NCC Alumni Association Nepal Koshi Province

08/04/2026

पूर्णकालीन आपत्कालीन अभ्यास – विराटनगर विमानस्थल

1. मिति २०८२/१२/२५ गते नेपाल नागरिक उड्डयन प्राधिकरण अन्तर्गत विराटनगर विमानस्थल मा Airport Emergency Plan (AEP) अनुसार ‘पूर्णकालीन आपत्कालीन अभ्यास’ सफलतापूर्वक सम्पन्न भयो।
2. एन.सि.सि. अल्मुनाई एशोसिएशन नेपाल मोरङ र सुनसरीका क्याडेटहरु समन्वय गरी कोशी प्रदेश उपनिर्देशक अनुप कार्की सहित २१ जना क्याडेट स्वयंसेवक सहभागी भई सम्भावित विमान दुर्घटनामा उद्धार, सुरक्षा व्यवस्था तथा जनशक्ति परिचालन सम्बन्धी कार्यमा सक्रिय रूपमा अभ्यास गर्दै व्यावहारिक ज्ञान हासिल गरे।

29/03/2026

सामाजिक चेतनाका लागि नाटक प्रदर्शन

1. समाजमा व्याप्त विकृति र विसङ्गति विरुद्ध जनचेतना फैलाउने उद्देश्यका साथ मिति २०८२ चैत १२ गते विराटनगरस्थित सप्तकोशी पार्टी प्यालेसमा एक विशेष नाटक प्रदर्शन सम्पन्न भएको छ। पूर्वाञ्चल विश्वविद्यालय (P.U. College) का विद्यार्थीहरू र राष्ट्रिय सेवा दल (NCC) ४७औँ व्याचकी पूर्व क्याडेट भावना गुरुङको नेतृत्वमा रहेको टोलीले यो सचेतनामूलक प्रस्तुति दिएको हो।

2. युवाहरूको यो रचनात्मक सक्रियता र सामाजिक उत्तरदायित्व प्रतिको प्रतिबद्धता साँच्चै सराहनीय छ। यस कार्यक्रमले समाजमा सकारात्मक परिवर्तनको सन्देश प्रवाह गर्ने विश्वास लिएका छौँ। सहभागी सम्पूर्ण विद्यार्थी कलाकारहरूलाई हार्दिक बधाई! ✨

27/03/2026

हार्दिक बधाई तथा शुभकामना

नवनियुक्त सम्माननीय प्रधानमन्त्री श्री बालेन्द्र शाहज्यूलाई हार्दिक बधाई तथा शुभकामना व्यक्त गर्दछौं ।

21/02/2026

एन.सि.सि. अल्मुनाई एशोसिएशन नेपाल कोशी प्रदेशको आयोजनामा मिति २०८२/११/०९ गते शनिवार उदयपुरस्थित श्री पशुपति प्रशाद गणमा एन.सि.सि. अल्मुनाई एशोसिएशन नेपाल उदयपुर तथा पासआउट क्याडेटहरूसँग अन्तरक्रिया र एशोसिएशन सम्बन्धी कक्षा सफलतापूर्वक सम्पन्न गरिएको छ ।
कार्यक्रममा कोशी प्रदेश निर्देशक ज्यू, उप–निर्देशक ज्यू, सदस्यज्युहरु लगायत उदयपुर जिल्लाका ३१ जना क्याडेटहरुको उपस्थिति रहेको थियो !कार्यक्रम मार्फत एशोसिएशन सुदृढीकरण, क्याडेटहरूको वृत्तिविकास तथा संगठन विस्तारका विषयमा सार्थक छलफल सम्पन्न गरिएको छ।

कार्यक्रम सफल बनाउन व्यवस्थापनदेखि सम्पूर्ण समन्वय, सहयोग प्रदान गर्नुहुने श्री पशुपति प्रसाद गण का गणपतिज्यू लगायत सम्पूर्ण गण परिवारप्रति हार्दिक आभार सहित विशेष धन्यवाद व्यक्त गर्दछौँ।

19/02/2026

https://gorkhapatraonline.com/news/192737

नेपाल सरकार र नेपाली सेनाद्वारा सञ्चालित राष्ट्रिय सेवा दलअन्तर्गत एनसीसी अल्मुनाई कोशी प्रदेशको सल्लाहकार सम....

