16/08/2026
KOSSAP Ta Gudanar da Muhimmin Taron Wayar da Kan Jami’anta
An gudanar da wani muhimmin taron wayar da kan jami’an rundunar Kano State Anti-Illicit Drugs/Phone Snatching Force (KOSSAP), domin ƙarfafa gwiwar jami’ai tare da samar da dabarun inganta kyakkyawar mu’amala, aiki tare da kuma sauran hanyoyin da za su taimaka wajen ci gaban rundunar.
Kwamandan rundunar Nura Salisu Sharada, ne ya jagoranci taron, inda ya jaddada muhimmancin ƙwarewa, biyayya, kyakkyawar mu’amala da kuma haɗin kai tsakanin jami’an rundunar domin samun nasarar ayyukan da aka damƙa musu.
Daga cikin manyan jami’an da s**a halarci taron akwai Sakataren Rundunar, DC Alhaji Bala Tofa; DC Parade Commander kuma Director Interlegence with Appointment, Bello Muhammad Karaye; DC Abduljalal Said Muhammad Director Operations, PPRO Ibrahim Garba Ahmad; DSK S.O Kabiru Musa Jalo; DSK OC Media, Idris Idris Jibril; da 2IC OC Media, ASP Abdulhalim Sulaiman Ibrahim, da 2IC OC S O Aliyu dan azumi tare da sauran jami’ai da membobin rundunar.
Taron ya kuma mayar da hankali kan ƙarfafa fahimtar juna, bin tsarin aiki, kyautata hulɗa da al’umma da kuma samar da sabbin dabarun da za su taimaka wajen inganta ayyukan rundunar
A nasa jawabin, Commander Nura Salisu Sharada ya ƙarfafa jami’an da su ci gaba da jajircewa wajen gudanar da ayyukansu cikin gaskiya, ladabi da kishin rundunar, domin cimma manufofin da aka kafa a kansu.
An bayyana taron a matsayin wani muhimmin mataki na ƙara inganta ƙwarewar jami’ai da kuma ƙarfafa haɗin kan rundunar wajen yaƙi da miyagun ƙwayoyi, satar wayoyi da sauran ayyukan da ke barazana ga tsaron al’umma.
