PSA Mountain Province

28/08/2026

𝐒𝐚𝐛𝐚𝐲𝐚𝐧𝐠 𝐏𝐚𝐠𝐛𝐢𝐠𝐤𝐚𝐬: 𝐓𝐚𝐥𝐚 𝐧𝐠 𝐁𝐮𝐡𝐚𝐲: 𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐭 𝐀𝐈 𝐬𝐚 𝐒𝐞𝐫𝐛𝐢𝐬𝐲𝐨𝐧𝐠 𝐒𝐢𝐛𝐢𝐥

Bilang bahagi ng Buwan ng Wikang Pambansa, nag-level up ang mga kawani ng PSA–Mountain Province mula data mode to performance mode. Sa pamamagitan ng Sabayang Pagbigkas, bawat yunit ay nagpakitang-gilas sa pag-uugnay ng kanilang mga tungkulin sa wika, datos, teknolohiya, at serbisyong pampubliko, patunay na sa PSA, hindi lang numbers ang may bilang, pati acting skills.

Civil Registration: Ang Lifetime Tracker ng buhay ng tao. Mula sa unang uha hanggang sa huling hininga, updated ang PSA.

💠Isinilang ka? May Birth Certificate
💠Nagmahal at nagpakasal? May Marriage Certificate
💠Pumunta sa kabilang buhay? May Death Certificate

Kaya kung sinabihan ka man ng ex mo na "Wala kang resibo sa buhay ko," chill ka lang. Baka hindi ka lang na-requestan ng CENOMAR. Sa Civil Registration, bawat plot twist ng buhay mo ay may opisyal na tala para protektado ang 'yong pagkakakilanlan at karapatan.

At dahil 2026 na, hindi puwedeng walang AI. Wikang Filipino + AI = power duo para sa mas malinaw na impormasyon at mas episyenteng serbisyo. Kaya ang final message ng PSA-Mountain Province: “Civil Registration ng PSA, katuwang sa bawat yugto ng buhay. Isang tala, isang wika, isang teknolohiya tungo sa maunlad na Pilipinas!”

28/08/2026

𝐁𝐢𝐨𝐦𝐞𝐭𝐫𝐢𝐜 𝐈𝐧𝐟𝐨𝐫𝐦𝐚𝐭𝐢𝐨𝐧: 𝐌𝐮𝐤𝐡𝐚 𝐚𝐭 𝐃𝐚𝐥𝐢𝐫𝐢, 𝐏𝐚𝐠𝐤𝐚𝐤𝐚𝐤𝐢𝐥𝐚𝐧𝐥𝐚𝐧 𝐚𝐲 𝐍𝐚𝐬𝐮𝐬𝐮𝐫𝐢

Bilang bahagi ng pagdiriwang ng Buwan ng Wikang Pambansa, itinatampok ng PSA-Mountain Province ang Biometric Information bilang mahalagang bahagi ng National ID System at sa pagtupad ng ahensya sa mandato nitong tiyakin ang maaasahang pagkakakilanlan ng bawat Pilipino.

Ang Biometric Information ay tumutukoy sa mga natatanging katangian ng isang tao mula sa guhit ng mga daliri hanggang sa anyo ng mukha na ginagamit upang makatulong sa mas maaasahang pagpapatunay ng pagkakakilanlan.

Dahil bawat tao ay may sariling mukha at sariling fingerprint, walang “copy-paste” sa pagkakakilanlan.

Kaya kapag National ID ang usapan, hindi sapat ang “Kamukha ko lang siya!” mahalaga ang tamang datos at wastong pagkakakilanlan.

27/08/2026

27/08/2026

𝐏𝐮𝐧𝐨𝐧𝐠 𝐁𝐫𝐚𝐬𝐨: 𝐏𝐚𝐠𝐩𝐮𝐩𝐮𝐠𝐚𝐲 𝐬𝐚 𝐊𝐮𝐥𝐭𝐮𝐫𝐚𝐧𝐠 𝐏𝐢𝐥𝐢𝐩𝐢𝐧𝐨 𝐬𝐚 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚

Bilang bahagi ng pagdiriwang ng Buwan ng Wikang Pambansa, naglaban-laban sa lakas, tiyaga, at tibay ng braso ang mga lalaking kawani ng PSA-Mountain Province sa isinagawang larong “Punong Braso.”

Hindi lamang lakas ng braso ang nasubok sa paligsahan, kundi maging ang tapang, disiplina, determinasyon, at sportsmanship ng bawat kalahok. Sa bawat tulak at pag-igpaw ng braso, kapansin-pansin ang matinding kompetisyon ngunit higit na namayani ang pagkakaisa at masayang samahan ng mga kawani.

