Batangas Provincial Health Office

03/09/2026

𝗠𝗥𝗦𝗜𝗔-𝗩𝗔𝗦 𝗣𝗥𝗢𝗩𝗜𝗡𝗖𝗜𝗔𝗟 𝗠𝗢𝗡𝗜𝗧𝗢𝗥𝗜𝗡𝗚
𝗦𝗲𝗽𝘁𝗲𝗺𝗯𝗲𝗿 𝟯, 𝟮𝟬𝟮𝟲

Isinagawa ng Provincial Health Office (PHO) ang MRSIA-VAS Provincial Monitoring at Catch-Up Immunization ngayong Setyembre 3, 2026 sa mga barangay ng Aga, Bilaran, Lumbangan, at Kaylaway sa Nasugbu, Batangas.

Bahagi ng aktibidad ang supportive supervision at monitoring upang masubaybayan ang pagpapatupad ng Measles-Rubella Supplemental Immunization Activity and Vitamin A Supplementation (MRSIA-VAS), gayundin ang pagsasagawa ng catch-up immunization para sa mga batang hindi pa nababakunahan o kailangang makumpleto ang kanilang kinakailangang bakuna.

Patuloy na hinihikayat ng PHO ang mga magulang at tagapag-alaga na dalhin at pabakunahan ang kanilang mga anak na may edad na 6–59 buwan sa mga itinalagang fixed o temporary vaccination sites mula Agosto 10 hanggang Setyembre 4, 2026.

Sa pamamagitan ng sama-samang pagkilos ng PHO, mga lokal na pamahalaan, health workers, mga magulang at tagapag-alaga, patuloy na isinusulong ang proteksyon ng bawat bata laban sa mga sakit na maaaring maiwasan sa pamamagitan ng bakuna, tungo sa Matatag na Kalusugan at mas ligtas na kinabukasan para sa mga batang Batangueño.

03/09/2026

03/09/2026

03/09/2026

𝐏𝐇𝐎 𝐁𝐀𝐓𝐀𝐍𝐆𝐀𝐒, 𝐏𝐈𝐍𝐀𝐓𝐈𝐓𝐈𝐁𝐀𝐘 𝐀𝐍𝐆 𝐋𝐎𝐎𝐁 𝐍𝐆 𝐏𝐔𝐁𝐋𝐈𝐂 𝐇𝐄𝐀𝐋𝐓𝐇 𝐖𝐎𝐑𝐊𝐄𝐑𝐒 𝐒𝐀 𝐏𝐒𝐘𝐂𝐇𝐎𝐋𝐎𝐆𝐈𝐂𝐀𝐋 𝐅𝐈𝐑𝐒𝐓 𝐀𝐈𝐃 𝐖𝐎𝐑𝐊𝐒𝐇𝐎𝐏

Hindi lamang kaalaman at kasanayan ang kailangan ng mga health worker sa kanilang araw-araw na paglilingkod, kailangan din nila ng tibay ng loob, malasakit, at kakayahang maging sandigan ng kapwa.

Ito ang binigyang-diin sa isinagawang Workshop on Psychological First Aid (PFA) in the Workplace ng Provincial Health Office (PHO) Batangas – Health Promotion Unit, katuwang ang Mental Health Team, nitong Setyembre 2, 2026 sa Provincial Health Office Conference Room.

Bahagi ito ng mga inisyatibo ng PHO Batangas para sa Su***de Prevention Month, na naglalayong palakasin hindi lamang ang kamalayan tungkol sa mental health, kundi pati ang kakayahan ng bawat kawani na makapansin, makinig, makiramay, at makapagbigay ng paunang suporta sa mga nangangailangan.

Dinaluhan ito ng 40 public health workers mula sa PHO-Proper at iba’t ibang pampublikong district hospitals sa lalawigan.
Sa unang bahagi ng workshop, tinalakay ang Healthy Workplaces at Mental Health in the Workplace, kung saan binigyang-diin na ang isang malusog na lugar ng trabaho ay hindi lamang tungkol sa pisikal na kaligtasan. Ito ay isang kapaligirang nagbibigay-halaga sa kalusugang pangkaisipan, dignidad, kapakanan, at kapwa-tao.

