Fedje Høgre

03/04/2026

https://www.facebook.com/vestlandhogre/posts/fylkestinget-l%C3%B8fter-no-fedje-si-sak-og-behovet-for-levande-lokalsamfunn-langs-ky/1395645459263561/

Fylkestinget løfter no Fedje si sak og behovet for levande lokalsamfunn langs kysten🌊💙

Bakgrunnen er saka der Statsforvaltaren har sagt nei til nye moglegheiter for næringsutvikling på Fedje, samstundes som store delar av arealet blir foreslått verna. For ein liten kommune med få alternativ, kan slike avgjerder få store konsekvensar for både arbeidsplassar og framtidig busetnad🏡⛰️

Difor fekk Høgre gjennomslag i fylkestinget:

💙Omsyn til næringsutvikling og livskraftige lokalsamfunn må vektleggast sterkare i arealsaker.

💙Fylkestinget ber no fylkesordføraren gå i dialog med Fedje kommune for å finne gode løysingar, både på land og i sjø. Målet er ein framtidsretta kommuneplan som legg til rette for verdiskaping, arbeidsplassar og bulyst.

Dette handlar ikkje berre om Fedje, men om korleis vi sikrar livskraftige lokalsamfunn langs heile kysten i Vestland🫶🏻

Les saka i kommentarfeltet👇🏻

08/09/2023

I dag er siste sjanse for førehandsrøysting!! Å røysta er di moglegheit til å påverka framtida di og samfunnet vårt. Ta del i demokratiet og røyst mellom klokka 08:45 og 15:00 på Sørvistorget i Kalvedalen 1 i dag! Di røyst tel. 🗳️

Fedje Høgre blir å sjå i butikken i ettermiddag. Bli med i samtalen om din kommune og lat røysta di bli høyrd.

08/09/2023

Fedje er ein fantastisk kommune, prega av eit vakkert landskap og ein unik atmosfære. Men for at samfunnet vårt skal kunne vekse og halde fram med å trekke småbarnsfamiliar til øya vår, er det avgjerande at vi legg vekt på dei aller yngste innbyggjarane våre. Fedje Høgre vil halde fast ved løftet vårt om gratis barnehage, garantert barnehageplass og opningstider tilpassa familiene våre.

Me forstår at barnehagekostnader kan vere ei stor økonomisk byrde for mange familiar. Derfor insisterer me på at barnehagen skal vere gratis. Dette gir småbarnsfamiliene våre økonomisk handlingsrom og gjer det enklare for foreldra å velje å arbeide eller studere utan bekymring for høge barnehagekostnader.

Kvart barn fortener eit trygt og stimulerande læringsmiljø. Difor vil Fedje Høgre alltid arbeide for å garantere barnehageplass. Dette gir foreldra tryggleik og sikrar at småbarna kan utforske og lære i eit inkluderande miljø.

Det er òg eit mål å få på plass sommarbarnehage igjen. Mange foreldra har arbeid eller andre forpliktingar gjennom sommaren. Sommarbarnehage gir dei fleksibilitet til å jobbe utan å bekymre seg for barnepass, samstundes som dei veit at borna deira er i trygge hender. Sommarbarnehage er både ein trygg og lærerik stad for borna, samstundes som ho gir foreldra den nødvendige støtta og fleksibiliteten dei treng i den travle sommarsesongen.

Vi vil og sjå på parkering og trafikksikkerheit ved henting og bringing av born i barnehagen. Tryggleik er alltid på dagsorden. Me er opptatt av at det skal vere ein trygg parkeringsløysing ved barnehagen, slik at foreldra kan levere og hente borna sine utan bekymring. Dette gir tryggleik både for borna og foreldra.

01/09/2023

Denne engasjerte gjengen er fast bestemt på å halde fram arbeidet med å gjere Fedje til ein kommune der det er godt å bu, både for store og små.

31/08/2023

Fedje Høgre er opptatt av å skapa eit blomstrande lokalsamfunn. Me ønskjer å framleis ha et dugnadsfond som kan støtta lokale initiativ retta mot auka trivsel og betre vedlikehald av område som turløypa.

Me har planar om å lage til ein sosial møteplass med spennande aktivitetar for alle aldersgrupper i den gruslagde løypa. Vidare vurderer me å utvida grusløypa mot vest, mot turhytta, og samstundes forbetra uteområdet rundt hytta. Dette inkluderer tilrettelegging av toalettfasilitetar.

På denne måten ønskjer Fedje Høgre å styrka fellesskapet og oppmuntre til ein aktiv og triveleg livsstil for våre innbyggjarar.

