https://www.facebook.com/1223757700823933/

Hakbang, Batangas City (2026)

03/09/2026

Malugod na nagpapasalamat ang HAKBANG sa Piston National Office, DSWD, at mga volunteer na nagbuhat ng relief packs kahapon, September 2, 2026.

Matatandaang lubhang naapektuhan ang probinsya ng Batangas sa mga nagdaang bagyo at habagat simula noong Agosto. Kaya naman, matapos ang isinagawang Community Kitchen noong Agosto 16 ay hindi tumigil ang HAKBANG sa pagsasagawa ng mga inisyatibang maghahatid tulong sa mga Batangueñong naapektuhan ng Habagat. Sa tulong ng koordinasyon kasama ang Piston National Office at DSWD ay magbabahagi ng relief packs sa mga apektadong komunidad sa ating probinsya.

Bukas pa rin ang aming tanggapan para sa mga. Ito ay nakalaan para sa transportasyon sa paghahatid ng mga relief packs.

𝗚𝗖𝗔𝗦𝗛 at 𝗣𝗔𝗬𝗠𝗔𝗬𝗔
𝗜𝘃𝗮𝗻 𝗖𝗲𝗱𝗿𝗶𝗰𝗸 𝗗𝗲 𝗖𝗵𝗮𝘃𝗲𝘇
0926 071 4297

29/08/2026

CALL FOR TRANSPORTATION DONATION

Nananatiling apektado ang mga mamamayan sa probinsya ng Batangas dahil sa sunod sunod na bagyo na pinalalakas ng habagat. Kaya naman, ang HAKBANG ay patuloy din na maghahatid tulong sa mga apektadong lugar sa simula ng Septiyembre.

Para maisagawa ito ay muling nagbubukas ang aming donasyon para sa gagamiting transportasyon sa paghahatid ng mga relief goods sa iba’t ibang komunidad sa Batangas.

Para sa mga nais makibahagi ng tulong:

𝗚𝗖𝗔𝗦𝗛 at 𝗣𝗔𝗬𝗠𝗔𝗬𝗔
𝗜𝘃𝗮𝗻 𝗖𝗲𝗱𝗿𝗶𝗰𝗸 𝗗𝗲 𝗖𝗵𝗮𝘃𝗲𝘇
0926 071 4297

Para sa in-kind donations o katanungan:

Emman - 09858002411
Steph - 09766262516

18/08/2026

BASAHIN: OPISYAL NA PAHAYAG NI EMMAN PEREZ, COORDINATOR NG HAKBANG, HINGGIL SA PAGBAHA AT EPEKTO NG SUNOD-SUNOD NA KALAMIDAD SA LALAWIGAN AT PANAWAGAN SA SAMA-SAMANG PAGKILOS AT AGARANG TULONG SA MGA APEKTADO AT NANGANGAILANGAN.

Ang malawakang pagbaha na nararanasan sa iba’t ibang bahagi ng Batangas ay nagdulot ng malaking hamon sa maraming pamilya, komunidad, paaralan, at mga manggagawa. Sa ganitong panahon ng pagsubok, higit na mahalaga ang pagkakaisa, malasakit, at pagtutulungan ng bawat isa.

Kinikilala natin ang patuloy na pagsisikap ng mga lokal na pamahalaan, mga responder, volunteers, organisasyon, at mga mamamayang tumutulong sa mga apektadong komunidad. Sa gitna ng kalamidad, mahalaga ang bawat kamay na umaalalay, bawat tulong na naibabahagi, at bawat hakbang na ginagawa upang mapanatiling ligtas ang ating mga kababayan.

May mahalagang papel ang komunidad na sama-samang igiit ang mabilis na paghahtid ng ayuda at iba pang serbisyo. Mahalaga ang papel ng mga pribadong institusyon, civil society organizations, volunteers. Ngunit, higit sa lahat, ang mismong pamahalaan ang may pangunahing pananagutan sa pagtitiyak ng kaligtasan at maagap na responde sa pangangailangan ng mga apektadong sektor.

