Barangay Public Information Office Sto Cristo CSJDM, Bulacan

06/07/2026

Bilang pagsisimula ng panibagong buwan, matagumpay na isinagawa ang Monthly Flag Ceremony ngayong araw (Hulyo 6, 2026) unang Lunes ng Hulyo sa Northridge Executive Covered, bilang pagpapakita ng pagkakaisa, disiplina, at patuloy na katapatan sa paglilingkod sa ating bayan.

Pinangunahan ito ng ating Punong Barangay, Igg. Efren B. Avena , kasama ang buong Sangguniang Barangay at mga kawani ng Pamahalaang Barangay Santo Cristo. Ang gawaing ito ay sumasalamin sa sama-samang paninindigan ng bawat lingkod-bayan na gampanan ang kanilang tungkulin nang may integridad, dedikasyon, at malasakit sa bawat mamamayan.

Nawa'y magsilbi itong panibagong inspirasyon upang higit pang mapaigting ang mahusay, tapat, at responsableng paglilingkod para sa kapakanan at kaunlaran ng ating barangay.

Isang mapagpalang buwan ng Hulyo para sa ating lahat! 🇵🇭

𝗘𝗣𝗘𝗞𝗧𝗜𝗕𝗢𝗡𝗚 𝗦𝗘𝗥𝗕𝗜𝗦𝗬𝗢 𝗕𝗔𝗥𝗔𝗡𝗚𝗔𝗬 𝗔𝗔𝗦𝗘𝗡𝗦𝗢" 🧡❤️

📸|📝|🖼️: 𝐁𝐏𝐈𝐎 - Eugene Sevilla Flores

05/07/2026

https://www.facebook.com/share/p/1Fq27bkCDJ/

SCHOLARSHIP ALERT! 📣

Applications are now open for the Scholarship Program of Senator Vicente C. Sotto III for School Year 2026-2027.

This tuition fee scholarship program is open to currently enrolled 3rd year and 4th year college students studying in private schools who need financial assistance for their tuition expenses.

Applicants must have a previous GWA of at least 85% or 2.00 and must be currently enrolled in a CHED- recognized institution.

The application deadline will be on August 15, 2026.

Interested applicants must complete the official application form and provide the required information for screening.

Applications will undergo review and evaluation, and shortlisted students will be contacted through email for the next step of the process.

The application link is provided in the comment section of this post.

03/07/2026

UPDATE:

Nakapag-install na po tayo ng temporary 220HP motor unit upang pansamantalang maibalik at mapatatag ang suplay ng tubig habang isinasagawa ang pag-aayos ng nasirang motor ng Clear Water Pump na nasa Water Treatment Plant No. 2.

Patuloy po ang aming monitoring at pagsasagawa ng mga kinakailangang hakbang upang ganap na maibalik sa normal ang operasyon ng tubig sa lalong madaling panahon.

Maraming salamat po sa inyong pang-unawa.

03/07/2026

Makaaasa po kayo na kapag naisaayos na ang nasirang motor sa Water Treatment Plant No. 2, mas magiging maayos na ang tubig sa mga apektadong lugar. Humihingi po kami ng paumanhin sa abalang nating dulot nito. 🙏🏼

03/07/2026

Sa inisyatiba ng Schools Division of San Jose del Monte at pakikipagtulungan ng Sangguniang Barangay ng Brgy. Sto. Cristo, naisagawa kaninang umaga, Hulyo 3, 2026, ang ”LIGTAS SA PAARALAN UGNAYAN SA BARANGAY” sa session hall ng Brgy. Sto. Cristo.

Dumalo sa nasabing pulong sina Mam Mary Ann M. Niera, Public Schools District Supervisor (PSDS), Sir Donn Uriel D. Buenaventura, Principal, Sto. Cristo National Highschool at Mam Carolyn W. Oliveros, Principal, Towerville Elementary School, iba pang officials ng Schools Division of San Jose del Monte at ang buong Sangguniang Barangay ng Brgy. Sto. Cristo sa pangunguna ni PB Eufronio B. Avena.

Layunin nito ay:
• Mapag-usapan ang kinakaharap na konteksto ng mga paaralan pagdating sa safety, security, health at suportang maibibigay sa paaralan
• Makagawa ng konkretong plano at aksyon para sa bawat paaralan naayon sa konteksto ng bawat paaralan
• Magkaroon ng regular na ugnayan mula sa paaralan sa pangunguna ng School Governance Council ( SGC), Barangay kasama ang SPTA, Ibang organisasyong makakatulong para sa kaligtasan ng mga paaralan

Mga napag-usapan at napagtuunan ng pansin ang:
• Mga nakukuhang deadly weapon sa mga bata
• Bullying, mga abangan sa labas ng paaralan
• Mga grupo ng kabataang nagsisimula ng gulo sa loob at labas ng paaralan
• Mga batang may bisyo, va**ng, alak, paninigarilyo, at paggamit ng pinagbabawal na gamot
• Mga tulong mula sa barangay kapag walang guardian ang mga mag-aaral

Kasama ring napag-usapan ang:
• Suporta mula sa barangay sa disiplina sa komunidad
• Pagpapaigting ng curfew
• Pagpapaigting ng pagbabantay sa mga computer shops sa oras ng klase
• Mga emergency case na walang mga magulang ang mga bata
• Regular na police visibility sa bawat paaralan , mga barangay tanod sa pagbabantay sa mga paaralan tuwing pasukan, uwian
• Mga suporta para sa mas malusog na mag-aaral– bawal magbenta ng alak or sigarilyo sa mga nasasakupan
• Pagmamaneho ng motor na walang kaukulang lisensya
• Patuloy na edukasyon sa mga magulang tungkol sa karahasan sa loob ng tahanan, suporta sa pagtiyak na walang dalang nakakamatay na bagay ang kanilang mga anak
• Pagsuporta sa mental health ng mga bata gayundin ang mga magulang

SA pagtatapos ng pulong, nagbigay ng commitment ang bawat isa na maghahanda ng action plans at patuloy na pakikipag-ugnayan upang mapanatili ang isang magandang programa ng Department of Education tungo sa LIGTAS SA PAARALAN sa pakikipagtulungan ng Brgy. Sto. Cristo.

