06/06/2026
जस्तोसुकै समस्यामा तपाईकै साथ
वैदेशिक रोजगार एकता समाज अध्यक्ष हरि पाण्डे
मैले व्यवसायीमाझ राखे र समयसापेक्ष गर्नेपर्ने सुधारत्मक मुख्य एजेण्डा
वैदेशिक रोजगारी नेपालको अर्थतन्त्र, रोजगारी र रेमिट्यान्सको प्रमुख आधार बनेको छ । तर कामदार, व्यवसायी र सरकारबीचको समन्वय अभाव, नीतिगत अन्योल र विभिन्न सिण्डिकेटका कारण क्षेत्रले अपेक्षित परिणाम दिन सकेको छैन । यसका मुख्य कारण भनेको नीतिगत समस्या र व्यवसायीलाई मात्र जिम्मेवार बनाउन खोज्नु हो ।
१ फ्रि भिसा–फ्रि टिकट नीतिको पुनरावलोकन
वास्तविक लागत अध्ययन गरी पारदर्शी लागत निर्धारण गर्नुपर्छ।
श्रमिकमाथि हुने अतिरिक्त आर्थिक भार रोक्न स्पष्ट व्यवस्था आवश्यक छ ।
२ स्वास्थ्य परीक्षण र भिसा प्रक्रियामा सिण्डिकेट अन्त्य
स्वास्थ्य परीक्षण, बायोमेट्रिक र भिसा सेन्टरमा प्रतिस्पर्धात्मक वातावरण सुनिश्चित गर्नुपर्छ । सेवा शुल्कलाई पारदर्शी र वैज्ञानिक बनाउनुपर्छ ।
३ डिमाण्ड प्रमाणीकरण प्रक्रियालाई छिटो र प्रभावकारी बनाउने
हालै युवा, श्रम तथा रोजगार मन्त्री रामजी यादवले भनेजस्तै नेपाली दूतावास तथा कूटनीतिक नियोगहरूलाई समयमै डिमाण्ड प्रमाणीकरण गर्ने व्यवस्था गर्नुपर्छ ।
अनावश्यक ढिलाइले रोजगार अवसर गुम्ने अवस्था अन्त्य हुनुपर्छ ।
४ वैदेशिक रोजगार सूचना प्रणालीलाई पूर्ण डिजिटल बनाउने
श्रम स्वीकृति, करारपत्र, गुनासो व्यवस्थापन लगायतका सेवा अनलाइनमार्फत सरल बनाउनुपर्छ ।
५ म्यानपावर व्यवसायीलाई साझेदारका रूपमा व्यवहार गर्ने
नीति निर्माण, बजेट र कानुन संशोधनका क्रममा व्यवसायीहरूको सहभागिता सुनिश्चित गर्नुपर्छ ।
निजी क्षेत्रलाई दोषी देखाउनेभन्दा सहकार्यको वातावरण आवश्यक छ ।
श्रमिकको सीप विकास र अभिमुखीकरण सुदृढ गर्ने विदेश जाने कामदारलाई गन्तव्य देशअनुसार सीप र भाषा तालिम दिनुपर्छ ।
दक्ष जनशक्तिले राम्रो तलब र सुरक्षित रोजगारी पाउँछन् ।
६ श्रम गन्तव्य मुलुकको विविधीकरण
खाडी र मलेसियामा मात्र निर्भर नभई युरोप, जापान, कोरिया लगायत नयाँ बजार विस्तार गर्नुपर्छ ।
७ ठगी नियन्त्रण र कानुनको निष्पक्ष कार्यान्वयन
अवैध एजेन्ट तथा गैरकानुनी गतिविधिमाथि कडाइ गर्नुपर्छ ।
कानुनी रूपमा सञ्चालन भएका व्यवसायीलाई अनावश्यक दुःख दिने प्रवृत्ति अन्त्य हुनुपर्छ ।
८ श्रमिक कल्याण र उद्धार प्रणाली प्रभावकारी बनाउने
विदेशमा समस्यामा परेका नेपाली श्रमिकको उद्धार, कानुनी सहायता र क्षतिपूर्ति प्रक्रियालाई छिटो बनाउनुपर्छ ।
९ सरकार–व्यवसायी–श्रमिकबीच नियमित संवाद
क्षेत्रका समस्या समाधानका लागि त्रिपक्षीय संयन्त्रलाई सक्रिय बनाउनुपर्छ ।
वैदेशिक रोजगारीलाई सुरक्षित, मर्यादित, पारदर्शी र व्यवसायमैत्री बनाउन सरकार, व्यवसायी र श्रमिक सबै पक्षको साझा प्रयास आवश्यक छ । रेमिट्यान्स मात्र नभई श्रमिकको अधिकार, व्यवसायको दिगोपन र राष्ट्रिय अर्थतन्त्रलाई केन्द्रमा राखेर सुधारका कदम अघि बढाउनुपर्छ भन्ने नारा र एजेण्डाका साथ वैदेशिक रोजगार व्यवसाय संघको आगामी निर्वाचनमा अध्यक्ष पदको उम्मेदवारीमा छु । अत्यधिक मतदान गरी सहयोग गर्नुहोस
#वाचापत्र #वैदेशिक_रोजगार_Elaction #वैदेशिक_रोजगार
