LAWAL Rufa'i Support DIKKO RADDA Grassroot Movement FORUM Daura Zone

  • Home
  • Nigeria
  • Daura
  • LAWAL Rufa'i Support DIKKO RADDA Grassroot Movement FORUM Daura Zone

LAWAL Rufa'i Support DIKKO RADDA Grassroot Movement FORUM Daura Zone A political movement that support Malam DIKKO RADDA re-election bid in 2027.

HON. LAWAL RUFA’I SAFANA YA HALARCI ƘADDAMAR DA SHIRIN KT1TMai Ba Gwamnan Jihar Katsina Shawara kan Ayyukan Ƙananan Huku...
27/08/2026

HON. LAWAL RUFA’I SAFANA YA HALARCI ƘADDAMAR DA SHIRIN KT1T

Mai Ba Gwamnan Jihar Katsina Shawara kan Ayyukan Ƙananan Hukumomi, Hon. Lawal Rufa’i Safana, ya halarci bikin ƙaddamar da Kwamitocin Dasa Bishiyoyi Miliyan 11 na Shirin Katsina One-Person-One-Tree (KT1T), wanda Gwamnan Jihar Katsina, Malam Dikko Umaru Radda, Ph.D., ya ƙaddamar a ranar Alhamis, 27 ga Agusta, 2026, a Gidan Gwamnatin Jihar Katsina. Shirin na da nufin shuka bishiya ɗaya ga kowane mutum a faɗin jihar, tare da dasa bishiyoyi miliyan 11 domin kare muhalli da yaƙi da illolin sauyin yanayi.

Halartar Hon. Safana na da muhimmiyar rawa musamman duba da cewa shirin zai gudana ne a Ƙananan Hukumomi 34 da Mazaɓu 361 na jihar. A matsayinsa na Mai Ba Gwamna Shawara kan Ayyukan Ƙananan Hukumomi, zai kasance cikin masu ƙarfafa haɗin guiwa tsakanin gwamnatin jiha da Ƙananan Hukumomi domin tabbatar da cewa an aiwatar da shirin yadda ya kamata a matakin al’umma. Tsarin shirin ya tanadi cewa kowane shugaban Ƙaramar Hukuma zai jagoranci shirin a Ƙaramar Hukumarsa, yayin da kowane Kansila zai jagoranci shirin a Mazaɓar sa.

Shirin KT1T na daga cikin manufofin gwamnatin Gwamna Radda na “Building Your Future (BYF)”, kuma zai taimaka wajen yaƙi da kwararowar hamada da zaizayar ƙasa, bunƙasa noma da ƙarfafa al’umma wajen kare muhalli. Gwamna Radda ya jaddada cewa nasarar shirin ba za ta ta’allaka kawai kan yawan bishiyoyin da aka dasa ba, sai dai kan waɗanda s**a rayu, s**a girma kuma s**a samar da tasiri mai ɗorewa. An kuma sanar da cewa za a fara aiwatar da shirin a hukumance a faɗin jihar daga ranar 10 ga Satumba, 2026.

Taron ya samu halartar manyan jami’an gwamnati da masu ruwa da tsaki, ciki har da Mai Ba Gwamna Shawara na Musamman kan Sauyin Yanayi, Farfesa Al’amin Muhammad; Kwamishinan Ƙananan Hukumomi da Harkokin Masarautun Gargajiya, Hon. Bishir Tanimu; Shugaban Ma’aikatan Fadar Gwamnati, Alh. Abdulkadir Mamman Nasir; shugabannin Ƙananan Hukumomi, Kansiloli da sauran mambobin kwamitocin shirin.

August 27, 2026.

18/08/2026

Lawal Rufa’i Support Dikko Radda Grassroots Movement Daura Zone ta Yaba da Ayyukan Gwamnatin jahar Katsina

Ƙungiyar Lawal Rufa’i Support Dikko Radda Grassroots Movement, Daura Zone, ƙarƙashin jagorancin shugaban ƙungiyar, Hon. Daniya Dankaka Daura, ta yaba da irin ayyukan raya ƙasa da ci gaban al’umma da Gwamnatin Jihar Katsina, ƙarƙashin jagorancin Gwamna Mal. Dikko Umar Radda, ke aiwatarwa a faɗin jihar.

Hon. Daniya Dankaka ya bayyana cewa Gwamna Dikko Umar Radda ya gudanar da ayyuka masu tarin yawa waɗanda s**a shafi muhimman ɓangarorin rayuwar al’umma, da s**a shafi raya ƙasa, inganta ilimi, kiwon lafiya, kimiyya da fasaha, noma, bunƙasa kasuwanci da tattalin arziki da sauransu

Ya kara da cewa “Mai Girma Gwamnan Jihar Katsina, Malam Dikko Umar Radda, ya yi abubuwan da samun irin su sai an bincika,” yana mai cewa ayyukan gwamnatin sun taimaka wajen samar da ci gaba da inganta rayuwar al’ummar jihar.

