https://www.facebook.com/107184872153534/

Voice Of Sunsari, Itahari (2026)

29/07/2026

जात, धर्म, भाषा र समुदायभन्दा माथि मानवता नै हाम्रो सबैभन्दा ठूलो पहिचान हो।
प्रेम, सम्मान, सद्भाव र एकतासहित शुभ दिनको शुभारम्भ गरौँ।

28/07/2026

सामाजिक सद्भाव कायम गर्ने सन्देशसहित दुहबीमा हिन्दु–मुस्लिम अगुवाद्वारा सद्भाव र्‍याली

दुहबी (सुनसरी): सामाजिक सद्भाव, धार्मिक सहिष्णुता तथा आपसी भाइचारा कायम गर्ने उद्देश्यले सुनसरीको दुहबीमा मंगलबार हिन्दु–मुस्लिम समुदायका अगुवाहरूको सहभागितामा सद्भाव र्‍याली आयोजना गरिएको छ।
र्‍यालीमा सुनसरी क्षेत्र नं. ३ का प्रतिनिधिसभा सदस्य अशोक कुमार चौधरी, दुहबी नगरपालिकाकी उपप्रमुख मेनुका खतिवडा पोखरेल, विभिन्न वडाका अध्यक्षहरू, नेकपा (एमाले), नेपाली कांग्रेस तथा नेकपा (माओवादी केन्द्र) का नगर नेतृत्व, धार्मिक अगुवा, सामाजिक अभियन्ता र स्थानीयवासीहरूको उल्लेखनीय सहभागिता रहेको थियो।
र्‍यालीमार्फत सामाजिक एकता, पारस्परिक सम्मान, धार्मिक सहिष्णुता र सहकार्यको भावनालाई अझ सुदृढ बनाउन सबैमा आह्वान गरिएको थियो।
सहभागीहरूले हालै सुनसरीको देवानगञ्जमा भएको दुःखद घटनाप्रति गम्भीर ध्यानाकर्षण गराउँदै घटनाको निष्पक्ष छानबिन गरी दोषीलाई कानुनबमोजिम कडा कारबाही गर्न सरकारसँग माग गरेका छन्। साथै, पीडित परिवारलाई न्याय र घाइतेहरूको प्रभावकारी उपचार सुनिश्चित गर्न पनि आग्रह गरिएको छ।
कार्यक्रमलाई सम्बोधन गर्दै सांसद अशोक कुमार चौधरीले शान्ति, एकता, सहिष्णुता र मिलाप सबै धर्मको साझा सन्देश भएको उल्लेख गर्दै हिन्दु–मुस्लिम समुदायबीचको ऐतिहासिक सद्भावलाई अझ मजबुत बनाउन सबैले संयमता र जिम्मेवारीका साथ भूमिका निर्वाह गर्नुपर्ने बताए।
उनले सामाजिक सद्भावमा खलल पुग्ने कुनै पनि गतिविधि, अफवाह वा उक्साहटबाट टाढा रहन सबैमा अपिल गर्दै संवाद, आपसी विश्वास र सहकार्य नै समाजलाई बलियो बनाउने आधार भएको धारणा व्यक्त गरे।
र्‍यालीमा सहभागीहरूले यस्ता घटनाको पुनरावृत्ति हुन नदिन सम्बन्धित निकायले समयमै प्रभावकारी कदम चाल्नुपर्ने, सामाजिक सद्भाव भड्काउने गतिविधिमाथि कडाइ गर्नुपर्ने तथा सबै समुदायबीच संवाद, सहिष्णुता र आपसी विश्वासलाई थप सुदृढ बनाउन आवश्यक रहेकोमा जोड दिएका थिए।