Layunin ng gawain na linangin ang pisikal na lakas at tibay, gayundin ang mapaunlad ang disiplina, pakikipagtulungan, at positibong pakikipagkompetensiya sa hanay ng mga empleyado.

Sa larong ito, hindi sapat ang malakas na salita, kailangan ding malakas ang braso. Ngunit higit sa pagkapanalo, ipinakita ng mga kalahok na ang tunay na lakas ay hindi lamang nasusukat sa laki ng braso, kundi sa puso, determinasyon, at pagkakaisa.

Sa huli, naging mas masigla ang pagdiriwang ng Buwan ng Wikang Pambansa sa pamamagitan ng isang gawaing pinagsama ang kultura, kasiyahan, pagkakaibigan, at kaunting pagyayabang sa lakas ng braso.

Dahil sa PSA–Mountain Province, ang pagdiriwang ng wika ay hindi lamang salita nang salita, may “braso” ring kumikilos.

27/08/2026

𝐒𝐚𝐛𝐚𝐲𝐚𝐧𝐠 𝐏𝐚𝐠𝐛𝐢𝐠𝐤𝐚𝐬: 𝐀𝐧𝐠 𝐋𝐚𝐤𝐚𝐬 𝐬𝐚 𝐋𝐢𝐤𝐨𝐝 𝐧𝐠 𝐃𝐚𝐭𝐨𝐬 - 𝐒𝐞𝐫𝐛𝐢𝐬𝐲𝐨𝐧𝐠 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐛𝐨, 𝐖𝐢𝐤𝐚, 𝐚𝐭 𝐓𝐞𝐤𝐧𝐨𝐥𝐨𝐡𝐢𝐲𝐚

Hindi man sila laging nasa harap ng kamera, sila naman ang nasa likod ng bawat dokumento, bawat transaksiyon, at bawat serbisyong maayos na naihahatid.

Bilang bahagi ng pagdiriwang ng Buwan ng Wikang Pambansa, nagsagawa ang mga kawani ng PSA–Mountain Province ng sabayang pagbigkas kada yunit upang maipakita kung paano nakaugnay ang kanilang mga tungkulin sa tema ng pagdiriwang.

Sa pagkakataong ito, tampok ang Administrative and Finance Unit, ang mga lingkod-bayang tahimik na kumikilos ngunit malaking bahagi ng bawat matagumpay na operasyon. Sila ang mga haligi ng PSA Montañosa. Sila ang mga tagapangalaga ng mga dokumento, tagapag-ayos ng mga transaksiyon, tagabantay ng pondo, at katuwang sa pagpapatakbo ng opisina.

At siyempre, hindi mawawala ang teknolohiya. Sa panahong ang datos ay hindi na lamang binibilang kundi pinoproseso, sinusuri, at pinapadali sa tulong ng makabagong teknolohiya, patuloy na umaangkop ang serbisyong administratibo sa makabagong panahon.

Sa kanilang mensahe: Ang Wikang Filipino at teknolohiya ay magkasangga tungo sa mahusay, episyente, at makabagong administrasyon.

Dahil sa PSA, hindi lang datos ang pinapagana kundi pati opisina.

27/08/2026

27/08/2026

𝐍𝐚𝐭𝐢𝐨𝐧𝐚𝐥 𝐈𝐃𝐒𝐚𝐛𝐢𝐡𝐚𝐧: 𝐈𝐬𝐚𝐧𝐠 𝐈𝐃, 𝐒𝐞𝐫𝐛𝐢𝐬𝐲𝐨 𝐚𝐲 𝐌𝐚𝐬 𝐌𝐚𝐝𝐚𝐥𝐢

Isang ID, isang pagkakakilanlan, mas kaunting “Sir/Ma’am, ano po ulit ang pangalan?”

Bilang bahagi ng pagdiriwang ng Buwan ng Wikang Pambansa, itinatampok ng PSA–Mountain Province ang isang makabuluhan na National ID kasabihan dahil ang wika ay para sa pagkakaunawaan, at ang National ID ay para sa mas madaling pagkakakilanlan.

“National ID ay taglay, pagkakakilanlan ay tunay; serbisyong kailangan, mas madaling makamtan.”

Sa bawat transaksiyon, mahalaga ang tamang pagkakakilanlan. Sa tulong ng National ID, mas madali ang pagpapatunay kung sino ka at mas napapadali ang pag-access sa iba’t ibang serbisyong nangangailangan ng beripikadong pagkakakilanlan.

Kaya huwag nang mag- “Ako po ‘yan!” nang paulit-ulit. May National ID ka na, may patunay ka pa.

#𝕀𝔻ℕ𝕒𝕥𝕚𝕟