Mahalaga rin ang maagap na pagbibigay ng impormasyon at abiso sa mga komunidad, lalo na sa mga lugar na mataas ang panganib sa pagbaha. Ang napapanahong babala at malinaw na koordinasyon ay makatutulong upang maiwasan ang karagdagang panganib sa buhay at ari-arian.

Kasabay nito, hinihiling namin ang patuloy na pagsusuri at pagpapalakas ng mga hakbang laban sa pagbaha, kabilang ang flood control, drainage systems, waterways, evacuation facilities, at disaster preparedness programs. Ang mga pampublikong proyekto at pondong inilaan para sa kaligtasan ng mamamayan ay nararapat na maayos na mapamahalaan, masubaybayan, at magamit nang epektibo para sa kapakinabangan ng mga komunidad.

Naniniwala kami na ang pagtugon sa kalamidad ay isang sama-samang tungkulin. May mahalagang papel ang pamahalaan, mga pribadong institusyon, civil society organizations, volunteers, at higit sa lahat, ang mga komunidad mismo. Sa pamamagitan ng maayos na koordinasyon at pagtutulungan, mas magiging mabilis at epektibo ang pagtugon sa mga pangangailangan ng ating mga kababayan.

Higit sa lahat, hinihiling namin na unahin ang kaligtasan, kapakanan, at agarang pangangailangan ng mga mamamayang apektado ng pagbaha. Nawa’y patuloy na maging maagap ang lahat ng kinauukulang tanggapan at institusyon sa pagbibigay ng tulong at proteksyon sa mga komunidad na nangangailangan.

Ang aming panawagan ay isang apela para sa agarang pagkilos, malasakit, at pagkakaisa. Sa panahon ng kalamidad, walang dapat maiwan at walang pangangailangang dapat ipagpaliban.

Bayanihan ng mamamayan, pagkakaisa ng mga institusyon, at maagap na serbisyo para sa ligtas at mas matatag na Batangas.

18/08/2026

𝗪𝗘𝗔𝗧𝗛𝗘𝗥 𝗨𝗣𝗗𝗔𝗧𝗘 | “𝗡𝗘𝗡𝗘𝗡𝗚” 𝗡𝗢𝗪 𝗔 𝗧𝗥𝗢𝗣𝗜𝗖𝗔𝗟 𝗗𝗘𝗣𝗥𝗘𝗦𝗦𝗜𝗢𝗡

𝗕𝗔𝗧𝗔𝗡𝗚𝗔𝗦 — Isa nang ganap na Tropical Depression ang dating Low Pressure Area (LPA) na nasa loob ng Philippine Area of Responsibility (PAR), ayon sa DOST-PAGASA. Pinangalanan itong Tropical Depression Neneng ( ).

Kaninang 2:00 PM, August 18, huling namataan ang Neneng sa layong 1,035 kilometro silangan ng Extreme Northern Luzon.

Samantala, patuloy pa ring minomonitor ng PAGASA ang isa pang Low Pressure Area (LPA) sa labas ng PAR, na may mataas na posibilidad na maging Tropical Depression sa loob ng susunod na 24 oras.

Sa kabila ng pagbuo ng Neneng, nananatiling pangunahing banta sa ilang bahagi ng Luzon ang patuloy na pag-ulan dulot ng Southwest Monsoon (Habagat). Kabilang dito ang Batangas, na nakaranas ng Red at Orange Rainfall Warnings ngayong araw.

Patuloy na pinapayuhan ang publiko na manatiling alerto at subaybayan ang mga susunod na bulletin at rainfall warnings mula sa DOST-PAGASA at mga lokal na awtoridad.

