Kano State Consumer Protection Council

Kano State Consumer Protection Council Protecting Consumers Interest

Daga KCPC13/07/2026KCPC TA GARGAƊI ƳAN KASUWA KAN SAYAR DA GURBATATTU KO MARASA INGANCIN KAYAYYAKI GA MASU SIYESakataren...
13/07/2026

Daga KCPC
13/07/2026

KCPC TA GARGAƊI ƳAN KASUWA KAN SAYAR DA GURBATATTU KO MARASA INGANCIN KAYAYYAKI GA MASU SIYE

Sakataren Zartarwa na Hukumar Kare Hakkin Masu Saye ta Jihar Kano (KCPC), Dr. Ibrahim Garba Muhammad, ya gargaɗi ƙananan ƴan kasuwa da su daina sayar da gurbatattu ko marasa ingancin kayayyaki ga masu siye a faɗin jihar.

Dr. Ibrahim Garba Muhammad ya bayyana hakan ne yayin da yake karɓar baƙuncin shugabannin Ƙungiyar Ƙananan Ƴan Kasuwa ta Jihar Kano a ofishinsa.

Ya ce an kafa Hukumar Kare Hakkin Masu Saye ne domin kare al'umma daga kayayyaki da ayyukan kasuwanci da ka iya jefa lafiyarsu, tsaronsu da tattalin arzikinsu cikin haɗari

Ya ƙara da cewa wajibi ne ƴan kasuwa su tabbatar da cewa kayayyakin da suke sayarwa suna da inganci kuma sun dace da amfanin masu siye.

Sakataren Zartarwan ya yaba da ziyarar da ƙungiyar ta kai, tare da tabbatar musu da cewa hukumar a shirye take ta yi aiki tare da su domin inganta kare haƙƙin masu siye, tabbatar da adalci a harkokin kasuwanci da kuma bunƙasa tattalin arziki.

Babban Mataimaki na Musamman ga Mai Girma Gwamnan Jihar Kano kan harkokin Hukumar Kare Hakkin Masu Saye, Hon. Hassan Sadiq, ya buƙaci ƙananan ƴan kasuwa da su riƙa bai wa hukumar sahihan bayanai game da wuraren da ake sayar da gurbatattu ko marasa ingancin kayayyaki domin ɗaukar matakin da ya dace cikin gaggawa.

Da yake jawabi a madadin shugaban ƙungiyar, Sakataren Ƙungiyar, Abdulrahman Saleh Usman, wanda ya wakilci Shugaban Ƙungiyar, Malam Naziru Abdulkadir Da'awa, ya ce manufar ziyarar ita ce gabatar da ƙungiyar ga hukumar tare da neman ta sa baki kan tashin farashin kayayyakin masarufi, tsadar kuɗin hayar shaguna, da kuma ba ƙungiyar damar shiga cikin harkokin wayar da kan jama'a da sauran ayyukan hukumar.

sa hannu:
Tasi'u Jibo Dawanau
Jami'in Hulɗa da Jama'a
Hukumar Kare Hakkin Masu Saye ta Jihar Kano

Hukumar Kare Hakkin Masu Saye da Siyarwa ta Jihar Kano (Consumer Protection Council) tana gudanar da muhimman ayyuka dom...
11/07/2026

Hukumar Kare Hakkin Masu Saye da Siyarwa ta Jihar Kano (Consumer Protection Council) tana gudanar da muhimman ayyuka domin tabbatar da cewa al'umma suna samun ingantattun kayayyaki masu inganci, tare da kare lafiyar jama'a da hakkokinsu.

Saboda haka, muna kira ga daukacin al'ummar Jihar Kano da su ci gaba da bai wa hukumar cikakken goyon baya da hadin kai wajen sauke wannan nauyi mai muhimmanci.

Hukumar tana tunatar da jama'ah idan sunga ana sayar da kayan abinci, magunguna, kayan sha, ko wasu kayayyakin amfanin yau da kullum da s**a lalace, ko wa'adin amfanin su ya kare, ko aka gurbata su, ko kuma kana zargin suna barazana ga lafiyar al'umma, kada ka yi shiru.