30/08/2023

Fedje Høgre - Næringsutvikling og Berekraftig Vekst

Fedje Høgre har eit klart mål - å fremja ei politikk som bidreg til eit variert og sterkt næringsliv på Fedje, samtidig som me tek vare på kreative enkeltmenneske. Vi ynskjer at Fedje kommune skal vera ein "JA-kommune," med ei smidig veg frå søknad til realisering. Kommunen skal vera ein katalysator for mindre prosjekt og vurdera moglegheiter for tilskot til lokale næringstiltak.

Fedje Høgre vil leggja til rette for at både kommunen og private næringsdrivande aktivt nyttar lærlingeordningar og ser på lærlingar som ei ressurs.
Vi vil også innføra ei garanti om sommarjobb for alle elevar og studentar i alderen 16 til 24 år som er busette på Fedje.

I den nye kommuneplanen vil Høgre setja av areal for næringsutvikling. Dette gir moglegheiter for betre vekst og utvikling av næringslivet på Fedje.

Fedje Høgre vil støtta arbeidet til det maritime næringsrådet, som fungerer som ein inkubator og gir råd til både nye og etablerte bedriftseigarar. Dette er avgjerande for å fremja innovasjon og berekraftig vekst.

Fedje Høgre vil la ordføraren ha kontinuerleg fokus på både eksisterande og nye næringsverksemdar.

Vi vil også arbeida for berekraftig energieffektivisering og utforska ulike former for energiproduksjon.

Vidare vil Fedje Høgre satsa på reiseliv med ei rekkje opplevingar for å tiltrekkja besøkande. Vi vil styrkja koordineringa av reiseliv for å fremja samarbeid mellom ulike aktørar i næringa.

29/08/2023

Fedje Høgre har eit viktig mål - å auke folketala på Fedje og skape trivsel der folk ynskjer å bu. Me trur at nøkkelen til vekst ligg i å tilby gode arbeidsplassar, bustader og tomtar for våre innbyggjarar.

Me vil halda fram med å støtta ordninga med subsidiar ved kjøp av kommunal tomt i Torvhauane, slik at fleire kan realisera draumen om å eigna sitt eige heim. Me vil leggja til rette for fleire kommunale tomtar og vurdera bygging av mindre bustadeiningar med attraktiv plassering, for å imøtekoma ulike behov og ynskje i samfunnet.

For å tiltrekkja nye innbyggjarar, vil Fedje Høgre introdusera ei "etableringspakke". Dette inkluderer dekning av flyttekostnader opp til 25 000 kr, for å letta overgangen til å bli ein del av vårt samfunn. Me ynskjer å gjera det enkelt for nye innbyggjarar å velja Fedje som sitt heimstadsval.

Fedje høgre vil aktivt marknadsføra Fedje som ein attraktiv kommune å bu i og flytta til. Dette inkluderer å dela fordelane som allereie finst i kommunen, i tillegg til den nye etableringspakka. Målet er å nå ut til potensielle innflyttarar og visa dei kor flott det er å vera ein del av Fedje-samfunnet.

Me forstår betydninga av eit godt fergetilbod for våre innbyggjarar på øya. Fedje Høgre vil arbeida for å tryggja ein jamn og påliteleg ferjeforbindelse

28/08/2023

Fedje Høgre har ein visjon om å skapa eit inkluderande og triveleg lokalsamfunn. Vi ønskjer difor å etablera ein mindre hundepark på ein passande stad, der hundeeigarar kan la hundane løpa fritt og engasjera seg i hundetrening.

Det er viktig for oss å understreka at hundeparken vil vera utforma med omsyn til folk som er redde for hundar. Vi ynskjer å skapa ein trygg atmosfære der alle kan føla seg komfortable og samstundes nytta godt av dette tilbodet. Hundeparken vil ikkje berre vera ein flott stad for hundeeigarar og deira firbeinte venner, men òg ein stad der folk kan møtast, utveksla erfaringar og styrka fellesskapet.

27/08/2023

Fedje Høgre arbeider for å fremja helse og aktivitet blant dei unge innbyggjarane våre, og vil styrkja idrettsmiljøet vårt. Vi trur på verdien av idrett som ein læringsarena og kjelde til helsegevinstar for komande generasjonar.

Ei av våre prioriterte målsettingar er å medverka til å realisera eit klubbhus eller garderobeanlegg ved vår idrettsplass.

26/08/2023

Fedje Høgre vil arbeida for å betra dei eksisterande kulturtilboda og introdusera nye, spennande initiativ. Vi ser på moglegheitene for å breia bruken av fleirbrukshallen slik at ho kan nyttast til fleire kulturformål. Vi vil aktivt støtta lokale kulturarrangement som ikkje berikar berre livet vårt, men også tiltrekkjer seg besøkjande frå andre stader. Dette medverkar til auka aktivitet og vekst i kommunen vår.

Ein anna spennande plan er å montera opp ein klatrevegg i fleirbrukshallen. Dette vil gi innbyggjarane våre høvet til å utfordra seg sjølv samstundes som det bidreg til å diversifisera bruken av denne viktige ressursen.