03/08/2026
सम्पूर्ण आदरणीय कामरेडहरूमा हार्दिक क्रान्तिकारी अभिवादन।
गत भदौ २४ गते भएको दुःखद आगजनीका कारण हाम्रो पार्टी नेकपा (एमाले) नवलपुर जिल्ला कमिटीको कार्यालय भवन जलेर पूर्ण रूपमा नष्ट भएको कुरा यहाँहरू सबैलाई विदितै छ। त्यसयता पार्टी कार्यालय अन्यत्र भाडामा सञ्चालन गर्नुपरेको छ, जसका कारण पार्टीका नियमित गतिविधि तथा संगठनात्मक कार्यसम्पादनमा उल्लेखनीय असहजता सिर्जना भएको छ।
यस अवस्थाको अन्त्य गर्दै आफ्नै स्थायी कार्यालयबाट पार्टीका गतिविधिहरू सञ्चालन गर्ने उद्देश्यले जिल्ला कमिटीले जलेको पार्टी कार्यालय भवन पुनर्निर्माण गर्ने निर्णय गरी अभियान सञ्चालन गरेको छ।
यस अभियानलाई सफल बनाउन र “यो पार्टी भवन निर्माणमा मेरो पनि योगदान छ” भन्ने अपनत्व र गौरव प्रत्येक पार्टी सदस्य तथा शुभेच्छुकमा विकास होस् भन्ने उद्देश्यले सम्पूर्ण आम कार्यकर्ता, शुभेच्छुक तथा सहयोगी महानुभावहरूबाट स्वेच्छिक आर्थिक सहयोग का लागि हार्दिक अपिल गरिएको छ।
अतः यस अभियानमा आफ्नो क्षमता अनुसार उदारतापूर्वक सहयोग प्रदान गरी पार्टी कार्यालय भवन पुनर्निर्माण कार्यलाई सफल बनाउन सम्पूर्ण कामरेडहरूमा हार्दिक अनुरोध गर्दछौं।
नेकपा (एमाले) नवलपुर जिल्ला कमिटी
