07/09/2026
रेकर्ड राख्ने अवसर गुम्दै ⏳!
धादिङ सदरमुकाम जोड्ने फुर्केखोला–परेवाटार पुल बाढीले बगाएपछि जिल्लाको आवागमनमा ठूलो समस्या परेको छ । ८ स्थानिय तह प्रत्यक्ष प्रभावित छन् । यस्तो अवस्थामा चीन सरकारले नेपाललाई १०० मिटर लम्बाइका Bailey Bridge उपलब्ध गराईसकेको अवस्थामा त्यसलाई ढिलाई नगरी तत्काल फुर्केखोला–परेवाटारमा प्रयोग गर्न सम्बन्धित पक्षको ध्यानाकर्षण होस् ।
सम्बन्धित पक्षले प्राथमिकता दिने हो भने फुर्के खोलामा दशैं अगावै पुल बन्छ/बन्न सक्ने समय पनि छ । नयाँ सरकारले कुनै काममा त चमत्कार गर्छ भन्ने मेरो आशा थियो, अझै छ ! तर दिनहरु क्रमश: बितिसके, हप्ता समेत बितेर, अर्को हप्ता पनि बित्नै लाग्यो तर अब महिना नबितोस् ! सरकारले समयमै काम नगरे क्रमश: आलोचना बढ्दै जाने कुरा बुझोस् । एकातर्फ उद्दारको तनाब छदैछ, तर अर्कोतर्फ पनि करोडौं जनता छन् भन्ने सरकारले बुझ्नुपर्छ । सरकारको उपस्थिति बहुतर्फी हुनुपर्छ । एकातर्फ अति एक्टिभ तर अर्कोतिर शुन्यता, नहोस् !
यो सरकारलाई चमत्कार गर्ने अवसर छ । गरोस्, जनताको मन जितोस् । बाढी गएको ३१ घण्टामा पुल हालेको भारतमै इतिहास छ, मैले यो विषय उठाउदै गर्दा नेपालमा बाढीको बितण्डा भएको ३१० घण्टा बितिसकेको छ । क्रमश: रेकर्ड राख्ने अवसरहरु गुम्दैछ ।
