08/10/2026
KALIGTASAN NG ATING MGA KABABAYAN, UNANG-UNA SA LAHAT 🇵🇭✨
Matapos ang naganap na phreatomagmatic eruption sa Bulkang Taal ngayong araw, pinangunahan ng ating minamahal na Punong Bayan, Atty. Cinderella Valenton-Reyes, katuwang ang MDRRMO, MSWDO, PNP, BFP, PCG, PIO, MEO at RHU, ang agarang pagtugon at paglikas sa ating mga kababayang naninirahan sa mga lugar na malapit sa bulkan.
Ayon sa impormasyon mula kay Paolo Reniva, Resident Volcanologist ng PHIVOLCS Talisay, naganap ang phreatomagmatic eruption sa Bulkang Taal. Ang ganitong uri ng aktibidad ay maaaring magbuga ng abo, singaw ng asupre at volcanic gases, kaya naman mahalagang maging maingat at sumunod sa mga abiso ng mga kinauukulang awtoridad.
Dahil dito,Inuna ng ating Lokal na Pamahalaan ang mga kababayang naninirahan malapit sa bulkan, bilang pag-iingat laban sa epekto ng volcanic gases, kabilang ang asupre, na maaaring makairita at makapinsala kapag malanghap.
Sa kasalukuyan, ang ating mga kababayan ay ligtas na nananatili sa PAGCOR Socio-Civic Center at sa mga tahanan ng kanilang mga kamag-anak, habang patuloy na minomonitor ang sitwasyon.
Patuloy na nakahanda ang Lokal na Pamahalaan ng Agoncillo at ang lahat ng katuwang na tanggapan upang tumugon sa pangangailangan ng ating mga kababayan.
Patuloy pong mag-ingat ang lahat!