Daga cikin muhimman ayyukan da gwamnatin ke shimfiɗawa na raya al'ummar birni da karkara akwai:

- Gina da gyaran hanyoyi a sassa daban-daban na jihar.
- Inganta fannin ilimi da gina sabbin makarantu.
- Samar da kayan aikin makarantu da tallafa wa malamai.
- Gina da inganta asibitoci da cibiyoyin lafiya.
- Shirye-shiryen tallafa wa matasa da samar musu da sana’o’i.
- Tallafa wa manoma da samar da kayan aikin noma.
- Inganta tsaron jihar ta hanyar tallafa wa jami’an tsaro.
- Samar da ruwan sha da inganta tsaftar muhalli.
- Tallafa wa ƙananan ’yan kasuwa da masu sana’o’i.
- Tallafa wa mata da matasa ta hanyar horarwa da samar da jarin sana’a.
- Ƙarfafa masana’antu da jawo zuba jari a jihar.
- Inganta ayyukan dijital da amfani da fasahar zamani a hukumomin jihar.
- Tallafa wa ƙananan hukumomi domin aiwatar da ayyukan ci gaban al’umma.
- Ɗaukar sabbin ma’aikata domin ƙarfafa harkokin gwamnati, lafiya da ilimi.
- Samar da sabbin makarantun yara masu hazaka guda uku a shiyyoyin Daura, Katsina da Funtua.

Ƙungiyar ta kuma bayyana cewa irin waɗannan ayyuka na nuna ƙoƙarin gwamnatin wajen samar da ingantaccen ci gaba da bunƙasa rayuwar al’ummar Jihar Katsina.

A ƙarshe, Hon. Daniya Dankaka ya jaddada goyon bayan ƙungiyar ga gwamnatin jihar, yana mai cewa: “Hakika, Malam Dikko Umar Radda idan muka ce falle biyu ce, ba mu yi kuskure ba.”da ikon Allah sai kayi

Kungiyar Lawal Rufai Support Dikko Radda Grassroots Movement Forum Ta Faɗaɗa Manufofinta a Daura ZoneƘungiyar Lawal Rufa...
15/08/2026

Kungiyar Lawal Rufai Support Dikko Radda Grassroots Movement Forum Ta Faɗaɗa Manufofinta a Daura Zone

Ƙungiyar Lawal Rufai Support Dikko Radda Grassroots Movement Forum, Daura Zone, ta bayyana aniyarta ta faɗaɗa ayyukanta da ƙara haɗin kai da wayar da kan al’umma a yankin Daura Zone, domin tallafa wa manufofi da shirye-shiryen da za su ƙara kawo ci gaba a jihar Katsina.

Da yake gabatar da jawabi, shugaban ƙungiyar, Hon. Dan'iya Dankaka Daura, ya bayyana cewa ƙungiyar za ta mayar da hankali wajen haɗa kan mambobinta, magoya baya da masu ruwa da tsaki daga matakai daban-daban, tare da samar da ingantaccen tsarin isar da saƙonni zuwa sassa daban-daban na yankin.

A cewarsa, wannan sabon yunƙuri zai taimaka wajen ƙara kusanci tsakanin shugabanni da al’umma, tare da ƙara fahimtar manufofi da shirye-shiryen da ake aiwatarwa domin ci gaban jihar Katsina.

Bugu da ƙari, Dankaka Daura ya jaddada muhimmancin haɗin kai, zaman lafiya, kishin al’umma da goyon bayan shugabanci nagari, yana mai cewa haɗin gwiwa tsakanin jama’a da shugabanni shi ne ginshiƙin samun nasara da ci gaba mai ɗorewa.

Ya ƙara da cewa ana sa ran ƙungiyar za ta ci gaba da faɗaɗa ayyukanta zuwa ƙananan hukumomi da mazabu daban-daban na Daura Zone, domin ƙara wayar da kan jama’a, ƙarfafa da bunƙasa ayyukan ƙungiyar a matakin jiha da ƙasa baki ɗaya.

Address

Kano Road, Near Nitel
Daura

Website

Alerts

Be the first to know and let us send you an email when LAWAL Rufa'i Support DIKKO RADDA Grassroot Movement FORUM Daura Zone posts news and promotions. Your email address will not be used for any other purpose, and you can unsubscribe at any time.

Shortcuts

Share

Category