27/07/2026

कप्तानगञ्ज घटनाका घाइतेलाई अस्पताल पुगेर भेटे सांसद अशोक कुमार चौधरी

:- राष्ट्रिय स्वतन्त्र पार्टी (रास्वपा)का प्रतिनिधिसभा सदस्य तथा सुनसरी–३ का सांसद अशोक कुमार चौधरीले सुनसरीको देवानगञ्ज गाउँपालिका–३, कप्तानगञ्जमा भएको घटनामा घाइते भई उपचाररत व्यक्तिहरूलाई अस्पताल पुगेर भेटघाट गरेका छन्।
सांसद चौधरीले विराट नर्सिङ होम र नोबेल शिक्षण अस्पतालमा उपचाररत घाइतेहरूको स्वास्थ्य अवस्थाबारे चिकित्सक तथा अस्पताल प्रशासनसँग जानकारी लिँदै उपचारमा कुनै पनि प्रकारको कमी हुन नदिन आवश्यक समन्वय र विशेष ध्यान दिन आग्रह गरेका छन्।
भेटका क्रममा उनले उपचारलाई प्रभावकारी, सहज र निरन्तर बनाउन आवश्यक सबै सहयोगका लागि आफू प्रतिबद्ध रहेको विश्वास दिलाएका छन्। साथै, घाइतेहरूको शीघ्र तथा पूर्ण स्वास्थ्यलाभको कामना गर्दै उपचारमा संलग्न चिकित्सक, स्वास्थ्यकर्मी र अस्पताल प्रशासनप्रति धन्यवाद व्यक्त गरेका छन्।
सांसद चौधरीले पीडित परिवारप्रति गहिरो समवेदना व्यक्त गर्दै घटनाको निष्पक्ष छानबिन, सत्यतथ्य सार्वजनिक तथा दोषीमाथि कानुनबमोजिम कारबाही हुनुपर्नेमा जोड दिएका छन्। साथै, पीडितले न्याय र घाइतेहरूले गुणस्तरीय उपचार पाउने वातावरण सुनिश्चित गर्न सम्बन्धित निकायसँग निरन्तर समन्वय गर्ने प्रतिबद्धता पनि व्यक्त गरेका छन्।

27/07/2026

देवानगञ्ज घटनाबारे शान्ति, सद्भाव र निष्पक्ष छानबिनको माग

25/07/2026

स्थानीयवासीहरूको आवाज सुनेपछि संस्कृति, पर्यटन तथा नागरिक उड्डयनमन्त्री खडक राज पौडेल (गणेश) सुनसरीको बर्जु ताल पुग्नुभयो। स्थलगत अवलोकनका क्रममा उहाँले सो क्षेत्रका प्रतिनिधिसभा सदस्य अशोक कुमार चौधरीलाई साक्षी राख्दै बर्जु तालको संरक्षण, विकास तथा पर्यटकीय प्रवर्द्धनका लागि नेपाल सरकारले आवश्यक साथ, सहयोग र पहल गर्ने प्रतिबद्धता व्यक्त गर्नुभयो।

30/04/2026

सुकुम्वासी पहिचान र सुरक्षित व्यवस्थापनपछि मात्र सार्वजनिक जग्गा खाली गरिनेछ : सरकार

सरकारले वास्तविक सुकुम्वासीको पहिचान र सुरक्षित व्यवस्थापनपछि मात्र अतिक्रमित सार्वजनिक तथा सरकारी जग्गा खाली गर्ने स्पष्ट पारेको छ।

सरकारले सुकुम्वासीहरूमा देखिएको त्रासप्रति सचेत रहँदै उनीहरूलाई ढुक्क हुन आग्रह गरेको हाे। वर्षायाम नजिकिँदै गर्दा बाढी तथा डुबानको उच्च जोखिममा रहेका बागमती तथा सहायक नदी किनारका बस्तीलाई लक्षित गरी वैशाख १२ गतेदेखि विशेष अभियान सुरु गरिएको जनाएको छ।

यसक्रममा थापाथली, शान्तिनगर, गैरीगाउँ तथा कागेश्वरी मनोहरा नगरपालिका क्षेत्रका गोठाटार बुद्धचोक र मनोहरा टोलका जोखिमयुक्त बस्ती खाली गरिसकिएको छ।

