Aparri Rescue 511

01/04/2026

30/07/2025

PUBLIC ADVISORY❗️❗️❗️

WALANG PASOK ALL LEVELS PUBLIC AND PRIVATE SCHOOLS.
GOVERNMENT OFFICES/DISCRETION OF HEADS AND MANAGERS FOR PRIVATE OFFICES

EXCEPT FOR THOSE AGENCIES/OFFICES RENDERING FRONTLINE SERVICES.

24/07/2025

SIGNAL NO. 2, ITINAAS NA SA 19 BAYAN SA CAGAYAN DAHIL SA BAGYONG EMONG

Nadagdagan ang mga bayan na isinailalim sa Tropical Cyclone Wind Signal no. 2 sa probinsiya ng Cagayan dahil sa bagyong “Emong”.

Sa monitoring ng Philippine Atmospheric, Geophysical and Astronomical Services Administration (PAGASA), kabilang sa mga bayan na may nakataas na signal no. 2 ay ang Rizal, Sta Praxedes, Claveria, Sanchez-Mira, Pamplona, Abulug, Ballesteros, Aparri, Camalaniugan, Allacapan, Buguey, Sta Teresita, Sta Ana, Gonzaga, Lal-Lo, Lasam, Santo Niño, Piat, Tuao maging ang Babuyan Islands.

Huling namataan ang nasabing sama ng panahon sa layong 220km kanlurang timog-kanluran ng Bacnotan, La Union o 210 km kanluran ng Dagupan City, Pangasinan.

Taglay pa rin ng bagyong “Emong” ang lakas ng hangin na 120km/h malapit sa gitna na may pagbugso na 150km/h at mabagal na kumikilos patimog timog-silangan.

Nakataas din ang signal no. 3 sa hilagang bahagi ng Pangasinan (Anda, Bolinao, Bani),kanlurang bahagi ng La Union (Luna, Balaoan, Bacnotan, San Juan, City of San Fernando, Bauang, Caba, Bangar), at timog-kanlurang bahagi ng Ilocos Sur (San Esteban, Santiago, City of Candon, Santa Lucia, Santa Cruz, Tagudin).

Ang natitirang bahagi ng probinsiya ng Cagayan ay nakataas sa signal no. 1.

Kaugnay rito, patuloy na pinag-iingat ng naturang tanggapan ang publiko sa malakas na ulan na dala ng bagyo dahil posible itong magdulot ng pagbaha at pagguho ng lupa.

Samantala, asahan umano na mamayang hapon ay lalabas na ng PAR ang bagyong “Dante” habang ang isang bagyo na nasa labas ng PAR ay hindi makaaapekto sa anumang parte ng bansa dahil maliit ang tsansang pumasok ito ng PAR. (Digna Bingayen)

21/07/2025

PANIBAGONG LPA, KASALUKUYANG MINOMONITOR SA LOOB NG PAR-PAGASA

Kasalukuyang minomonitor ng Philippine Atmospheric, Geophysical and Astronomical Services Administration (PAGASA) ang panibagong Low Pressure Area (LPA) sa loob ng Philippine Area of Responsibility (PAR).

Ayon sa PAGASA, nabuo ang LPA sa silangang boundary ng PAR na ngayon ay namataan sa layong 1,140km silangan ng timog-silangan ng Luzon.

Bagama't maliit umano ang tsansa na maging bagyo ang nasabing LPA, posible pa itong magbago kaya inaabisuhan ng naturang tanggapan ang publiko na laging umantabay sa kanilang inilalabas na abiso.

Sa ngayon, walang epekto sa anumang bahagi ng bansa ang LPA pero patuloy na magpapa-ulan ang Hanging Habagat sa malaking bahagi ng Luzon.

Sa Cagayan, maulap na kalangitan na may kalat-kalat na mga pag-ulan at pagkidlat-pagkulog ang posibleng maranasan dulot ng Habagat.

Wala namang nakataas na Gale warning sa mga baybayin ng lalawign pero pinag-iingat pa rin ang mga maglalayag lalo na ang mga gumagamit ng maliliit na bangka sa banayad hanggang katamtamang pag-alon. (Digna Bingayen)

21/07/2025

Tropical Cyclone update as of 8:00 AM today, 21 July 2025.

Low Pressure Area (LPA 07g) being monitored inside the Philippine Area of Responsibility (PAR) and has a "MEDIUM" potential of developing into a tropical depression within the next 24 hours.

All are advised to monitor updates from DOST-PAGASA.

18/07/2025

BAGYONG CRISING, POSIBLENG LALABAS NA NG PAR NGAYONG ARAW- PAGASA

Iniulat ng Philippine Atmospheric, Geophysical and Astronomical Services Administration (PAGASA) na posibleng lalabas na ng Philippine Area of Responsibility (PAR) ang bagyong " Crising" ngayong Sabado, Hulyo 19, 2025.

Ayon sa PAGASA, patuloy na kumikilos ang bagyo pakanluran hilagang-kanluran sa bilis na 15km/h.

Taglay pa rin ng bagyo ang lakas ng hangin na 85km/h malapit sa gitna at pagbugso na 115km/h.

Huling namataas ang sentro ng bagyo kaninang alas singko ng umaga sa layong 125km kanluran hilagang kanluran ng Calayan, Cagayan.

Bagama't papalayo na ng PAR, nakataas pa rin ang Tropical Cyclone Wind Signal no. 2 sa mga lugar sa hilagang bahagi ng Cagayan kabilang na ang bayan ng Sta Praxedes, Claveria, Sanchez-Mira, Pamplona, Abulug, Ballesteros, Sta Ana, Gonzaga, Sta Teresita, Buguey, Aparri, Camalaniugan, Allacapan, Lal-Lo, Lasam, Rizal, Sto Niño, Gattaran, at Alcala kasama na ang Babuyan Islands.

Bukod sa mga nasabing bayan nakasailalim din sa signal no. 2 ang buong probinsiya ng Batanes, Ilocos Norte, northern at central portion ng Apayao (Calanasan, Luna, Pudtol, Kabugao, Flora, Santa Marcela) at hilagang silangan Abra (Tineg, Lagayan).

Signal no. 1 naman sa natitirang bahagi ng Cagayan, hilagang bahagi ng Isabela (Mallig, Divilacan, Quirino, Gamu, Ilagan City, Burgos, San Manuel, Roxas, San Mateo, Aurora, Luna, Cabatuan, Reina Mercedes, Naguilian, Santa Maria, San Pablo, Maconacon, Cabagan, Tumauini, Delfin Albano, Quezon, Santo Tomas) , natitirag bahagi ng Apayao; natitirang bahagi ng Abra, Kalinga, Mountain Province, Ifugao, hilagang bahagi ng Benguet (Bakun, Mankayan, Buguias, Kibungan, Kabayan, Atok, Kapangan), Ilocos Sur, at hilagang bahagi ng La Union (Bangar, Sudipen, Luna, Balaoan, Santol, San Gabriel, Bacnotan, City of San Fernando, San Juan, Bagulin).

Ayon sa PAGASA, makakaranas pa rin ng pag-uulan ang mga nabanggit na lugar habang papalayo na ng PAR ang bagyo kaya, patuloy na pinag-iingat ang publiko sa pagbaha at pagguho ng lupa.

Samantala, nakataas naman ang Gale warning sa mga baybayin sa Cagayan na umaabot hanggang 4.5m ang taas ng alon na delikado para sa lahat ng mga maglalayag. (Digna Bingayen)