28/05/2026
आज मिति २०८३ बैशाख १४ गते राप्ती नदीको सिधनिया घाटमा आसन्न मनसुनलाई लक्षित गरि जिल्ला विपद व्यवस्थापन समिती बांकेको आयोजनामा अभ्यास मनसुन ( Exercise Mansoon) कृत्रिम घटना अभ्यास सम्पन्न गरियो । अभ्यासबाट विपदमा क्रियाशील निकाय र संघसंस्थाबीचको समन्वय र सहकार्यमा प्रभावकारिता, नेपाली सेना, शसस्त्र प्रहरी बल र नेपाल प्रहरीका सुरक्षाकर्मीहरुको खोज तथा उद्दार क्षमता, कौशल र समन्वय अभिवृद्दि, समुदायको सचेतना र जागरणका साथै समग्र विपद पूर्वतयारीको हाम्रो प्रयासमा उल्लेख्य सहयोग गरेको छ ।
अभ्यासको अगुवाई तथा समन्वय गर्ने नेपाली सेना बज्रदल गण, अभ्यासमा सहभागी भै महत्वपूर्ण योगदान गर्ने शसस्त्र प्रहरी ३० नं गण, नेपाल प्रहरी, जिल्ला विपद व्यवस्थापन समितिका पदाधिकारीहरु, वडाअध्यक्षहरु, रेडक्रस लगायत अन्य सहयोगी संघसंस्थाहरु र संचारकर्मी सबैमा हार्दिक आभार सहित धन्यवाद ।