शहरी विकास मन्त्री सुनिल लम्सालले ती बस्तीहरू मानवीय सुरक्षाका दृष्टिले मात्र खाली गरिएको स्पष्ट पार्दै अन्य क्षेत्रमा भने सुकुम्वासीको पहिचान र व्यवस्थापनको स्पष्ट खाका नबनाई जग्गा खाली नगर्ने बताएका छन्।

- NepalPress

28/04/2026

सुनसरी, इनरुवा — इनरुवास्थित भेटनरी अस्पताल तथा पशु सेवा विज्ञ केन्द्रमा बर्डफ्लु संक्रमणको बढ्दो जोखिमलाई मध्यनजर गर्दै कुखुरापालक कृषकहरूसँग एक अन्तरक्रिया कार्यक्रम सम्पन्न भएको छ। कार्यक्रममा अशोक कुमार चौधरी प्रमुख अतिथिका रूपमा उपस्थित रहनुभएको थियो भने कोशी प्रदेशका उद्योग, कृषि तथा सहकारी मन्त्री इसरायल मन्सुरीको अध्यक्षता रहेको थियो।
झापा, मोरङ र सुनसरी जिल्लाका विभिन्न स्थानहरूमा H5N1 तथा H9N2 जस्ता प्राणघातक बर्डफ्लु संक्रमण देखिन थालेपछि यसको नियन्त्रण, रोकथाम र प्रभावित कृषकको संरक्षणबारे गम्भीर छलफल भएको हो।
कार्यक्रममा सहभागी कृषकहरूले पछिल्लो समय बर्डफ्लुका कारण ठूलो आर्थिक क्षति व्यहोर्नुपरेको गुनासो गरेका थिए। उनीहरूका अनुसार संक्रमणका कारण कुखुरा नष्ट गर्नुपर्दा उत्पादन चक्रमा अवरोध आएको छ भने लगानी समेत जोखिममा परेको छ। यसले स्थानीय अर्थतन्त्रमा नकारात्मक असर पार्दै बेरोजगारी वृद्धि र आयआर्जनमा गिरावट ल्याउने सम्भावना औंल्याइएको छ। कृषकहरूले यस अवस्थाले दीर्घकालीन रूपमा राज्यको समग्र आर्थिक वृद्धिदर (जीडिपी) मा समेत प्रभाव पार्न सक्ने चेतावनी दिएका छन्।
अन्तरक्रियामा कृषकहरूले हाल H5N1 संक्रमणमा मात्र उपलब्ध रहेको क्षतिपूर्तिको व्यवस्था H9N2 मा समेत लागू गर्नुपर्ने माग राखेका थिए। उनीहरूले रोगको प्रकृति र प्रभाव दुवै गम्भीर रहेको उल्लेख गर्दै समान नीतिगत व्यवहार आवश्यक भएको जोड दिएका छन्।
कार्यक्रममा बोल्दै प्रमुख अतिथि चौधरीले कृषकको समस्याप्रति सरकार गम्भीर रहेको बताउँदै प्रभावकारी नियन्त्रण रणनीति, शीघ्र क्षतिपूर्ति तथा दीर्घकालीन पशु स्वास्थ्य सुरक्षाका लागि नीतिगत सुधार आवश्यक रहेको धारणा व्यक्त गर्नुभयो। अध्यक्षता गरिरहनुभएका मन्त्री मन्सुरीले पनि सरोकारवालाबीच सहकार्य बढाएर संक्रमण नियन्त्रणलाई प्राथमिकतामा राख्ने प्रतिबद्धता जनाउनुभयो।
विशेषज्ञहरूले बर्डफ्लु जस्ता संक्रामक रोग नियन्त्रणका लागि समयमै पहिचान, जैविक सुरक्षा (biosecurity) उपायहरूको कडाइका साथ पालन, र राज्य तथा कृषकबीच समन्वय अपरिहार्य रहेको औंल्याएका छन्। कार्यक्रमले रोग नियन्त्रणसँगै कृषकको जीविकोपार्जन संरक्षण गर्ने नीतिगत बहसलाई थप सशक्त बनाएको सहभागीहरूको भनाइ रहेको छ।

