Khusbu Oli Secretariat - खुस्बु ओली सचिवालय

06/08/2026

हिजो साँझ जर्मनीको कन्जर्भेटिभ रुलिङ् पार्टी CDU/CSU युवा संगठन Junge Union (JU) द्वारा आयोजित कार्यक्रममा प्रमुख वक्ताका रूपमा दक्षिण एशियाको समसामयिक राजनीतिक विकास, Post-Gen-Z आन्दोलनपछिको नेपालको राजनीतिक अवस्था तथा त्यसले सिर्जना गरेका अवसर र चुनौतीबारे आफ्ना विचार प्रस्तुत गरेकोछु।

काठमाडौं । राष्ट्रिय प्रजातन्त्र पार्टी (राप्रपा) की नेतृ तथा सांसद खुश्बु ओलीले जर्मनीको सत्तारुढ दल सिडियु/सिए...

04/08/2026

एउटा गैरसरकारी संस्थालाई (NGO) भवन निर्माणका लागि रु. ६ करोड १ लाख निकासा गरियो। तर परियोजनाको २५% काम पनि सम्पन्न नभएको अवस्थामा पूर्ण भुक्तानी कसरी भयो? यो प्रश्न एक दशक देखी आजसम्म अनुत्तरित छ।

यो आर्थिक अनियमितता मात्र होइन, यो सार्वजनिक स्रोतसाधनको गम्भीर दुरुपयोग र जवाफदेहिता माथिको चुनौती हो।जनताको पैसाको हिसाब जनताले पाउनुपर्छ। १२ वर्ष पुरानो फाइल अब पनि धुलो खान होइन, निष्कर्षमा पुग्नुपर्छ।

यही विषयमा मैले सार्वजनिक लेखा समितिमा आफ्नो विचार राखेकोछु।

04/08/2026

सार्वजनिक लेखा समितिमा छलफलका क्रममा मैले विशेष रूपमा ध्यानाकर्षण गराएँ कि अनियमिता भएको हुनसक्ने आशंका रहेको एउटा भवनसम्बन्धी फाइल एक दशकभन्दा बढी समय बितिसक्दा पनि अझै निर्णयविहीन अवस्थामा अलपत्र परेको छ। एउटा विषयमा समेत वर्षौंसम्म फाइल अड्किनु प्रशासनिक अकर्मण्यता, कमजोर जवाफदेहिता र प्रणालीगत समस्याको स्पष्ट संकेत हो। यस्तो प्रवृत्तिको अन्त्य गर्दै जिम्मेवार निकायलाई जवाफदेही बनाउन अब ढिलाइ हुन हुँदैन।

04/08/2026

नीतिगत भ्रष्टाचार, सरकारी स्रोत-साधन र खर्चको दुरुपयोगजस्ता जघन्य अनियमिततामा संलग्न सबैसँग तत्काल आवश्यक कागजात मागी, प्रमाणको वस्तुनिष्ठ परीक्षण गरी, फास्ट ट्र्याक प्रक्रियामार्फत कानुनी कारबाहीको दायरामा ल्याइनुपर्छ। सार्वजनिक लेखा समितिमा छलफलका क्रममा:

03/08/2026

आज सार्वजनिक लेखा समितिअन्तर्गत गठित बेरुजु छलफल उपसमितिको संयोजकका रूपमा पूर्वाधार विकास मन्त्रालय (साविक खानेपानी मन्त्रालय) सम्बन्धी महालेखा परीक्षकको ६३औँ वार्षिक प्रतिवेदनमा औँल्याइएका बेरुजु, वित्तीय अनुशासन र सार्वजनिक उत्तरदायित्वका विषयमा विस्तृत छलफलका क्रममा:

02/08/2026

सरकारका गृहमन्त्री र संयुक्त हिन्दु मोर्चाबीच देखिएको समझदारी स्वागतयोग्य छ।

हिन्दू राष्ट्रको पक्षमा उभिने आवाज कुनै एक संगठन वा समूहमा मात्र सीमित छैन। यो करोडौँ नेपालीको वैचारिक आकांक्षा हो। प्रजातान्त्रिक अभ्यासमा बहुमतको सम्मान हुनुपर्छ। र, बहुमतले अल्पसंख्यकको अधिकारको संरक्षण गर्दै अल्पसंख्यकले पनि बहुमतको भावनाको सम्मान गर्नुपर्छ। नेपालको राष्ट्रिय हित, सामाजिक सद्भाव र दीर्घकालीन स्थायित्वका लागि बौद्ध किरात सहितको सनातन हिन्दूराष्ट्रको पहिचान आवश्यक छ। दोषीहरू चाँडै कारबाहीको दायरामा आउन्। राज्यले गरेका वार्ताको हरेक बुँदा कार्यान्वयन होस्। सडक र सदनबाट सनातन हिन्दूराष्ट्रको पक्षमा निरन्तर आवाज बुलन्द हुनेछ। जनकपुरधाममा सीता-रामलाई साक्षी राखी गरिएको सम्झौता मौखिक होस् वा लिखित; सम्झौताले न्याय पाओस्।