Ka gaggauta kira wannan lambobin domin sanar da Hukumar, domin daukar matakin da ya dace cikin gaggawa.
Lambar Kiran Gaggawa 👇👇👇👇

Haɗin kan al'umma shi ne ginshikin kare lafiyar masu saye da tabbatar da ingancin kayayyaki.

Kano State Consumer Protection Council

An inspectors of the state consumer protection council sealing a suspected adultrated fertilizer store in Dantata house,...
10/07/2026

An inspectors of the state consumer protection council sealing a suspected adultrated fertilizer store in Dantata house, yankura in the state capital.

Sign
Jamilu yakasai
Director public Enlightenment
Kano State Consumer Protection Council

Kano State Scholar's Assembly has visited the office of the ES Consumer Protection Council of Kano State Dr Ibrahim G. M...
09/07/2026

Kano State Scholar's Assembly has visited the office of the ES Consumer Protection Council of Kano State Dr Ibrahim G. Muhammad and submitted a proposal for collaboration with the Council. The leadership was represented by the Secretary general Engr. Rabiu Sale Makoda, Organizing Secretary Professor Zahraddeen Sufyanu, Deputy President Hajiya Safiya Bello Ibrahim, Kabiru Musa Coordinator special duties, Abdulkadir Bello Maisudan, Education Secretary and Fahad Muhammad Adamu, Assistant Education Secretary..

Kano State Consumer Protection Council

08/07/2026

HUKUMAR KARE HAKKIN MASU SAYE DA SAYARWA TA JIHAR KANO TAYI GAGARUMAR NASARA K**A KAYA WANDA DARAJAR SA TA HAURA NAIRA MILLION DARI UKU A KASA DA WATA HUDU.

Ku saurari bayanin Babban Sakatare na hukumar Kare hakkin masu saye da sayarwa ta Jihar Kano Dr Ibrahim G. Muhammad a inda yake jawabi ga manema labarai kan kayayyaki da hukumar ta k**a Wanda darajar kayan yakai na million 300 Wanda Kai tsaye na iya zama barazana ga lafiyar alumma.

Kano State Consumer Protection Council

An inspectors of the state consumer protection council sealing two suspected expired/adulterated products stores in the ...
07/07/2026

An inspectors of the state consumer protection council sealing two suspected expired/adulterated products stores in the metropolis.

06 Yuli, 2026KCPCKCPC TA SASANTA RIKICI TSAKANIN MAI SAYE DA KAMFANIN GARBA KARFEA ƙoƙarin da Hukumar Kare Hakkin Mai S...
06/07/2026

06 Yuli, 2026
KCPC

KCPC TA SASANTA RIKICI TSAKANIN MAI SAYE DA KAMFANIN GARBA KARFE

A ƙoƙarin da Hukumar Kare Hakkin Mai Saye ta Jihar Kano (KCPC) ke yi na samar da sulhu tsakanin masu saye da masu sayarwa, ta samu nasarar sasanta rikicin da ya ɓarke tsakanin wani mai saye da wani kamfani kan sayen wani flask.

Mai ƙorafin, Alhaji Mustapha Rulwanu, ya bayyana cewa ya sayi flask ɗin ne bisa bayanan da aka rubuta a jikinsa. Sai dai bayan ya fara amfani da shi, ya gano cewa bai dace da bayanan da aka yi masa ba.

Ya ce lokacin da ya koma kamfanin na Garba karfen domin a canja masa kayan, an ƙi amincewa da buƙatarsa.
Hakan ya sa ya shigar da ƙorafi ga Hukumar Kare Hakkin Mai Saye ta Jihar Kano domin ta shiga tsakani wajen warware matsalar.

Da yake jawabi bayan cimma sulhun, Daraktan Sa Ido da Bibiya na Hukumar, Alhaji Usman, wanda ya jagoranci zaman sasancin, ya yabawa Kamfanin bisa nuna fahimta da haɗin kai da s**a ba hukumar har aka samu maslaha.

Ya kuma buƙaci kamfanin da sauran 'yan kasuwa su tabbatar suna bayyana cikakkun bayanai game da kayayyakin da suke sayarwa, domin hakan zai rage yawan saɓani da rikice-rikice tsakanin su da kwastomominsu.

Alhaji Usman ya ƙara da jaddada cewa hukumar tana da alhakin shiga tsakani tsakanin mai saye da mai sayarwa domin tabbatar da adalci da kare haƙƙin kowane ɓangare.