26/04/2026

इटहरी — प्रतिनिधि सभा सांसद तथा प्रतिनिधि सभाको कृषि, सहकारी तथा प्राकृतिक स्रोत समितिका सभापति अशोक कुमार चाैधरी सँग संगीत साधाना प्रतिष्ठान नेपाल का पदाधिकारीहरूले इटहरी–२ स्थित प्रतिष्ठान मार्गमा रहेको प्रतिष्ठान परिसरमा २०८३ साल वैशाख १३ गते संस्थाको योजना, हालसम्मका उपलब्धि तथा आगामी रणनीतिहरूका विषयमा विस्तृत रूपमा विचार–विमर्श गरिएको थियो।

छलफलका क्रममा सांसद चौधरीले प्रतिष्ठान निर्माणका बेला सञ्चालन गरिएको “एक इट्टा अभियान” मा आफू सहयोगदाता रहेको स्मरण गर्दै सांगीतिक क्षेत्रको विकासप्रति आफ्नो प्रतिबद्धता दोहोर्‍याएका थिए। उनले समग्र इटहरीको समृद्धि र विकाससँगै प्रतिष्ठानले लिएको लक्ष्य हासिल गर्न आफूले सक्दो पहल गर्ने बताएका छन्।

कार्यक्रममा प्रतिष्ठानका प्रतिनिधिहरूले संस्थागत विकास, सांगीतिक संरक्षण तथा प्रवर्द्धनका लागि आवश्यक सहयोगबारे ध्यानाकर्षण गराएका थिए।

26/04/2026

सुनसरी निर्वाचन क्षेत्र नं. ३ का सांसद अशोक कुमार चौधरीज्यूले दुहवी ३ मा संचालन गरेको सचिवालयमार्फत दैनिक रूपमा जनताका समस्या सुन्ने, समाधानका लागि पहल गर्ने तथा सेवा प्रवाहलाई निरन्तरता दिँदै आउनु भएको छ।
उहाँको यस सक्रियता र जनतामुखी कार्यशैलीप्रति स्थानीय नागरिकहरूबाट सकारात्मक प्रतिक्रिया प्राप्त भइरहेको छ।

26/04/2026

सुनसरी — कृषि सहकारी तथा प्राकृतिक स्रोत समितिका सभापतिले सुनसरीको रामधुनी मा रहेका कोशी प्रदेशकै ठूला पोल्ट्री फार्महरूको अनुगमन गरेका छन्।

अनुगमनका क्रममा उनले सुनसरी पोल्ट्री फार्म र कोशी पोल्ट्री फार्मको स्थलगत निरीक्षण गर्दै हाल देखिएको H5N1 र H9N1 संक्रमणका कारण कुखुराहरू मर्ने क्रम बढिरहेको विषयमा जानकारी लिएका थिए।

यस समस्याको समाधानका लागि पशु चिकित्सक तथा सरोकारवाला कृषकहरूसँग २०८३ साल वैशाख १५ गते विस्तृत छलफल गर्ने निर्णय गरिएको सचिवालयले जनाएको छ।
उक्त छलफलमार्फत रोग नियन्त्रण तथा कृषकहरूको क्षति न्यूनीकरणका लागि आवश्यक कदम चालिने अपेक्षा गरिएको छ।

Voice Of Sunsari

29/07/2026

28/07/2026

27/07/2026

27/07/2026

25/07/2026

30/04/2026

28/04/2026

26/04/2026

26/04/2026

26/04/2026

Address

Website

Alerts

Shortcuts

Share

Listing takedown request