22/09/2026
केन्द्रीय कार्यकारिणी सदस्य पदमा उम्मेदवारी।🙏
इमानदार संघर्ष, निरन्तर समर्पण र संगठनप्रतिको प्रतिबद्धता—यही मेरो राजनीतिक यात्राको पहिचान हो।
म शिवनन्दन मेहता, जनमत पार्टीको केन्द्रीय सदस्य एवं सप्तरी निर्वाचन क्षेत्र नं. १(क) का प्रदेश सभा प्रत्याशी।
पार्टीले घोषणा गरेका विभिन्न आन्दोलनहरूमा सक्रिय रूपमा सहभागी हुँदै आन्दोलनको नेतृत्वसमेत गरेको छु। संघर्षका क्रममा प्रहरीको लाठीसमेत खाएको छु, तर पार्टीको विचार, सिद्धान्त र जनताको अधिकारका पक्षमा उभिन कहिल्यै पछि हटिनँ।
दशकौँदेखि पार्टीप्रति इमानदार, निष्ठावान र प्रतिबद्ध रहँदै संगठन निर्माण तथा विस्तारमा निरन्तर सक्रिय छु।
२०७९ सालको प्रदेश सभा निर्वाचनमा सप्तरी निर्वाचन क्षेत्र नं. १(क) बाट प्रतिस्पर्धा गर्दै दोस्रो स्थान हासिल गरेँ। निर्वाचनको परिणामले मेरो संघर्ष र यात्रालाई रोक्न सकेन। त्यसपछि पनि निरन्तर जनताको बीचमा रहेर सुख–दुःखमा साथ दिँदै पार्टी संगठनलाई मजबुत बनाउन सक्रिय रूपमा लागिरहेको छु।
आज जनमत पार्टीको दोस्रो महाधिवेशनमा केन्द्रीय कार्यकारिणी सदस्य पदका लागि उम्मेदवारी दिएको छु।
मेरो उम्मेदवारी केवल एउटा पद प्राप्त गर्ने उद्देश्य होइन; यो संघर्षशील कार्यकर्ताको सम्मान, संगठनको सुदृढीकरण, पार्टीभित्रको एकता र जनमत पार्टीलाई अझ बलियो बनाउने प्रतिबद्धता हो।
हिजो आन्दोलनको मैदानमा सँगै उभिनुभएका सम्पूर्ण साथीहरू, अग्रज नेतृत्व, महाधिवेशन प्रतिनिधि तथा शुभेच्छुकहरूसँग माया, विश्वास, साथ र अमूल्य मतको अपेक्षा गर्दछु।
संघर्षबाट आएको छु, संगठनका लागि समर्पित छु।
आगामी दिनमा पनि पार्टी र जनताको सेवामा निरन्तर समर्पित रहनेछु।
जय जनमत पार्टी!
जय मधेश!
जय स्वराज ।
जय नेपाल! 🇳🇵
