчид эмэгтэй гар бөмбөгийн төрөлд хүрэл медаль, эрэгтэй ширээний теннисний төрөлд Мэдээлэл технологийн мэргэжилтэн Г.Батзориг хүрэл медаль, эмэгтэй ширээний теннисний төрөлд Нярав Д.Хишигдүүрэн мөнгөн медалийг тус тус хүртсэн амжилтыг үзүүлж оролцлоо.

29/06/2026

Шүүхийн ерөнхий зөвлөлийн 2026 оны 06 дугаар сарын 25-ны өдрийн хуралдаанаар “Шүүгчид тавих болзол, шаардлагыг үнэлэх, сонгон шалгаруулах журам”-д дараах үндэслэлээр...

22/06/2026

ХҮНДЭТГЭЛИЙН ХУРАЛДААН ЗОХИОН БАЙГУУЛЛАА.
Сэлэнгэ аймгийн Мандал сум дахь сум дундын шүүхийн шүүгч Б.Алтанцэцэг нь өндөр насны тэтгэвэрт гарах насны дээд хязгаарт хүрч Монгол Улсын Ерөнхийлөгчийн 2026 оны 03 дугаар сарын 12-ний өдрийн 44 дугаар зарлигаар шүүгчийн албан тушаалаас чөлөөлөгдсөнтэй холбогдуулан “ХҮНДЭТГЭЛИЙН ХУРАЛДААН”-ЫГ 2026 оны 06 дугаар сарын 19-ний өдөр зохион байгууллаа.
Шүүгч Б.Алтанцэцэг нь хууль хяналтын байгууллагад 38 жил, үүнээс шүүгч, Ерөнхий шүүгчээр 31 дэх жилдээ ажиллаж байгаад өндөр насны тэтгэвэрт гарч байгаа билээ.
Хүндэтгэлийн хуралдаанд тус шүүхийн нийт шүүгчид, шүүхийн тамгын газрын ажилтнууд, ахмад шүүгч, ажилтан бусад хууль хяналтын байгууллагын төлөөлөл болон ах дүү, төрөл төрөгсөд, найз нөхөд нь оролцож хүндэтгэл үзүүллээ.
Хүндэтгэлийн хуралдааныг Сэлэнгэ аймгийн Мандал сум дах сум дундын шүүхийн шүүгч Б.Алтанцэцэг нээснээр эхэлж, өөрийн шүүн таслах ажлын баялаг туршлагаасаа хуваалцахын зэрэгцээ шүүгч, шүүхийн хамт олондоо цаашдын ажилд өндөр амжилт хүсч талархал илэрхийллээ.
Шүүхийн Тамгын газрын дарга Д.Батсайхан Монгол Улсын Ерөнхийлөгчийн зарлигийг уншиж сонсгон, Ерөнхий шүүгч Б.Хэрлэн шүүгч Б.Алтанцэцэгт шүүгчийн өмсгөл, хавтсыг гардуулан өгч дурсгал болгон хадгалуулав.

Хүний эрх, эрх чөлөө, шударга ёсны манаа нь болсон эрхэм шүүгч тандаа цаашдын амьдралд нь аз жаргал, эрүүл энхийг хүсье.

СЭЛЭНГЭ АЙМГИЙН МАНДАЛ СУМ ДАХЬ СУМ ДУНДЫН ШҮҮХ, ШҮҮХИЙН ТАМГЫН ГАЗАР