Sinundan ito ng aktuwal na pagsasanay sa Psychological First Aid, kung saan natutuhan at isinabuhay ng mga kalahok ang mga pangunahing paraan ng pagtugon sa mga taong nakararanas ng matinding stress, emosyonal na paghihirap, krisis, at iba pang challenging situations sa workplace at health facilities.

Higit pa sa isang training, naging pagkakataon ang workshop upang maipakita na ang PFA ay maaaring magsimula sa isang simpleng pakikinig, isang mahinahong paglapit, at isang mensaheng nagsasabing: “Hindi mo kailangang harapin ito nang mag-isa.”

Sa harap ng patuloy na hamon ng public health service, mahalagang matiyak na ang mga taong naglilingkod at nag-aalaga sa iba ay mayroon ding kakayahang alagaan ang isa’t isa.

Sa pamamagitan ng mga programang tulad nito, patuloy na isinusulong ng PHO Batangas ang isang workplace culture kung saan ang mental health ay hindi lamang pinag-uusapan—ito ay pinangangalagaan, pinapalakas, at ginagawang bahagi ng araw-araw na serbisyo.

Mas matatag na health workers. Mas ligtas na workplace. Mas maalagang serbisyong pangkalusugan para sa bawat Batangueño.
Dahil ang isang public health worker na may matatag na loob ay mas handang maging sandigan ng iba.

03/09/2026

𝗠𝗥𝗦𝗜𝗔-𝗩𝗔𝗦 𝗣𝗥𝗢𝗩𝗜𝗡𝗖𝗜𝗔𝗟 𝗠𝗢𝗡𝗜𝗧𝗢𝗥𝗜𝗡𝗚
𝗦𝗲𝗽𝘁𝗲𝗺𝗯𝗲𝗿 𝟮, 𝟮𝟬𝟮𝟲

Patuloy na isinasagawa ng Provincial Health Office (PHO) ang MRSIA-VAS Provincial Monitoring at Catch-Up Immunization nitong Setyembre 2, 2026 sa mga bayan ng Laurel, Lobo, at Rosario, Batangas.

Layunin ng aktibidad na matiyak ang maayos na pagpapatupad ng Measles-Rubella Supplemental Immunization Activity and Vitamin A Supplementation (MRSIA-VAS), gayundin ang pagbibigay ng catch-up immunization para sa mga batang hindi pa nakatatanggap ng kinakailangang bakuna. Isinagawa rin ang supportive supervision and monitoring upang matukoy ang mga pangangailangan at mapalakas ang implementasyon ng programa sa mga lokal na health facilities at vaccination sites.

Patuloy na hinihikayat ng PHO ang mga magulang at tagapag-alaga na dalhin at pabakunahan ang kanilang mga anak na may edad 6–59 buwan sa mga itinalagang fixed o temporary vaccination sites mula Agosto 10 hanggang Setyembre 4, 2026.

Sa sama-samang pagkilos ng mga health worker, magulang, at komunidad, higit nating mapapalakas ang proteksyon ng mga bata laban sa mga sakit na maaaring maiwasan sa pamamagitan ng pagbabakuna.

03/09/2026

02/09/2026

𝐏𝐮𝐬𝐨 𝐩𝐚𝐫𝐚 𝐬𝐚 𝐦𝐠𝐚 𝐓𝐚𝐠𝐚𝐩𝐚𝐠𝐭𝐚𝐧𝐠𝐠𝐨𝐥: 𝐏𝐬𝐲𝐜𝐡𝐨𝐥𝐨𝐠𝐢𝐜𝐚𝐥 𝐅𝐢𝐫𝐬𝐭 𝐀𝐢𝐝 𝐓𝐫𝐚𝐢𝐧𝐢𝐧𝐠 𝐚𝐭 𝐒𝐢𝐦𝐮𝐥𝐚𝐭𝐢𝐨𝐧 𝐖𝐨𝐫𝐤𝐬𝐡𝐨𝐩 𝐈𝐬𝐢𝐧𝐚𝐠𝐚𝐰𝐚 𝐩𝐚𝐫𝐚 𝐬𝐚 𝐁𝐚𝐭𝐚𝐧𝐠𝐚𝐬 𝐏𝐍𝐏

Bilang bahagi ng patuloy na pagsusulong ng kalusugang pangkaisipan at psychosocial well-being ng mga frontliner at tagapagtanggol ng pamayanan, matagumpay na isinagawa nitong Setyembre 1, 2026 ang Psychological First Aid (PFA) Training and Simulation Workshop para sa mga tauhan ng Batangas Provincial Police Office (BPPO).

