16/11/2025
Malapit nang ilunsad ang mga bagong Seasonal Work Visa
Sa December 8, 2025, magbubukas ang Job Check at ang pagtanggap ng mga aplikasyon para sa bagong Global Workforce Seasonal Visa at Peak Seasonal Visa sa ilalim ng Accredited Employer Work Visa (AEWV) framework.
Inanunsyo noong August 2025, ang mga bagong visa na ito ay ginawa upang tulungan ang mga accredited employers na makakuha ng mas maraming manggagawa sa panahon ng mataong seasonal na operasyon.
Global Workforce Seasonal Visa [ GWSA ]
Maaaring ibigay nang hanggang 3 taon kung ang aplikante ay may job offer para sa 1 season sa unang taon.
Ang may hawak ng visa ay kinakailangang gumugol ng hindi bababa sa 3 buwan sa labas ng New Zealand bawat taon.
Mga Kailangang Matugunan:
May alok na trabaho sa piling mga tungkulin gaya ng sheep scanner, shearer, wine maker, at ski instructor
May patunay ng hindi bababa sa 3 season ng kaugnay na karanasan sa nakalipas na 6 na taon
Matugunan ang mga health at character requirements
Para sa employer:
Hindi na kailangang mag-advertise o makipag-ugnayan sa Work and Income, ngunit kailangan pa ring mag-aplay para sa Job Check.
Peak Seasonal Visa [ PSV ]
Maaaring ibigay nang hanggang 7 buwan. Pagkatapos maabot ang panahong ito, ang manggagawa ay dapat gumugol ng hindi bababa sa 4 na tuloy-tuloy na buwan sa labas ng New Zealand.
Mga Kailangang Matugunan:
May alok na trabaho sa mga piling tungkulin gaya ng meat at seafood processing, calf rearing, at wool handling
May patunay ng hindi bababa sa 1 season ng kaugnay na karanasan sa nakalipas na 3 taon
May ebidensya ng katanggap-tanggap na health insurance kung ang job offer ay higit sa 3 buwan
Para sa employer:
Kailangang mag-advertise at maaaring makipag-ugnayan sa Work and Income nang may mabuting hangarin, o magpakita ng endorsement para sa Peak Seasonal Visa. Kailangan ding mag-aplay para sa Job Check.
Immigration NZ Link :.https://www.immigration.govt.nz/
