Katsina State Hisbah Board Command Headquarters

14/08/2026

ALƘALIN ALƘALAI YA YI ALƘAWARIN BAIWA HUKUMAR HISBAH GOYON BAYA

Hukumar Hisbah ta Jihar Katsina ta kai ziyara ga Alƙalin Alƙalan Jihar ranar Laraba 12/8/2026.

Da yake jawabi yayin ziyarar, Babban Kwamandan Hisbah na Jihar Katsina, Dr. Aminu Usman (Abu Ammar) ya bayyana maƙasudin wannan ziyara a matsayin neman shawarwari da yin aiki tare. Ya kuma yi bayanin irin ayyuka da nasarorin da Hukumar ta samu tun kafa ta. Sannan ya bayyana irin yadda Hukumar ta ke shirye wajen karɓar shawarwari daga sauran hukumomi da ɗaiɗaikun mutane.

Yayin da yake maida bayani, Alƙalin Alƙalan Jihar Katsina (Grand Khadi) Kabir Abubakar ya ba Hukumar shawarwari masu muhimmanci a wajen gudanar da ayyuka cikin nasara, sannan ya yi alƙawarin goyon bayan Hukumar Shari'ah da kotunan Shari'ah na Jihar ga Hukumar ta Hisbah domin ganin ta gudanar da ayyukanta cikin nasara.

✍️ Aminu Aliyu Albany,
ACG, ICT.

04/08/2026

INFORMATION

29/07/2026

Kungiyar PCRC YOUTH Katsina State Nigeria sun ziyarci shugaban hukumar Hisbah Sheikh Dr. Aminu usman (Abu Ammar) phd, A office din shi dake kusa da natsinta kusa da barikin sojoji Ahanyar titin jibia.

Ziyarar nada nufin neman hadin kan hukumar hisbah don yin Aiki kafada da kafada

Babban commander hisbah ya nuna Jin dadin sa sosai da wannan ziyarar tare da tabbatar masu cewa hukumar hisbah zatayi Aiki da kungiyar kafada da kafada insha Allah.

Report.
OC ICT.
IB CHAIRMANCY

19/07/2026

Hukumar Hisbah Reshen Karamar Hukumar Dutsin-ma, ƙarƙashin jagorancin Kwamanda Shafi'u Ibrahim, ta samu nasarar k**a wani babban mutum tare da wata mata yayin da ake zargin suna ƙoƙarin aikata baɗala.

Jami'in Hukumar, I.H. Zaharaddeen Ayuba, tare da tawagarsa masu kula da yankin, su ne s**a samu nasarar gudanar da wannan aiki bayan samun korafe-korafe daga mazauna unguwar.

Lamarin ya faru ne a yankin G.R.A, Dutsin-ma, inda mazauna unguwar s**a dade suna kai rahoton cewa mutumin na yawan kawo mata daban-daban cikin gidansa, waɗanda ake zargin ba matansa na aure ba ne.

Hukumar Hisbah tana ci gaba da gudanar da bincike kan lamarin domin ɗaukar matakan da s**a dace bisa tanadin doka.

Hukumar tana ƙara kira ga al'umma da su ci gaba da bayar da sahihan bayanai domin taimakawa wajen yaƙi da munanan ɗabi'u da kare tarbiyyar al'umma.

06/07/2026

06/07/2026

AN YI TARON MAMBOBIN HUKUMAR HISBAH (BOARD MEMBERS) A KATSINA

Hukumar Hisbah ta Jihar Katsina ta gabatar da taron mambobinta (Board Members) karo na biyu a cikin wannan shekarar (2026 CE). An gudanar da taron ne yau Litinin 6/7/2026 a Hedikwatar Hukumar ta Hisbah da ke Katsina.

Taron wanda Shugaban Hukumar Brig. Gen. Ahmed Muhammed Daku (Board Chairman) ya jagoranta, ya maida hankali wurin nazarin nasarori da kuma akasinsu da hukumar ta samu a cikin watannin da su ka gabata domin amfani da darussan da ke ciki wurin inganta ayyukan Hukumar.

Wadanda su ka halarci taron sun hada da Babban Kwamandan Hukumar ta Jiha Dr. Aminu Usman (Abu Ammar), Mambobin Hukumar (Board Members), da kuma Mambobin Gudanarwa na Hukumar wato (Board Management).

~Aminu Aliyu Albany,
Assistant Commander General (ICT),
Katsina State Hisbah Board.

23/04/2026