Revu de Jouwer

11/03/2026

De 38e Nijjiersrevu is noch mar krekt foarby… en dochs binne wy alwer dwaande mei de 𝟯𝟵𝗲 𝗡𝗶𝗷𝗷𝗶𝗲𝗿𝘀𝗿𝗲𝘃𝘂 𝗼𝗽 ’𝗲 𝗝𝗼𝘂𝘄𝗲𝗿!🎭✨

Justerjûn kaam de skriuwersploech foar it earst wer byinoar. In tafel fol ideeën, in bytsje harseskrabjen en... It earste siedsje foar de nije revu is plante!

Oan ideeën gjin gebrek… mar wy binne ek benijd nei 𝗷𝗶𝗺𝗺𝗲 𝗶𝗱𝗲𝗲ë𝗻 👀
👉 Wat mei neffens dy perfoarst net ûntbrekke yn de 39e Nijjiersrevu?

Lit it ús witte yn de reaksjes! Wa wit sjochst dyn idee yn jannewaris 2027 wol werom op it poadium. 😉

03/03/2026

By ús filmjûn hawwe wy ôfskied naam fan twa hiel bysûndere Revu-minsken.

🌸 𝓥𝓲𝓿𝓲𝓪𝓷 – sûnt de oprjochting fan 𝗦𝘁𝗶𝗰𝗵𝘁𝗶𝗻𝗴 𝗡𝗶𝗷𝗷𝗶𝗲𝗿𝘀𝗿𝗲𝘃𝘂 𝗱𝗲 𝗝𝗼𝘂𝘄𝗲𝗿 yn 2013 ús trouwe ponghâlder. Al dy jierren soarge se dat de siferkes kloppen. Dêrnjonken stie se klear foar fan alles en noch wat – en sa no en dan sels mei de dwersfluit op it toaniel.
Gjin offisjele funksje mear… mar de Revu hielendal loslitte? Wy leauwe der neat fan. Wy sjogge har fêst wer!

🎬 𝓒𝓱𝓻𝓲𝓼 – ús regy-man fan it ôfrûne jier. Mei passy, enerzjy en in skerp each foar timing brocht er ús nei in prachtfoarstelling. Wy hiene him graach langer fêsthâlden, mar ja… sa giet dat mei echte teaterbisten. De aginda ropt.
Ut it each is by ús noait út it hert – ek Chris sjogge wy grif wer ris.

Foar beide wiene der blommen en in orizjineel Revu-glês 🥂
En Chris krige dêrneist it skilderij mei de Jouster toer – makke troch ús dekôrskilder Walter de Graaf foar de 38e Nijjiersrevu. In stikje Revu foar oan ’e muorre.

Vivian en Chris: tige tank foar jimme ynset, tiid, humor en jimme hert foar de Revu. 💛

03/03/2026

Ferline wike tiisdei mochten wy einliks sels ús keunsten besjen: filmjûn fan de 38e Nijjiersrevu Juster, Hjoed en Moarn! Yn de efterseal fan Café 't Hert sieten wy mei-inoar – net yn ’e grime, net yn spanning, mar gewoan mei in drankje yn ’e hân en de eagen op it grutte skerm.

Fansels koe it net oars as by it liet “Werom yn de tiid” gongen de hannen de loft yn en songen wy lûd mei. Net hielendal suver, mar wol mei 100% oertsjûging!

✨ grutsk wêze
😂 laitsje om ússels
🎶 en gewoan efkes werom yn de tiid

30/01/2026

𝗚𝗿𝗼𝗲𝘁𝗻𝗶𝘀 𝗳𝗮𝗻 𝗖𝘂𝗿𝗮ç𝗮𝗼 🌴☀️

De freondinnen dy’t jimme kenne as 𝗯𝗲𝗽𝗽𝗲 𝗕𝗲𝗶𝘁𝘀𝗸𝗲 𝗲𝗻 𝗯𝗲𝗽𝗽𝗲 𝗖𝗼𝗿𝗿𝘆 hawwe yn de ôfrûne revu bekendmakke dat se foar ûnbepaalde tiid ôfset binne nei Curaçao.
Gjin kjeld mear yn ’e bonken, mar alle dagen sinne, see en in advokaatsje. En earlik is earlik: jou se ris ongelyk.

Dat betsjut wol dat wy harren net werom sjen sille yn de Nijjiersrevu…
Mar wat hawwe wy genoaten fan alles wat se ús jûn hawwe.

Mei 𝗯𝗲𝗽𝗽𝗲 𝗕𝗲𝗶𝘁𝘀𝗸𝗲 𝗲𝗻 𝗯𝗲𝗽𝗽𝗲 𝗖𝗼𝗿𝗿𝘆, en earder ek 𝗯𝗲𝗽𝗽𝗲 𝗦𝗶𝗽𝗽𝗶𝗲 en - yn leafdefolle neitins - 𝗯𝗲𝗽𝗽𝗲 𝗔𝗻𝘁𝘀𝗷𝗲, hawwe wy jierrenlang lake, skodholle en genietsje kinnen. De beppes wiene en bliuwe yn ús revuhert.

