Ahmad Yakubu Adamu.

22/03/2026

HANKALI MASU ULCER: Yadda Zaku Ci Naman Sallah Lafiya! ⚠️🥩

Barka da Sallah ga kowa! A matsayina na Dietitian, babban burina shine ku yi shagali ba tare da kun kwanta jinya ba. Ga masu fama da gyambon ciki (Ulcer), lokacin Sallah babban kalubale ne saboda yawan nama, yaji, da maiko.
Ga yadda ya kamata ku bi don kare kanku:
🚫 Guji Yaji da Kayan Kamshi Masu Karfi: Yaji (musamman barkono da suga-suga) yana kara radadin gyambon ciki. Idan za a yi suya ko balangu, a rage yajin sosai.
🚫 Rage Soyayyen Nama: Soyayyen nama mai maiko (Deep fried) yana daukar lokaci kafin ya narke, wanda hakan kan sa ciki ya yi ta samar da acid mai yawa. Gwara a gasa naman (Grilling) ko a dafa shi ya yi laushi.
✅ Kada Ka Bari Ciki Ya Zauna Wayam: Kar ka tsaya jiran nama har sai yunwa ta kure ka. Cin abinci kadan-kadan akai-akai shine sirrin mai Ulcer.
✅ Guji Ababen Sha Masu Gas (Soda): Maimakon lemon kwalba, gara ka sha ruwa ko madara (idan ba ta taba ka ba) don kwantar da cikin.

Rigakafi ya fi magani, kuma lafiya ita ce uwar jiki.
Mu ci naman Sallah cikin hikima don mu kare lafiyarmu. 🩺✨

RDT. Ahmad Yakubu Adamu ⚕️ 🥼

21/03/2026

AMFANIN ƳAƳAN ITATUWA (FRUITS) WAJEN NARKAR DA ABINCI

Ƴaƴan itatuwa wato (fruits) suna taimakawa sosai wajen narkar da abinci, musamman idan aka ci mai nauyi kamar nama. Nama yana daukar lokaci mai tsawo kafin ya narke a ciki, don haka wasu fruits din suna dauke da sinadarai na musamman da suke saurin karya taurin nama da kitse.

Ga yadda wasu daga cikinsu suke taimakawa:

1. Gwanda (Papaya)
Gwanda tana dauke da wani sinadari mai suna Papain. Wannan sinadarin yana taimakawa wajen karya protin din da yake cikin nama domin ya narke cikin sauri, hakan yana hana kumburin ciki ko jin nauyi bayan cin abinci.

2. Abarba (Pineapple)
Abarba tana da sinadarin Bromelain. Shi ma wannan yana aiki ne wajen narkar da protin. Shi ya sa ma wasu suke hada abarba da nama yayin da suke daka shi don ya yi laushi da wuri.

3. Lemu (Citrus Fruits)
Lemon zaki ko lemon tsami suna da sinadarin Citric Acid da Vitamin C. Wadannan suna taimakawa wajen tace kitse (fats) da kuma sa jiki ya sha sinadarin iron da ke cikin naman cikin sauri.

4. Ayaba (Banana)
Ayaba tana da fiber da kuma Potassium, wadanda suke daidaita tsarin tafiyar abinci a hanji don gudun samun matsalar kabas (constipation) bayan cin nama.
Shawarwari:

Lokaci: Zai fi kyau a ci fruits din minti 30 kafin abinci ko kuma bayan an ci abinci da kusan awa daya don hanji yayi aikinsa yadda ya kamata.

Ruwa: Kar a mance da shan ruwa, domin sinadarin fiber din da ke cikin fruits din yana bukatar ruwa don ya gyara ciki sosai.

RDT. Ahmad Yakubu Adamu ⚕️🥼

21/03/2026

Taskar Lafiya: Yadda Zaka Ci Naman Sallah Ba Tare Da Ciki Ya Kulle Ba! 🥩✨

​Barka da Sallah ga dukkan ƴan uwa musulmi! A matsayina na Dietitian, na san yadda dadin abinci da naman Sallah yake kaimu ga cika ciki har ya wuce kima.

Amfani da wadannan shawarwari zai taimaka maka kaji dadin shagali lafiya:

1. Kadaa Ka Cika Ciki Lokaci Guda: Ka rarraba abincinka, kaci kadan-kadan.
2. ​Ruwa Ne Jigo: Ka yawaita shan ruwa maimakon ababen sha masu gas (soda).
3. ​Kayan Ganye: Ka tabbata akwai cucumber ko kabeji a gefen naman.
4. ​Motsa Jiki: Dan takawa bayan abinci yana taimakawa hanji sosai kada kana cin abinci ka kwanta.

Ciki ba buhun dako ba ne.

​Mu ci dadi, mu kiyaye lafiya! 🩺✅

RDT. Ahmad Yakubu Adamu ⚕️🥼

20/03/2026

Taƙabbalallahu minna wa minkum Eid mubarak wa jumu'at mubarak Allah yasa munyi ibada karɓɓaɓɓiya Allah ya maimaita mana Amin ya Allah.

07/03/2026

Gaskiya rayuwar nan akwai lissafi... 😂

Wani ne ya tafi gidan budurwarsa, sai aka kawo masa kaza guda daya cif. Ya kusa gamawa, sai ga babanta ya shigo.
​Ganin baban, sai ya tsorata ya rasa inda zai boye ragowar kazar, sai ya tura ta duka a baki ya hadiye.
​Baban ya zauna ya ce: "Sannu ko? Ya sunanka?"
​Saurayin ya ce: "Mmm-hmmm... Mmm-hmmm..." (ya kasa magana).
​Baban ya ce: "Ikon Allah, ashe kurma ne kake so?" 🤣

Wai idan kai ne a wurin, ya zaka yi da kazar nan a bakinka? 🏃‍♂️💨
​Zaka hadiye ta ne da kashi?
​Ko zaka tashi ka gudu?

26/10/2025

12/10/2025

Subhanallahi Allah ka datar damu.

11/10/2025

As a parent, you can be selective about who meets your child.

Not everyone needs to be introduced to your kids.