बागीभूगोल साप्ताहिक

28/07/2026

Join with us.

28/07/2026

नारायणी अस्पताल आन्दोलनबारे नेता झाको सरकारलाई आग्रह: ‘प्रशासनको नाकामीले देशव्यापी संकट निम्त्यायो’

वीरगञ्ज, साउन २८— नेपाली कांग्रेसका युवा नेता कञ्चन झाले नारायणी अस्पतालमा देखिएको आन्दोलन र त्यसपछि देशभर फैलिएको चिकित्सक आन्दोलनलाई पर्सा प्रहरी–प्रशासनको असफलताको परिणाम भएको बताएका छन्। उनले अस्पतालमा उत्पन्न तनावका कारण चार दिनदेखि बिरामीहरू उपचार सेवाबाट वञ्चित हुनु अत्यन्तै दुःखद भएको उल्लेख गर्दै स्थानीय प्रशासनको कार्यशैलीप्रति गम्भीर असन्तुष्टि व्यक्त गरेका छन्।

झाले नारायणी अस्पतालमा कार्यरत अधिकांश चिकित्सकले असुरक्षाको कारण राजीनामा दिएको र अस्पताल तोडफोड तथा चिकित्सकमाथि भएको कुटपिटको निष्पक्ष छानबिन र दोषीमाथि कारबाहीको माग गर्दै आएका चिकित्सकहरूलाई प्रशासनले वार्ताका नाममा धम्क्याएको आरोप लगाए। उनले यस्तो व्यवहारले आन्दोलन समाधान हुनुको सट्टा झन् चर्किएको दाबी गरे।

झाले संवेदनशील परिस्थितिमा स्थानीय प्रहरी–प्रशासनले संयमता अपनाई चिकित्सकलाई सुरक्षाको प्रत्याभूति दिलाएर सेवा सञ्चालनको वातावरण बनाउनुपर्नेमा "शासकीय दम्भ" प्रदर्शन गरेको आरोप लगाए। प्रशासनले जनताको विश्वास जित्ने गरी काम गर्नुपर्ने उल्लेख गर्दै उनले बल प्रयोग र दबाबको मानसिकता त्याग्न आग्रह गरे।

उनले उपचारका क्रममा बिरामीको मृत्यु चिकित्सकीय लापरवाहीका कारण भएको हो वा होइन भन्ने विषय निष्पक्ष छानबिनबाट टुंगिनुपर्ने बताए। साथै अस्पताल तोडफोड गर्ने, चिकित्सकमाथि आक्रमण गर्ने तथा सुरक्षाको माग गर्ने चिकित्सकमाथि दुर्व्यवहार गर्ने जोसुकै भए पनि कानुनी दायरामा ल्याउनुपर्ने उनको माग छ।

झाले पर्साका जिम्मेवार प्रशासकहरूले आफ्नो जिम्मेवारी निर्वाह गर्न नसकेको भन्दै उनीहरूमाथि आवश्यक कारबाही गर्न सरकारसँग माग गरेका छन्। चिकित्सकको आवरणमा कसैले राजनीतिक स्वार्थ पूरा गर्न खोजेको पाइए त्यस्तामाथि पनि कानुनअनुसार कारबाही गर्नुपर्ने उनको भनाइ छ।

अन्त्यमा उनले सरकारले नारायणी अस्पतालको विवाद यथाशीघ्र समाधान गरी देशभरका अस्पतालमा नियमित स्वास्थ्य सेवा सञ्चालनको वातावरण बनाउनुपर्नेमा जोड दिएका छन्। आन्दोलनरत चिकित्सकलाई बिरामीको संवेदनशीलता बुझेर सेवामा फर्किन, घाइते चिकित्सकको उचित उपचार गर्न तथा मृतकका परिवारलाई निष्पक्ष न्यायको प्रत्याभूति दिलाउन पनि उनले सरकारसँग आग्रह गरेका छन्।

28/07/2026

पानी परेपछि शितल छ हेटाैँडामा ।

28/07/2026

पूर्वी नेपाल र मधेशको सीमामा धार्मिक सम्प्रदायका नाममा आगो सल्किएको छ । यो आगो सबै मिलेर निभाऔँ । समाज अरु क्षति भोग्दैछ । समाजका अरु भूगोल थप उत्तेजित नबनोस् । यो भिडियो चैँ सुनसरीको कोशी कटान क्षेत्रको हो । स्थानीयका अनुसार केही समूहले कोशी गाउँपालिका–४ स्थित पसलमा तोडफोड र आगजनी गरेका छन् । समाजमा विकसित त्रास, उत्तेजना र बदलाभावको डढेलो बेलैमा निभाऔँ ।

28/07/2026

काफलचौरमा पहिलोपटक पुगे सांसद

हेटौँडा । मकवानपुरको पुरानो सुदरमुकाम भीमफेदीको काफलचौरमा पहिलोपटक सांसद पुगेका छन् ।

भीमफेदी बजारबाट एक घण्टाको यात्रामा पुगिने काफलचौर चेपाङ बस्ती भएको दुर्गम गाउँभित्र पर्दछ । यो गाउँमा पहिलो पटक प्रतिनिधि सभाका सांसद प्रशान्त उप्रेती पुगेका हुन् । मकवानपुर निर्वाचन क्षेत्र नम्बर २ का सांसद उप्रेती यो साता मकवानपुरमा आफ्नो भूगोलका जनतासँग अन्तरक्रिया गर्ने क्रममा आज भीमफेदीको वडा नम्बर ६ काफलचौर पुगेका थिए ।

‘गाउँमा पहिलोपटक सांसद आए भनेर स्थानीय हर्षित भए,’ सांसदसँगै गाउँ पुगेका राष्ट्रिय स्वतन्त्र पार्टी (रास्वपा)का मकवानपुर सचिव बिशभ अधिकारीले भने, ‘अहिलेसम्म काफलचौरमा कुनै सांसद पुगेका रहेनछन् ।’

चेपाङ बस्ती, दुर्गम र हिँडेर जान अलि टाढा भएकाले पनि यो गाउँमा सांसद नपुगेको स्थानीय बताउँछन् । ‘त्यहाँ पुग्न अलि टाढा छ, ग्रामीण बस्ती छ,’ भीमफेदी गाउँपालिका वडा नम्बर ६ कि कार्यालय सचिव सविना बरालले भनिन्, ‘काफलचौर दुर्गम बस्तीभित्रै पर्छ ।’

रास्वपा सचिव बिशभ अधिकारीले आज सांसद प्रशान्त उप्रेतीले काफलचौरका जनतासँग अन्तरक्रिया गरेको जानकारी दिए । गाउँ आइपुगेका पहिलो सांसदलाई उनीहरुले आफ्ना समस्या सुनाएका थिए ।

28/07/2026

28/07/2026

कोशी प्रदेश प्रहरी प्रमुखबाट पदभार ग्रहण
विराटनगर, साउन ११ गते ।
तालुक नेपाल प्रहरी प्रधान कार्यालयको साउन ११ गतेको पत्रादेशले तालुक नेपाल प्रहरी प्रधान कार्यालय, नक्साल काठमाण्डौबाट कोशी प्रदेश प्रहरी कार्यालय विराटनगरमा सरुवा भई हाजिर भएका प्रहरी नायव महानिरीक्षक शेखर खनालले कोशी प्रदेश प्रहरी प्रमुखको पदभार ग्रहण गरेका छन् ।

26/07/2026

मकवानपुरमा लालपुर्जा बाँडिदै ! Part 25