09/04/2025
Is-Segretarjat Assistenza Soċjali (SAS) tal-Azzjoni Kattolika Maltija għal darb'oħra se jkun qed jorganizza l-Ġimgħa ta’ Sagrifiċċju bejn id-Duluri, 11 t’April u l-Ġimgħa l-Kbira, 18 ta’ April. Din il-kampanja għandha l-iskop li tqajjem kuxjenza fost il-poplu Malti, għar-responsabbiltà li għandu kull wieħed minna lejn kull min ikun għaddej minn xi forma ta’ tbatija, b’mod partikolari lill-familji fil-bżonn.
Is-Segretarjat Assistenza Soċjali (SAS) tal-Azzjoni Kattolika Maltija għal darb'oħra se jkun qed jorganizza l-Ġimgħa ta’ Sagrifiċċju bejn id-Duluri, 11 t’April u l-Ġimgħa l-Kbira, 18 ta’ April. Din il-kampanja għandha l-iskop li tqajjem kuxjenza fost il-poplu Malti, għar-responsabbiltà li għandu kull wieħed minna lejn kull min ikun għaddej minn xi forma ta’ tbatija, b’mod partikolari lill-familji fil-bżonn.
It-tema magħżula għal din is-sena hi: IL-FERĦ FL-GĦOTJA. B’dan it-titlu s-SAS jixtieq iwassal il-messaġġ li meta nagħtu kas u ngħinu lil ħaddieħor, inkunu qed nagħtu dinjità lill-persuna fil-bżonn u dan inissel ferħ f’qalbna.
Is-Segretarjat Assistenza Soċjali tal-AKM qed jappella għal ġenerozità tal-poplu biex is-servizz tiegħu lil ħutna fil-bżonn jibqa’ għaddej u dan il-bżonn dejjem qed jikber.
Is-servizzi tas-SAS jinkludi l-għajnuna finanzjarja f’sitwazzjonijiet ta’ faqar ekonomiku jew f’sitwazzjonijiet ta’ emergenza filwaqt li bl-għajnuna tas-social workers, jgħinu biex l-istess persuni jużaw il-potenzjal tagħhom għal ġid tagħhom stess u biex inkomplu nibnu kommunità b’saħħitha, fejn dawn il-persuni ma jibqgħux dipendenti fuq ħaddieħor. Is-SAS għandu wkoll minibuses bit-tail lift li jintużaw biex tingħata l-opportunità lill-persuni anzjani, kif ukoll persuni b’diżabbiltà li joħorġu u jipparteċipaw f’attivitajiet li forsi mhux faċilment jattendu u b’hekk mhux biss ikunu qed jikkontrobwixxu fis-soċjetà, iżda ukoll ma jħossuhomx waħedhom. Dan barra proġetti soċjali oħra fil-kommunità.
Kif tista’ tgħin?
Donazzjonijiet lis-SAS jistgħu jsiru personalment jew bil-posta fl-uffiċju li jinsab fl-Istitut Kattoliku, Triq San Publiju Floriana. Ċekkijiet għandhom jiġu indirizzati lil Segretarjat Assistenza Soċjali AKM. Ċekkijiet ta’ valur ta' €20 jew inqas ma jiġux aċċettati mill-bank. Jista’ jsir transfer jew depożitu f’wieħed mil-kontijiet msemmija:
APS IBAN: MT25APSB 77 0130 0000 0037 2202 10046
BOV IBAN: MT38VALL 22 0130 0000 0040 0155 41734
HSBC IBAN: MT08MMEB 44 3360 0000 0033 0768 11001
Il-pubbliku ukoll mħeġġeġ biex jibgħat donazzjoni permezz ta’ SMS:
Donazzjoni ta’ €4.66 fuq 5061 7925
Donazzjoni ta’ €11.65 fuq 5061 9281
Il-ġenerożità tiegħek tista’ tagħmel differenza!