𝗦𝗢𝗨𝗥𝗖𝗘: 𝗗𝗢𝗦𝗧-𝗣𝗔𝗚𝗔𝗦𝗔
𝗔𝘂𝗴𝘂𝘀𝘁 𝟭𝟴, 𝟮𝟬𝟮𝟲 | 𝟮:𝟬𝟬 𝗣𝗠

18/08/2026

𝗨𝗟𝗔𝗧 𝗣𝗔𝗡𝗔𝗛𝗢𝗡 | 𝟯 𝗪𝗘𝗔𝗧𝗛𝗘𝗥 𝗦𝗬𝗦𝗧𝗘𝗠𝗦 𝗕𝗜𝗡𝗔𝗕𝗔𝗡𝗧𝗔𝗬𝗔𝗡; 𝗥𝗘𝗗 𝗥𝗔𝗜𝗡𝗙𝗔𝗟𝗟 𝗪𝗔𝗥𝗡𝗜𝗡𝗚 𝗦𝗔 𝗕𝗔𝗧𝗔𝗡𝗚𝗔𝗦

𝗕𝗔𝗧𝗔𝗡𝗚𝗔𝗦 — Patuloy na binabantayan ngayong araw, August 18, 2026, ang tatlong weather system na maaaring makaapekto sa kondisyon ng panahon sa bansa.

Bandang 10:00 AM ngayong araw, nasa loob na ng Philippine Area of Responsibility (PAR) ang Low Pressure Area (LPA 08f) na may MATAAS na tiyansa na maging isang ganap na tropical depression sa loob ng susunod na 24 oras.

Samantala, ang LPA 08g na nasa labas nama ng PAR ay maaari ring lumakas at maging tropical depression sa loob ng 24 oras.

Kaugnay niyan, kaninang 11:00 AM, ay isinailalim na sa Red Rainfall Warning ang malaking bahagi ng Batangas, kabilang ang San Nicolas, Batangas City, Lipa City, Lemery, Taal, Tanauan at iba pang mga bayan at lungsod sa lalawigan.

Nasa Orange Rainfall Warning naman ang Tanauan City at Sto. Tomas City.

Ipinapahiwatig ng Red Rainfall Warning ang posibilidad ng matindi at tuloy-tuloy na pag-ulan na maaaring magdulot ng malawakang pagbaha at pagguho ng lupa sa mga apektadong lugar.

Pinapayuhan ang mga residente, partikular ang mga nasa mabababang lugar at flood-prone areas, na manatiling alerto at patuloy na subaybayan ang mga susunod na abiso mula sa DOST-PAGASA at mga lokal na awtoridad.

𝗦𝗼𝘂𝗿𝗰𝗲: 𝗗𝗢𝗦𝗧-𝗣𝗔𝗚𝗔𝗦𝗔 | 𝗕𝗮𝘁𝗮𝗻𝗴𝗮𝘀 𝗣𝗜𝗢
𝗔𝘂𝗴𝘂𝘀𝘁 𝟭𝟴, 𝟮𝟬𝟮𝟲 | 𝟭𝟭:𝟬𝟬 𝗔𝗠

Sa mga apektadong pamilya at indibidwal, maaaring magpadala ng mensahe sa aming page gamit ang format sa ibaba:

Pangalan:
Bilang ng indibidwal:
Address:
Insidente: (hal. Pagbaha, pagguho ng lupa, pagkasira sa bahay, etc.)
Picture:

17/08/2026

ICYMI: Community Kitchen sa Brgy. Sta. Clara, tagumpay na naisagawa!

Pinangunahan ng Kalinga at Bayanihan para sa Batangueñong Nangangailangan at Apektado o HAKBANG (HAKBANG) ang isang community kitchen at pulong konsuktahan sa Brgy. Sta. Clara partikular sa sektor ng mga manininda at mangingisda noong August 16, 2026, matapos ang ilang araw na walang tigil na pag-ulan.

Kung ating matatandaan, noong August 14, 2026 nagkaroon na ng unang pagtungo sa nasabing erya ang HAKBANG upang alamin ang kasalukuyang kalagayan ng lugar at ng mga sektor at dahil sa mga nakuhang Datos at pagtatasa napili ng HAKBANG na dito maglundad ng community kitchen.

Ang mga sektor na ito ay lubhang naapektuhan ng pananalasa ng Bagyong Maymay at Habagat dahil sa walang kita na ginagastos sa pang-araw-araw na pangangailangan ay natampalasanan pa ng bagyo ang kanilang mga kagamitang pang kabuhayan partikular sa hanay ng mga mangingisda.

