A M T Hausa

13/10/2026

Wata kotu ta sanya ranar 20 ga watan Nuwamba domin sauraron buƙatar tsohon mataimakin shugaban ƙasar Najeriya, Atiku Abubakar, na gyara ƙarar da ya shigar kan cancantar Shugaba Bola Ahmed Tinubu da jam’iyyar APC dangane da batun tsayawa takarar shugaban ƙasa.
Matakin na zuwa ne yayin da ake ci gaba da shari’ar da ta shafi cancantar Tinubu da batutuwan da s**a shafi takararsa ta shugaban ƙasa.
Me kuke tunani kan wannan shari’a?

11/10/2026

Da ɗumi-ɗumi: Gwamna Uba Sani na jihar Kaduna Yace ya shirya bawa Shugaba Tinubu ƙuri’u milyan Uku a jihar Kaduna.

Gwamnan Jihar Kaduna, Sanata Uba Sani, ya sanya burin samun ƙuri'u miliyan uku ga Shugaban Ƙasa Bola Ahmed Tinubu a zaɓen shekarar 2027, tare da raba motocin Toyota Highlander ga shugabannin jam'iyyar APC na ƙananan hukumomi a shiyyar Sanata ta Kaduna ta Kudu domin ƙarfafa yaƙin neman zaɓe.

Sadiq Mamman Lagos, wanda ya wakilci gwamnan a wajen miƙa motocin, ya ce motocin za su taimaka wa shugabannin ƙananan hukumomi wajen kai ziyara unguwanni da mazabu domin wayar da kan jama'a da neman goyon bayan jam'iyyar.

Ya bayyana cewa matakin na daga cikin shirye-shiryen APC na tunkarar zaɓen 2027, yana mai cewa matsayin Kaduna a cikin jihohin da ke da yawan masu rajistar zaɓe ya sa jam'iyyar ke sa ran samun ƙuri'u miliyan uku ga Tinubu.

“Kaduna tana matsayi na uku a rajistar masu zaɓe. Wannan shi ne burinmu a kansa, kuma muna nuna cewa zai samu ƙuri'u miliyan uku,” in ji shi.

Mamman Lagos ya kuma yi kira ga al'ummar Arewacin Najeriya da su yi haƙuri su ba Tinubu damar kammala wa'adinsa, yana mai cewa Arewa ta samu goyon bayan Kudu wajen samar da tsohon Shugaban Ƙasa Muhammadu Buhari, wanda ya yi mulki daga 2015 zuwa 2023.

Ya ce bayan kammala wa'adin Tinubu, za a iya duba yiwuwar zaɓen wani matashi mai ilimi da ƙwarewar fasaha, wanda ya fahimci al'adu da addinan manyan ƙungiyoyin addini biyu na ƙasar domin jagorantar Najeriya.

Ya ƙara da cewa Kaduna na da muhimmiyar rawar siyasa, kuma haɗin kai tsakanin shiyyoyin sanatan jihar guda uku na taimaka wa APC wajen gudanar da shirye-shiryen neman ƙuri'u.

Shiyyar Kaduna ta Kudu ta ƙunshi ƙananan hukumomin Jaba, Jema'a, Kachia, Kagarko, Kaura, Kauru, Sanga da Zangon Kataf.

Shugaban APC na Jihar Kaduna, Hon. Atiku Isaac Sankey, na cikin waɗanda s**a halarci bikin miƙa motocin.

26/09/2026

29/08/2026

Gwamnan Jihar Kaduna, Uba Sani, ya bayyana cewa yankin Arewacin Najeriya zai mara wa Shugaba Bola Ahmed Tinubu baya tare da ba shi ƙuri’u masu yawa a zaɓen shekarar 2027, domin nuna godiya kan irin goyon baya da ayyukan da gwamnatin tarayya ke yi wa yankin.
Ya ce Arewa za ta ci gaba da tsayawa tsayin daka wajen tabbatar da nasarar Tinubu a babban zaɓen shugaban ƙasa mai zuwa.

23/08/2026

Malaman Addinin Musulunci 500 Sun Amince da Tinubu Ya Sake Tsayawa Takara a 2027

Mai ba Shugaban Ƙasa Bola Tinubu shawara kan harkokin siyasa da sauran al’amura, Ibrahim Masari, ya ce kusan malaman addinin Musulunci da shugabannin addini 500 sun amince da Shugaba Tinubu ya sake neman wa’adin mulki a zaɓen 2027.

Masari ya bayyana hakan ne bayan halartar taron Northern Muslim Intellectual Forum da aka gudanar a Dutse, Jihar Jigawa.

Taron ya haɗa malamai, masana da shugabannin addini daga jihohin Arewa 19 da Babban Birnin Tarayya Abuja,acewar sanarwar, mahalarta taron sun tattauna matsalolin tsaro, tattalin arziki da ci gaban yankin Arewa.

Daga cikin waɗanda s**a halarci taron akwai gwamnonin Jigawa, Kano, Yobe, Sokoto da Kaduna, da Mataimakin Shugaban Majalisar Dattawa, Barau Jibrin.

Sanarwar ta ce mahalarta, waɗanda s**a kai kusan 500, sun amince baki ɗaya da Tinubu ya sake tsayawa takara a 2027, tare da kira ga ’yan Najeriya, musamman ’yan Arewa, da su mara masa baya da sauran ‘yan takarar APC.