18/02/2026

२०८२ साल फाल्गुन ०५ गते श्री पूर्वी पृतना हेडक्वाटरमा आयोजित कार्यक्रममा पृतनापति गैरव कुमार केसीज्यू बाट नियुक्ति पत्र तथा परिचयपत्र (ID Card) प्रदान गरिएको थियो। उक्त अवसर प्रदान गर्नुभएकोमा श्री पूर्वी पृतना हेडक्वाटर परिवारप्रति हार्दिक धन्यवाद तथा आभार व्यक्त गर्दछौं।

18/02/2026

२०८२ साल फाल्गुन ०४ र ०५ गते श्री पूर्वी पृतना हेडक्वाटरमा फोटो प्रदर्शनी कार्यक्रम सम्पन्न भएको थियो। उक्त प्रदर्शनीमा श्री राष्ट्रिय सेवा दल पूर्वी तालिम शिक्षालयमा सम्पन्न विभिन्न गतिविधिहरूका तस्बिरहरू समेत समावेश गरिएको थियो। कार्यक्रममा सम्बन्धित निकायका पदाधिकारी, सदस्यहरू तथा सर्वसाधारणको उल्लेखनीय उपस्थिति रहेको थियो।

07/02/2026

एन.सि.सि अल्मुनाई एशोसिएशन नेपाल कोशी प्रदेश कार्यसमितिको आयोजना अन्तर्गत मिति २०८२ माघ २४ गते शनिबार झापाको मेचीनगरस्थित इस्ट होराइजन इङ्लिस सेकेन्डरी स्कुल झापामा झापा जिल्लाका निर्देशक रेजीना वन तथा पदाधिकारीहरू र क्याडेटहरूबीच एक महत्त्वपूर्ण भेटघाट तथा परिचयात्मक कार्यक्रम भव्यताका साथ सम्पन्न भएको छ।
बिहान ११०० देखि दिउँसो १३०० बजेसम्म सञ्चालित उक्त कार्यक्रममा प्रदेश निर्देशक श्री पिङकी थापाज्यू र सहायक निर्देशक श्री अनुप कार्कीज्यूको उपस्थिति रहेको थियो। कार्यक्रममा सहभागीहरूबीच आपसी परिचय र अनुभव साटासाट हुनुका साथै संस्थाको आगामी कार्ययोजना, क्याडेटहरूको वृत्तिविकास र सांगठनिक सुदृढीकरणका विषयमा गहन छलफल भई विभिन्न महत्त्वपूर्ण निर्णयहरू समेत पारित गरिएको छ।

12/01/2026

३०४ औं पृथ्वी जयन्ती तथा राष्ट्रिय एकता दिवस: सलामी अर्पण

१. मिति २०८२ पौष २७ गते "३०४ औं पृथ्वी जयन्ती तथा राष्ट्रिय एकता दिवस" को पावन अवसरमा श्री पूर्वी पृतना हेडक्वाटर, इटहरीमा सलामी अर्पण कार्यक्रम सुसम्पन्न भयो।

२. नेपाल राष्ट्रका निर्माता श्री ५ बडामहाराजाधिराज पृथ्वीनारायण शाहको जन्मजयन्तीको पावन अवसरमा आयोजित उक्त सलामी अर्पण कार्यक्रममा नेपाली सेनाका उच्च अधिकृतहरू तथा सकल दर्जा साथै विभिन्न निकायको उपस्थिति रहेको थियो।

३.कार्यक्रममा एन.सी.सी. (NCC) अल्मुनाई एशोसिएशन नेपाल कोशी प्रदेश तथा मोरङ्ग र सुनसरी जिल्लाका पदाधिकारीहरू, सदस्यहरू एवं क्याडेटहरूको समेत गरिमामय उपस्थिति रहेको थियो।

10/01/2026

एन.सि.सि. अल्मुनाई एशोसिएशन कोशि प्रदेश ले ३०४ औ पृथ्वी जयन्ती तथा राष्ट्रिय एकता दिवस को उपलक्ष्य मा आयोजीत बिजयपुरगढि सागुरीगढि पाख्रिबास निशान पदयात्रा २०८२ को लागि पूर्वतयारी स्वरूप सञ्चालन भएको धरान–१४, धरान उपमहानगरपालिका स्थित विजयपुर गढीको सरसफाइ कार्यक्रममा संयुक्त रूपमा सुनसरी जिल्लास्थित तैनाथ श्री भगवतिदल गण सहित सहकार्य गरी ऐतिहासिक साघुरीगढी इलाकामा सरसफाइ कार्यक्रम आयोजना गरिएको हो उक्त कार्यक्रममा श्री भगवती दल गणका करिब ४० जना तथा NCC Alumni Association Nepal (कोशी प्रदेश), NCC Alumni Association Nepal सुनसरी र NCC Alumni Association Nepal मोरङ जिल्लाका पदाधिकारीहरू सहित करिब ७० जनाको उपस्थिति रहेको थियो।

06/01/2026

🇳🇵