Kaya naman, ang HAKBANG at mga volunteers nito ay nakapagbahagi ng lutong pagkain na siyang inihanda ng mga nasabing volunteers para sa mga mangingisda, manininda, at residente ng barangay. Nakapaglunsad din ng konsultahan sa kanilang naging kalagayan sa gitna at pagkatapos ng pananalasa ng bagyo.

Ang ganitong gawain; ang paglulunsad ng community kitchen at pulong konsuktahan ay Isa sa mga paraan upang sa kagyat ay makapaghatid ng tulong at marinig ang mga hinaing, hiling at karanasan ng mga sektor na lubhang naaapektuhan ng ganitong mga kalamidad.

Lubos na nagpapasalamat ang HAKBANG sa lahat ng mga nagpaabot ng tulong pinansyal.

Patuloy pa rin tayo sa pangangalap ng mga donasyon para sa pagpapatuloy ng ating mga gawain na tiyak na makatutulong sa mamayang Batangueño.

15/08/2026

𝐁𝐚𝐰𝐚𝐭 𝐝𝐨𝐧𝐚𝐬𝐲𝐨𝐧, 𝐦𝐚𝐲 𝐤𝐚𝐭𝐮𝐦𝐛𝐚𝐬 𝐧𝐚 𝐩𝐚𝐠-𝐚𝐬𝐚. 𝐁𝐚𝐰𝐚𝐭 𝐭𝐮𝐥𝐨𝐧𝐠, 𝐦𝐚𝐲 𝐩𝐚𝐦𝐢𝐥𝐲𝐚𝐧𝐠 𝐧𝐚𝐚𝐚𝐛𝐨𝐭.

Sa patuloy na pagtugon sa epekto ng 𝐁𝐚𝐠𝐲𝐨𝐧𝐠 𝐌𝐚𝐲𝐦𝐚𝐲 𝐚𝐭 𝐇𝐚𝐛𝐚𝐠𝐚𝐭 sa Batangas, nais naming ibahagi ang aming 𝐓𝐫𝐚𝐧𝐬𝐩𝐚𝐫𝐞𝐧𝐜𝐲 𝐑𝐞𝐩𝐨𝐫𝐭 para sa mga donasyong ating natanggap.

𝐊𝐚𝐛𝐮𝐮𝐚𝐧𝐠 𝐝𝐨𝐧𝐚𝐬𝐲𝐨𝐧 𝐧𝐚 𝐧𝐚𝐤𝐚𝐥𝐚𝐩 𝐚𝐬 𝐨𝐟 𝐀𝐮𝐠𝐮𝐬𝐭 𝟏𝟓:
₱𝟔,𝟐𝟗𝟎

Ang halagang ito ay bunga ng kabutihang-loob ng mga indibidwal, organisasyon, at institusyong nakiisa sa ating panawagan para sa mga Batangueñong naapektuhan ng matinding pag-ulan at pagbaha. Ang mga tulong na nakalap ay ilalaan sa pagtugon sa mga pangangailangan ng mga pamilyang naapektuhan at mga komunidad.

Patuloy naming isusulong ang transparency at accountability sa bawat donasyong ipinagkatiwala sa atin. Maraming salamat sa lahat ng nagbigay, nagbahagi, at naging bahagi ng bayanihan. Sa pangunguna ng 𝐇𝐀𝐊𝐁𝐀𝐍𝐆 (𝐇𝐚𝐭𝐢𝐝 𝐊𝐚𝐥𝐢𝐧𝐠𝐚 𝐚𝐭 𝐁𝐚𝐲𝐚𝐧𝐢𝐡𝐚𝐧 𝐩𝐚𝐫𝐚 𝐬𝐚 𝐁𝐚𝐭𝐚𝐧𝐠𝐮𝐞𝐧̃𝐨𝐧𝐠 𝐀𝐩𝐞𝐤𝐭𝐚𝐝𝐨 𝐚𝐭 𝐍𝐚𝐧𝐠𝐚𝐧𝐠𝐚𝐢𝐥𝐚𝐧𝐠𝐚𝐧), sama-sama nating abutin ang mga komunidad na nangangailangan ng tulong.

