EDU Infrastructure Programme

23/10/2026

29/09/2026

Spazju ġdid għall-istudenti fl-Iskola Primarja ta’ Ħal Lija - Kulleġġ Santa Tereza.

B’investiment kontinwu fl-ambjenti edukattivi tagħna, tlestew xogħlijiet ta’ tisbiħ u titjib fiż-żona tal-Kindergarten fl-Iskola Primarja ta’ Ħal Lija. Ġie maħluq spazju modern, sigur u stimulanti b’ħaxix sintetiku, tagħmir edukattiv interattiv u żoni ddedikati għal-logħob u t-tagħlim.

Dan l-ambjent ġdid se jkun qed joffri opportunitajiet aħjar għall-iżvilupp, il-kreattività u t-tagħlim permezz tal-logħob lill-istudenti li jattendu l-Iskola Primarja ta’ Ħal Lija, inklużi tfal minn Ħal Lija, Ħal Balzan u l-Iklin.

Ninvestu f’ambjenti edukattivi ta’ kwalità biex noffru l-aqwa esperjenza possibbli għall-istudenti tagħna.

29/09/2026

Skola Sekondarja tal-Imriehel, Kulleġġ Santa Tereza. Librerija Ġdida.

Ix-xogħlijiet relatati mal-librerija ġdida tal-Iskola ġew konklużi b’suċċess. B’dan, tlestiet l-ewwel fażi tal-proġett ta’ rinovazzjoni tal-kumpless, li tinkludi wkoll is-sala tal-iskola u l-kantin. Ix-xogħlijiet fuq dawn iż-żewġ faċilitajiet jinsabu fi stadju avvanzat, sabiex ikunu jistgħu jibdew jintużaw mill-istudenti tagħna fl-eqreb żmien possibbli.

28/09/2026

It-Tnejn filgħodu, l-edukaturi tal-Iskola Primarja tal-Belt żanżnu binja ġdida fjamanta, m'ogħla erba' sulari, wara li sarilha kollox mill-ġdid

28/09/2026

Matul il-waqfa tas-sajf twettqu xogħlijiet ta’ rinnovazzjoni, manutenzjoni u titjib fl-iskejjel tagħna biex noffru ambjent aktar modern, sigur u akkoljenti għall-istudenti u l-edukaturi.

Nirringrazzjaw mill-qalb lill-ħaddiema kollha u llill-partijiet kollha involuti għad-dedikazzjoni u l-appoġġ tagħhom biex dawn ix-xogħlijiet twettqu b’suċċess.

Fl-istess waqt, nawguraw lill-istudenti, lill-edukaturi u lill-membri kollha sena skolastika ġdida mimlija suċċessi, tagħlim u opportunitajiet ġodda. 📚✨

27/09/2026

Skola Primarja Raħal Ġdid – Kulleġġ San Ġorġ Preca

Ix-xogħlijiet ta’ rinovazzjoni u titjib ta' faċilitajiet ġodda sanitarji nkluż faċilitajiet għal persuni b’diżabilità, issa tlestew b’suċċess. Il-proġett inkluda l-installazzjoni ta’ tagħmir sanitarju ġdid, sistemi tal-plaming u tad-drenaġġ, installazzjonijiet elettriċi, finituri tal-ħitan u tas-soqfa u l-armar u l-attrezzaturi kollha relatati. Dawn il-faċilitajiet ġodda issa huma kompletament operattivi u disponibbli għall-użu tal-istudenti u l-edukaturi.

Ħajr lill-komunita tal-skola u lil kull min ħadem biex dan il-proġett seta’ jitwettaq b’suċċess.

27/09/2026

Skola Primarja Valletta – Kulleġġ San Ġorġ Preca

Ix-xogħlijiet tal-ewwel fażi tar-rinovazzjoni fl-Iskola Primarja tal-Belt Valletta issa tlestew b’suċċess. Permezz ta’ dawn l-interventi, inħoloq ambjent ta’ tagħlim modern, sabiħ u akkoljenti li ser ikompli jtejjeb l-esperjenza edukattiva kemm għall-istudenti kif ukoll għall-edukaturi tagħna li għada ser jidħlu fi skola totalment ġdida inkluż bl-arja kkundizzjonata.

Ħajr lil komunità skolastika u lil kull min ta' l-kontribut tiegħu, speċjalment lil ħaddiema kollha tal-Edu Infrastructure Programme.

26/09/2026

Skola Primarja Paola - Kulleġġ San Ġorġ Preca

Ix-xogħlijiet ta’ rinovazzjoni u titjib tal-faċilitajiet sanitarji ġodda, inklużi faċilitajiet għal persuni b’diżabilità tlestew b’suċċess. Il-proġett kien jinkludi l-installazzjoni ta’ tagħmir sanitarju ġdid, sistemi tal-plaming u tad-drenaġġ, installazzjonijiet elettriċi, finituri tal-ħitan u tas-soqfa, kif ukoll l-armar u l-attrezzaturi kollha relatati. Dawn il-faċilitajiet moderni issa huma kompletament operattivi u disponibbli għall-użu tal-istudenti u l-edukaturi.

Hajr lill-komunità skolastika u lil kull min ta l-kontribut tiegħu sabiex dan il-proġett seta’ jitwettaq b’suċċess.

20/09/2026

Skola Primarja Valletta - Kulleġġ San Ġorġ Preca

Ix-xogħlijiet tal-ewwel fażi tar-rinovazzjoni fl-Iskola Primarja tal-Belt Valletta waslu fl-aħħar stadji tagħhom. Fadal biss l-aħħar irtokki sabiex jinħoloq ambjent ta’ tagħlim modern, sabiħ u akkoljenti għall-edukaturi u l-istudenti tagħna. ✨

14/09/2026

 Il-Middle School tal-Blata Bajda, dik li kienet magħrufa bħala l-Iskola Marija Reġina, għaddejja minn tiġdid…