02/05/2026
Maigirma ɗan takarar Majalissar Tarayya daga Karamar Hukumar Dala, Hon. Auwal Sani Abdullahi (De Awwal), ya ɗauki mataki mai muhimmanci na siyasa ta hanyar sayen fom domin tunkarar zaɓen 2027. Wannan ba kawai fara tafiya ba ne, illa alama ce ta ƙuduri, hangen nesa, da kuma shirye-shiryen kawo sauyi mai ma’ana ga al’ummar Dala.
A wannan lokaci da al’umma ke neman shugabanci nagari, mai gaskiya da riƙon amana, Hon. De Awwal ya fito da manufar zama wakilin da zai ɗauki muradun jama’a a zuciya, ya kuma mayar da hankali wajen inganta rayuwar matasa, ƙarfafa tattalin arziki, da samar da ayyukan yi. Wannan yunƙuri nasa yana nuna cewa siyasa ba kawai neman kujera ba ce, illa hidima ce ga al’umma.
Dala na buƙatar wakili mai hangen nesa, wanda ya san matsalolin yankinsa kuma yake da ƙarfin guiwar tunkararsu. Hon. Auwal Sani Abdullahi na da damar zama wannan jagora, idan aka ba shi goyon baya daga al’umma.
Lokaci ya yi da za a haɗa kai domin ganin an samar da wakilci nagari a Majalissar Tarayya. Tafiyar 2027 ta fara ne yanzu — kuma Dala na da damar sake rubuta tarihinta ta hanyar zaɓar shugaba mai kishin al’umma.
De Awwal – Murya ce ta Dala, Wakili mai nagarta!
Khaleel Umar Bala✍️