Para sa mga nais pang mag-abot ng tulong para sa ating mga kababayan, bukas pa rin ang ating tanggapan. Maaari kayong magpadala sa pamamagitan ng:

𝐆𝐂𝐀𝐒𝐇 / 𝐏𝐀𝐘𝐌𝐀𝐘𝐀:
𝐈𝐯𝐚𝐧 𝐂𝐞𝐝𝐫𝐢𝐜𝐤 𝐃𝐞 𝐂𝐡𝐚𝐯𝐞𝐳
0926 071 4297

Para sa mga gustong makipagtulungan at maging kabahagi ng ating inisyatiba maaring mag-iwan ng mensahe sa ating page o tawagan ang number sa ibaba.

09858002411
Emman

𝐁𝐚𝐰𝐚𝐭 𝐇𝐚𝐤𝐛𝐚𝐧𝐠, 𝐌𝐚𝐲 𝐊𝐚𝐥𝐢𝐧𝐠𝐚. 𝐁𝐚𝐰𝐚𝐭 𝐁𝐚𝐭𝐚𝐧𝐠𝐮𝐞𝐧̃𝐨, 𝐊𝐚𝐬𝐚𝐦𝐚.

14/08/2026

TINGNAN: Pinangunahan ng mga kasapi ng Hatid Kalinga at Bayanihan para sa Batangueñong Apektado at Nangangailangan (HAKBANG) katuwang ang mga volunteers nito ang pagsasagawa ng ocular visit sa Batangas City ngayong araw, August 14, 2026.

Nagtungo ang mga members at volunteers ng HAKBANG sa Brgy. Sta. Clara at Brgy. Calicanto upang makumusta ang mga naapektuhan ng bagyong Maymay at habagat. Kabilang sa mga apektado ang mga pamilya, mga manininda, at mga mangingisda.

Inaasahan na makakapaglunsad ang HAKBANG ng community kitchen sa mga susunod na araw.

Sa kabila nito, patuloy pa rin ang pangangalap natin ng donasyon monetary man o in-kind donation.

𝗚𝗖𝗔𝗦𝗛 at 𝗣𝗔𝗬𝗠𝗔𝗬𝗔:
𝗜𝘃𝗮𝗻 𝗖𝗲𝗱𝗿𝗶𝗰𝗸 𝗗𝗲 𝗖𝗵𝗮𝘃𝗲𝘇
0926 071 4297

Drop-off points at ang mga maaaring tawagan:
𝗟𝗶𝗽𝗮-𝗕𝗮𝗹𝗲𝘁𝗲 𝗔𝗿𝗲𝗮
09766262516

𝗟𝗶𝗯𝗷𝗼 𝗔𝗿𝗲𝗮
09766262516

𝗞𝘂𝗺𝗶𝗻𝘁𝗮𝗻𝗴 𝗜𝗯𝗮𝗯𝗮, 𝗕𝗮𝘁𝗮𝗻𝗴𝗮𝘀 𝗖𝗶𝘁𝘆
0926 071 4297

Para sa mga gustong makipagtulungan at maging kabahagi ng ating inisyatiba maaring mag-iwan ng mensahe sa ating page o tawagan ang number sa ibaba.

09858002411
Emman

14/08/2026

Noong ika-5 ng Agosto 2026 ay naitala ang pag pasok ng 𝗕𝗮𝗴𝘆𝗼𝗻𝗴 𝗠𝗮𝘆𝗺𝗮𝘆 sa Philippine Area of Responsibility (PAR) at nag-landfall sa Ilocos Sur noong ika-6 ng Agosto. Ayon sa DOST-PAGASA, huminahon ang bagyo noong ika-7 ng Agosto ngunit nagdulot pa rin ng malakas na ulan sa Luzon, partikular na sa Batangas, dahil sa dulot nitong habagat. Batay sa ulat ng NDRRMC, malawak ang pinsala sa buong probinsya mula District I hanggang District VI, kung saan tatlong nasawi ang naitala at libu-libong residente ang naapektuhan. Ang bagyo at habagat ay nagdulot ng mataas na pagbaha sa mga mababang lugar, pagguho ng lupa sa Santa Teresita, pagkasira ng mga imprastruktura at pananim, pagkawala ng kuryente, pagkansela ng mga klase, at pagkaantala ng transportasyon. Dahil dito, naapektuhan ang iba’t ibang sektor kabilang ang kabataan at mga estudyante, manggagawa, magsasaka, at transportasyon.