Tige tank foar alle aventoeren dy’t wy mei jimme op it poadium belibje mochten 💐
Wy winskje jimme it alderbêste dêr op it eilân!

Wa’t de beppes hjirûnder noch in groet bringe wol: wy stjoere ’m troch nei Curaçao! 🌴💌

29/01/2026

En dan no: de lêste searje.
10 kollage’s, 10 scenes, 1 ôfsluting. ✨

Hokker wie de moaiste, leukste, grappigste, bêste, .....?

Tank foar it meisjen en meibelibjen.

26/01/2026

Alwer in pear dagen fierder… 😊

Hjoed nimme wy jimme wér efkes mei werom yn de seal, mei de folgjende rige kollage’s fan lieten en sketskes dy’t soargen foar laitsjen, werkenning en soms ek in bytsje kippefel ❤️

Sjoch, laitsje en belibje it noch mar efkes mei 😄
👉 Hokker momint springt der foar dy út yn dizze rige?

24/01/2026

Alwer in wike lyn… gie ús lêste foarstelling fan de 38e Nijjiersrevu Juster, Hjoed en Moarn krekt los 🎭
En noch altyd krije wy de aldermoaiste reaksjes – tige tank derfoar ❤️

De kommende dagen nimme wy jimme noch eefkes mei werom, mei foto's fan de lieten en sketskes.
Sjoch, laitsje en geniet noch mar efkes mei 😄
👉 Hokker liet of skets is dy it meast bybleaun?

22/01/2026

Moai stik en fotoferslach oer de 38e Nijjiersrevu Juster, Hjoed en Moarn.

Met humor, muziek en herkenning voor jong en oud nam de 38e Jouster Nijjiersrevu het publiek mee op een tijdreis door verleden, heden en toekomst. Onder regie van Chris Marijt. In Party- en Zalencentrum ’t Haske in Joure genoten bezoekers zichtbaar van een kleurrijke en energieke voorstelling vol ...

18/01/2026

🎶 "As ik werom gean yn de tiid, dan wol mei jim!
Wy haw' it mei syn allen hjir sa nei ús sin....
Dus foar jim de bêste winsken,
haw plezier, dat is net slim.
As ik werom gean yn de tiid dan wol mei jim!" 🎵

Minsken, juster wie de lêste.

🎤 "Koene jim laitsje,
ha jimm' wat nijs heard?
Gie it goed, wie 't nei 't sin,
wie it wier nei 't sin?

En stie de Jouwer,
genoch yn 't sintsje,
der wie earnst en ek ûnsin." 🎸

Tige, tige tank foar jimme kommen, jimme fijne reaksjes en jimme entûsjasme! Oant takkom jier, want dan dogge wy it gewoan wer! 👋

17/01/2026

𝗛𝗷𝗼𝗲𝗱 𝘆𝗻 Party- en Zalencentrum 't Haske Joure: 𝗱𝗲 𝘁𝗿𝗲𝗱𝗱𝗲 é𝗻 𝗳𝗷𝗶𝗿𝗱𝗲 𝗳𝗼𝗮𝗿𝘀𝘁𝗲𝗹𝗹𝗶𝗻𝗴 𝗳𝗮𝗻 𝗱𝗲 𝗡𝗶𝗷𝗷𝗶𝗲𝗿𝘀𝗿𝗲𝘃𝘂!🎭

Dit is dyn allerlêste kâns om mei ús mei te laitsjen, te fernuverjen en te genietsjen fan 𝗝𝘂𝘀𝘁𝗲𝗿, 𝗛𝗷𝗼𝗲𝗱 𝗲𝗻 𝗠𝗼𝗮𝗿𝗻.

Wy binne der (hast) klear foar en hawwe der ôfgryslik nocht oan! Komst ek?

👉 De lêste kaarten binne te krijen fia revudejouwer.nl/kaartferkeap, by 𝗣𝗿𝗶𝗺𝗲𝗿𝗮 𝗼𝗽 ’𝗲 𝗝𝗼𝘂𝘄𝗲𝗿 of 𝗼𝗮𝗻 𝗱𝗲 𝗱𝗼𝗮𝗿 𝗳𝗮𝗻 ’𝗲 𝘀𝗲𝗮𝗹 (ás se der dan noch binne… 👀).

16/01/2026

🌤️ It waar is knap,
🏠 yn Party- en Zalencentrum 't Haske Joure is it waarm en smûk,
🎭 wy spylje stikjes,
🎶 wy sjonge ferskes – foar de jong- én âlderein.

🔧 De technyk stiet op skerp,
🎸 de gitaren binne stimd,
🥁 it drumstel en de toetsen steane klear…
alles wachtet op jimme.

Wat kin jimme der noch fan wjerhâlde om jûn of moarn te genietsjen fan ús foarstelling?

🎟️ Noch gjin kaartsje?
➡️ gau nei revudejouwer.nl/kaartferkeap of oan de doar fan ’e seal.

👉 Net stinne, hinne!
En oars… hast écht wat moais mist.