Wakili daga Kamfanin na Garba karfe mal Abdurrahaman Dahiru ya yaba da yadda masalahar ta kasance tare da yin Alkawarin bin doka da kuma oda a nan Gaba

A ƙarshe, ya yaba wa Babban Sakataren Hukumar, Dakta Ibrahim G. Muhammad bisa jagoranci da goyon bayan da yake bayarwa, wanda ke taimakawa wajen kare lafiya da bunƙasa walwalar al'ummar Jihar Kano.

Daga:
Jamilu Mustapha Yakasai
Daraktan Wayar da Kai
Hukumar Kare Hakkin Mai Saye ta Jihar Kano (KCPC).

An Yabawa KSCPC Kan Yaki da Gurbatattun KayayyakiWasu 'yan kasuwa karkashin jagorancin Alhaji Idris Muhammad sun bayyana...
05/07/2026

An Yabawa KSCPC Kan Yaki da Gurbatattun Kayayyaki

Wasu 'yan kasuwa karkashin jagorancin Alhaji Idris Muhammad sun bayyana cewa irin kokarin da Hukumar Kare Hakkin Mai Saye da Sayarwa ta Jihar Kano (KSCPC) ke yi na kare al'umma daga amfani da gurbatattun kayayyaki zai amfani jama'a tare da bunkasa harkokin kasuwanci cikin inganci.

Alhaji Idris Muhammad ya bayyana hakan ne yayin da ya jagoranci tawagar 'yan kasuwa zuwa hedikwatar hukumar domin nuna goyon bayansu ga ayyukan da take gudanarwa na tsaftace kasuwanni da tabbatar da ingancin kayayyaki.

Ya ce irin wadannan matakai za su kara zaburar da 'yan kasuwa da kamfanoni, manya da kanana, wajen bin ka'idoji da sharuddan da s**a shafi samar da kayayyaki masu inganci.

A cewarsa, hakan zai taimaka matuka wajen kare lafiyar al'umma da kuma ci gaban tattalin arziki

Haka kuma, ya tabbatar wa hukumar da cewa za su ci gaba da ba ta hadin kai ta hanyar bayar da shawarwari masu amfani tare da zama jakadunta wajen wayar da kan jama'a a fadin Jihar Kano.

A nasa jawabin, Babban Sakataren Hukumar, Dr. Ibrahim Garba Muhammad, gode wa tawagar ya yi bisa wannan ziyara da kuma goyon bayan da s**a nuna wa hukumar.

Ya juma tabbatar musu da cewa hukumar za ta ci gaba da aiki tukuru domin tabbatar da cewa ana samar da kayayyaki masu inganci da kuma dakile yaduwar kayayyakin da ba su dace da amfani ba.

Dr. Ibrahim ya kara da cewa manufar hukumar ba wai takurawa 'yan kasuwa ba ce, illa tabbatar da kare rayuka da lafiyar al'umma daga duk wani abu da zai iya zama barazana,
musamman kayayyakin da jama'a ke amfani da su a kullum.

Daga karshe, ya yi kira ga kasuwanni, kamfanoni manya da kanana, da su ci gaba da mara wa hukumar baya ta hanyar bin ka'idoji da kuma sanar da hukumar duk wani wanda ke karya dokoki ko sayar da kayayyaki marasa inganci, domin hakan ne zai taimaka wajen gina kasuwa mai tsafta da kare lafiyar al'umma.

Daga:
Daraktan Wayar da Kan Al'umma
Hukumar Kare Hakkin Mai Saye da Sayarwa ta Jihar (KSCPC)
Jamilu Mustapha Yakasai

04/07/2026

HUKUMAR KARE HAKKIN MASU SAYE DA AMFANI DA KAYAYYAKI TA JIHAR KANO ZATA DAUKI MATAKIN GAGGAWA AKAN MASU SARRAFAWA DA SAYARWA DA SARRAFA MAGUNGUNAN AMFANIN GONA, IRI DA KUMA TAKI NA JABU DA WADANDA DOKA TA HARAMTA AMFANI DASU.