Sa munisipalidad ng Cuenca, may naitalang 40 pamilya o 78 indibidwal ang naapektuhan ng bagyo at kinailangang lumikas sa pinakamalapit na evacuation center. Samantala, sa munisipalidad ng Agoncillo, may sampung (10) pamilya o 39 na indibidwal ang naapektuhan at kinailangang lumikas sa evacuation center.

Sa Batangas City, pitong (7) barangay ang naitalang lubhang naapektuhan ng bagyo. Kabilang dito Sta. Clara na may 212 pamilyang apektado, habang may bilang na 92 manininda at 120 mangingisda ang naitala. Sa Brgy. Libjo, may tinatayang 49 na indibidwal ang lumikas, at Brgy. Calicanto, kung saan 13 pamilya o 39 na indibidwal ang kinailangang lumikas dulot ng pagbaha. Naitala rin ang matinding pagbaha sa Brgy. Malitam at Banaba South. Samantala, nasira ang tulay sa Brgy. Santo Niño, habang sa Brgy. Alangilan ay may mga naitalang pagkasira ng ilang istruktura.

Sa munisipalidad ng Mabini, naitala ang pagbaha na nagdulot ng pagkasira ng isang tulay, ilang imprastraktura, at mga kabahayan. Partikular sa Mainaga, Mabini ay naitala ang 102 pamilyang naapektuhan. Sa parte ng Banalo, Lobo ay may bilang na 25 pamilya, 17 magsasaka, at 7 malamanggagawa. Dagdag pa rito ay may naitalang isang (1) bahay na nasiraan. Sa Brgy. Palahanan II, San Juan, naman ay nakaranas ng pag-apaw ng mga kanal at pagbaha sa ilang kabahayan. Sa kabilang banda, sa munisipalidad ng Ibaan, naitala ang minor landslide, pag-apaw ng tubig sa mga ilog, at pagbaha sa mga kalsada.

Samantala, sa Santa Teresita, may naitalang 30 pamilya na naapektuhan ng pagkawala ng suplay ng kuryente simula pa noong Agosto 7.

Sa munisipalidad ng Bauan, partikular sa Brgy. San Roque, may naapektuhang inprastraktura dahil ng baha. Mataas din ang lebel ng tubig kaya naman binaha ang loob ng bahay. Dahil din sa baha nagkaron ng rerouting ang mga ilang sasakyan sa kalsada mula sa San Roque hanggang Sinala-Bolo.

Ang mga datos na ito ay nangangahulugan sa pinsalang sinapit ng probinsya ng Batangas. Sa dami ng pamilya at kabuhayan na apektado, tunay na kinakailangan natin ng maayos na disaster prevention and mitigation. Nararapat lang din na mayroong sapat na ayuda at kompensasyon sa mga kabuhayan at bahay. At sa huli, panagutin ang mga korap na naglulustay sa pera ng bayan na dapat ay nailalaan sa mga serbisyong naglilingkod sa mamamayan.

Sa mga nais magbigay donasyon, bukas pa rin ang aming tanggapan:

𝗚𝗖𝗔𝗦𝗛 at 𝗣𝗔𝗬𝗠𝗔𝗬𝗔:
𝗜𝘃𝗮𝗻 𝗖𝗲𝗱𝗿𝗶𝗰𝗸 𝗗𝗲 𝗖𝗵𝗮𝘃𝗲𝘇
0926 071 4297

Hakbang

03/09/2026

29/08/2026

18/08/2026

18/08/2026

18/08/2026

17/08/2026

15/08/2026

14/08/2026

14/08/2026

Address

Website

Alerts

Shortcuts

Share

Category

Listing takedown request