कोही पनि पनि भ्रममा नपर्नुहोला, राप्रपाले बोकेको संवैधानिक राजसंस्था हिन्दु राष्ट्र बिना हुन सक्दैन र हिन्दू राष्ट्र राजा बिनाको हुन सक्दैन।

01/08/2026

यो साता साँच्चै नै नेपालका लागि असह्य पीडाको साता बन्यो।

एकातिर मधेशले आफ्ना चार होनहार युवा गुमायो। अर्कोतिर नेपालको झण्डा र नेपाली साहसलाई विश्वको सर्वोच्च उचाइमा पुर्‍याउने सपना बोकेर पर्वतारोहणका क्रममा नयाँ कीर्तिमान कायम गर्ने अभियानमा निस्किएका निम्स पुर्जासहित पाँच जना नेपाली सधैंका लागि हामीबाट टाढिए।

पीडा कहाँबाट आयो भन्नेले फरक पार्दैन। घाउ शरीरको जुनसुकै भागमा लागे पनि आँसु त आँखाबाटै बग्छ। आज रुँदै परिवार मात्र छैनन्, रुँदै हाम्रो देश छ। हामीले आफ्ना सपनाहरू, आफ्ना सम्भावनाहरू, आफ्ना सन्तानहरू गुमाएका छौं।

दिवंगत सम्पूर्ण नेपालीप्रति भावपूर्ण श्रद्धाञ्जली। शोकसन्तप्त परिवारजनमा हार्दिक समवेदना। नेपालले आफ्ना यी सपूतहरूलाई सधैं सम्झिरहनेछ।

30/07/2026

आज मधेसमा विकसित संवेदनशील परिस्थितिका सम्बन्धमा सम्मानित संसद्को ध्यानाकर्षणका क्रममा: सरकारले स्थानीय तहमा सर्वदलीय संयन्त्र, सबै धर्मका धार्मिक अगुवा, समुदायका प्रतिनिधि तथा नागरिक समाजलाई सहभागी गराई निरन्तर, सार्थक र विश्वासमूलक संवादको प्रक्रिया तत्काल अघि बढाउनुपर्छ। सामाजिक विश्वास पुनःस्थापना गर्ने सबैभन्दा प्रभावकारी माध्यम संवाद नै हो। त्यसैले यस प्रक्रियाको नेतृत्व स्वयंम सम्माननीय प्रधानमन्त्रीले गर्दै आफ्नो अभिभावकीय भूमिका जिम्मेवारीपूर्वक निर्वाह गर्न म आग्रह गर्दछु।

हाम्रो सभ्यता र इतिहासले निर्माण गरेको सामाजिक सद्भाव, धार्मिक सहिष्णुता, राष्ट्रिय एकता र आपसी भाइचारालाई अझ सुदृढ बनाउनु आजको साझा दायित्व हो। यस संवेदनशील घडीमा सरकार, सबै राजनीतिक शक्ति, नागरिक समाज तथा सम्पूर्ण नागरिकले उच्च संयमता, जिम्मेवारी र परिपक्वता प्रदर्शन गर्दै नेपालको सामाजिक सद्भाव र राष्ट्रिय एकतालाई थप सुदृढ बनाउन अग्रसर हुन पनि आग्रह गर्दछु।

30/07/2026

राष्ट्रको अभिभावकत्व सबैको भागमा पर्दैन। राष्ट्रको अभिभावकत्व इतिहासले केही सीमित व्यक्तित्व र संस्थामाथि सुम्पिएको असाधारण दायित्व हो। अभिभावकत्वको ऒझ र गरिमा हामीले समयमै बुझ्नुपर्दछ।

30/07/2026

गोली कसले र कसको आदेशमा चलायो ? जिल्ला प्रशासन, प्रहरी र प्रधानमन्त्रीको अभिव्यक्तिमा किन विरोधाभास छ ? यो गम्भीर विषय हो।

‘गोली कसले र कसको आदेशमा चलायो ? जिल्ला प्रशासन, प्रहरी र प्रधानमन्त्रीको अभिव्यक्तिमा किन विरोधाभास छ ? यो गम्भीर...