Wanna mataki yabiyo bayan karɓar ƙorafe-ƙorafe daga manoma akan zargin yawaitar wasu magungunan feshi na jabu da Taki da kuma Iri da ake amfani da su a gonaki, lamarin da ya jefa manoma cikin damuwa tare da haifar musu da asara, Shugaban Hukumar Kare Haƙƙin Masu Saye ta Jihar Kano, Ibrahim Garba Muhd, PhD, yakai ziyarar bazata garin Kura domin tattaunawa kai-tsaye da manoma don tabbatar da wannan matsala.
Nan take, ya tabbatar musu da cewa gwamnati zata dauki mataki na gaggawa wurin dakile duk wani bata gari wanda ke sayarwa, sarrafawa ko dillancin magungunan jabu a birnin jahar Kano da kewaye.

A yayin wannan ziyarar manoman sun nuna jin daɗinsu da godiyarsu ga shugabancin wannan hukumar, bisa saurin yunkurin ɗaukar mataki da kuma damuwa data nuna wajen ganin an magance matsalar. Sun bayyana cewa irin wannan aiki zai ƙara tabbatar da adalci, kare haƙƙin manoma, da kuma ƙarfafa amincewar jama'a ga ayyukan hukumar.
Hukumar ta kuma tabbatar da cewa za ta ci gaba da sa ido tare da ɗaukar matakan doka a kan duk wanda aka samu da laifin sayar da kayayyakin noma marasa inganci, domin tabbatarwa al'ummar Jihar Kano suna samun kayayyaki masu inganci da aminci.

Dr. Ibrahim G. Muhammad
Executive Secretary,
Consumer Protection Council

KUNGIYAR MASU SARRAFA MADARAR YOGHURT TA JIHAR KANO TA YI ALKAWARIN HADA KAI DA KCPC DOMIN KARE LAFIYAR AL'UMMAKungiyar ...
03/07/2026

KUNGIYAR MASU SARRAFA MADARAR YOGHURT TA JIHAR KANO TA YI ALKAWARIN HADA KAI DA KCPC DOMIN KARE LAFIYAR AL'UMMA

Kungiyar Masu Sarrafa Madarar Yoghurt ta Jihar Kano, karkashin jagorancin Shugabanta, Alhaji Abdulkarim Yusha'u, ta yi alkawarin yin aiki kafada da kafada da Hukumar Kare Hakkin Masu Saye da Sayarwa ta Jihar Kano (KCPC) domin tabbatar da inganci da kare lafiyar al'ummar jihar.

Shugaban kungiyar ya bayyana hakan ne yayin wata ziyarar girmamawa da goyon baya da s**a kai wa shugabannin hukumar a ofishin sa

Ya ce kungiyar za ta yi duk mai yiwuwa wajen wayar da kan mambobinta kan muhimmancin bin ka'idojin tsafta da amfani da ingantattun sinadarai wajen sarrafa madarar yoghurt, domin tabbatar da cewa ana samar wa al'umma kayayyaki masu inganci da aminci.

Tun da farko, Babban Sakataren Hukumar KCPC, Dakta Ibrahim Garba Muhammad, ya bayyana matuƙar farin cikinsa da ziyarar, tare da yabawa kungiyar kan kudirinta na hada kai da hukumar wajen tabbatar da bin dokoki da ka'idojin da s**a shafi sarrafa yoghurt din

Ya kuma bayyana cewa nan ba da jimawa ba hukumar za ta fara rangadi na musamman zuwa kamfanoni, kasuwanni da kananan masana'antu domin wayar da kai kan dokokin kare hakkin masu saye da kuma tabbatar da ingancin kayayyakin da ake samarwa.

A karshe, Dakta Ibrahim G. Muhammad ya gode wa shugabannin kungiyar bisa ziyarar, tare da tabbatar musu da cewa hukumar za ta ci gaba da aiki ba dare ba rana domin kare lafiya da muradun al'ummar Jihar Kano.

Daga:
Jamilu Mustapha Yakasai
Daraktan Wayar da Kai
Hukumar Kare Hakkin Masu Saye da Sayarwa ta Jihar Kano (KCPC)

Address

Kano

Website

Alerts

Be the first to know and let us send you an email when Kano State Consumer Protection Council posts news and promotions. Your email address will not be used for any other purpose, and you can unsubscribe at any time.

Shortcuts

Share

Category