Layunin ng pagsasanay na mapalakas ang kaalaman at praktikal na kakayahan ng mga kapulisan sa pagbibigay ng paunang psychosocial support sa mga indibidwal na nakararanas ng krisis, matinding stress, o iba pang nakababahalang sitwasyon.

Binigyang-diin sa programa na mahalagang bahagi ng isang epektibong public safety response ang pangangalaga hindi lamang sa pisikal na kaligtasan kundi maging sa kalusugang pangkaisipan ng mga responders mismo. Sa kanilang tungkulin, madalas na nalalantad ang mga kapulisan sa mga sitwasyong may mataas na antas ng stress at emosyonal na hamon, dahilan upang maging mahalaga ang pagkakaroon nila ng sapat na kaalaman at kasanayan sa psychosocial support.

Bukod sa mga lecture sessions, isinagawa rin ang simulation workshop upang maisabuhay ng mga kalahok ang mga konsepto at prinsipyo ng Psychological First Aid. Gamit ang “Look, Listen, Link” approach, nagsagawa ang mga kalahok ng mga situational exercises na naglalayong mapaunlad ang kanilang kakayahang makilala ang pangangailangan ng isang taong nasa krisis, makinig nang may pag-unawa at walang panghuhusga, at maiugnay ang indibidwal sa naaangkop na serbisyo at support system.

Ang aktibidad ay pinondohan at isinulong ng Batangas Medical Center – Department of Family and Community Medicine, katuwang ang Mental Health Team ng Provincial Health Office, na naging bahagi sa pagpaplano at pagpapatupad ng training at simulation workshop.

Ang naturang inisyatiba ay nagpapakita ng kahalagahan ng multi-sectoral collaboration sa pagsusulong ng mental health, partikular sa mga sektor na may mahalagang papel sa disaster response, emergency situations, public safety, at community protection.

Sa pamamagitan ng mga ganitong programa, patuloy na isinusulong ang isang pamayanan kung saan ang mga tagapaglingkod ay hindi lamang handang tumugon sa pangangailangan ng iba, kundi may sapat ding suporta at kakayahan upang mapangalagaan ang kanilang sariling kapakanan.

Dahil ang isang matatag na tagapagtanggol ay nangangailangan din ng matatag na kaisipan. Puso para sa mga Tagapagtanggol.

02/09/2026

𝐈𝐖𝐀𝐒𝐀𝐍𝐆 𝐌𝐀𝐋𝐈𝐆𝐎 𝐎 𝐌𝐀𝐆𝐋𝐀𝐑𝐎 𝐒𝐀 𝐁𝐀𝐇𝐀!

Ang simpleng pagligo sa baha ay posibleng magdulot ng impeksyon gaya ng Leptospirosis na pwedeng humantong sa malubhang karamdaman at pagkamatay.

Protektahan ang inyong pamilya at komunidad. Ipamahagi ang mahahalagang impormasyon tungkol sa Leptospirosis dahil mas ligtas ang may alam.

01/09/2026

DOH: MAGING HANDA SA EPEKTO NG HAZE SA KALUSUGAN!

Dahil sa hanging Habagat, umabot na sa ilang bahagi ng Luzon at Visayas ang usok mula sa forest fires sa Kalimantan, Indonesia.

Maaaring magdulot ang haze ng hirap sa paghinga, pag-ubo, pananakit ng dibdib, pangangati o pagluluha ng mga mata, at paglala ng mga sakit sa baga tulad ng hika. Dobleng pag-iingat ang kailangan para sa mga bata, matatanda, at mga may dati nang sakit sa baga o puso.

Habang nagpapatuloy ang banta ng haze, mag-suot ng mask kung lalabas ng bahay. Alamin ang lagay ng hangin sa inyong lugar at unahin ang kaligtasan. Maging handa sa banta ng Haze!