02/07/2026

Sa araw na ito, isang taon na ang nakalipas, isang makasaysayang yugto ang nagsimula sa opisyal na panunumpa sa tungkulin ni Mayor Florida “Ate Rida” Perez-Robes bilang kauna-unahang babaeng Punong Lungsod ng San Jose del Monte.

Sa pagbubukas ng bagong pahina ng kasaysayang San Joseño, kasama si Vice Mayor Arlene Bartolome-Arciaga, ang Sangguniang Panlungsod, si Congressman Arthur B. Robes, at ang buong Pamahalaang Lungsod ng San Jose del Monte, patuloy na pinagtitibay ang iisang layunin na higit pang paglingkuran ang bawat Pamilyang San Joseño.

Abangan ang isang espesyal na pagbabaliktanaw sa mga natatanging tagumpay, mahahalagang programa, at mga karangalang inukit sa nakalipas na isang taon sa ilalim ng pamumunong isinusulong ang serbisyong may puso at ramdam ang Alagang San Joseño sa Balitang San Jose N’yo Special Coverage.

30/06/2026

HOTLINE NUMBERS📱📞

Hello, San Joseños. 😊
Para sa karagdagang bukas na komunikasyon namin sa inyo, narito po ang mga numero na maaari ninyong tawagan.

Paalala lang po na para sa mas maayos na daloy ng impormasyon, ipagbigay alam po ang inyong kumpletong detalye sa aming customer care representatives para maaksyunan ang inyong request. Salamat po.

30/06/2026

Bilang bahagi ng ating layunin na mapanatiling ligtas at malusog ang ating komunidad, inaanyayahan namin ang lahat ng fur parents na samantalahin ang LIBRENG KAPON para sa inyong mga minamahal na alagang a*o at pusa.
Ang pagkakapon ay isang hakbang tungo sa mas maayos na kalusugan ng ating mga alaga at sa responsableng pag-aalaga ng mga ito. Sama-sama nating bawasan ang pagdami ng mga a*ong at pusang walang tahanan at bigyan sila ng mas magandang kinabukasan.

📍 Towerville Minuyan Covered Court
(Katabi ng Towerville Elementary School)

🗓 July 1, 2026
⏰ 8:00 AM – 5:00 PM
🐶 Unang 30 A*o
🐱 Unang 70 Pusa
📌 First Come, First Served

⚠️ Paalala: Siguraduhing rehistrado ang inyong alaga at naka-fasting ng 8–10 oras bago ang operasyon (tubig lamang ang maaaring ibigay). Hindi maaaring isailalim sa kapon ang buntis, nagpapadede, bagong panganak, o may sakit na alagang hayop.

Isang responsableng fur parent, isang mas ligtas at mas maayos na komunidad. Kita-kits at sama-sama nating ipakita ang pagmamahal sa ating mga fur babies!

𝗘𝗣𝗘𝗞𝗧𝗜𝗕𝗢𝗡𝗚 𝗦𝗘𝗥𝗕𝗜𝗦𝗬𝗢 𝗕𝗔𝗥𝗔𝗡𝗚𝗔𝗬 𝗔𝗔𝗦𝗘𝗡𝗦𝗢" 🧡❤️

📸|📝|🖼️: 𝐁𝐏𝐈𝐎 - Eugene Sevilla Flores

27/06/2026

Maligayang Kaarawan, Mayor Ate Rida Robes! 🎉🎂🧡🩷

Sa inyong espesyal na araw, buong puso po kaming bumabati ng isang Maligaya at Pinagpalang Kaarawan!

Mula sa Pamahalaang Barangay Santo Cristo, taos-puso po kaming nagpapasalamat sa inyong walang sawang pagmamahal, malasakit, at dedikasyon sa paglilingkod sa bawat mamamayan ng Barangay Santo Cristo. Ang inyong pamumuno, kabutihang-loob, at patuloy na suporta ay naging malaking inspirasyon at daan upang lalo pang umunlad ang aming komunidad.

Nawa'y patuloy kayong pagkalooban ng Poong Maykapal ng mabuting kalusugan, lakas, karunungan, at mas marami pang taon ng makabuluhang paglilingkod. Hiling namin ang patuloy na tagumpay sa lahat ng inyong adhikain para sa kapakanan ng ating lungsod at ng bawat San Joseño.

Muli, Maligayang Kaarawan, Mayor Ate Rida Robes! Maraming salamat po sa inyong pagmamahal at malasakit sa Barangay Santo Cristo. Ang inyong kabutihan ay mananatiling inspirasyon sa aming lahat. 🧡🩷

Mula sa bumubuo ng Pamahalaang Barangay Santo Cristo, maligayang kaarawan po at pagpalain pa kayo ng Diyos nang higit pa! 🎂🎈

𝗘𝗣𝗘𝗞𝗧𝗜𝗕𝗢𝗡𝗚 𝗦𝗘𝗥𝗕𝗜𝗦𝗬𝗢 𝗕𝗔𝗥𝗔𝗡𝗚𝗔𝗬 𝗔𝗔𝗦𝗘𝗡𝗦𝗢" 🧡❤️

📸|📝|🖼️: 𝐁𝐏𝐈𝐎 - Eugene Sevilla Flores

26/06/2026

TARA BUKAS MGA KA-BRGY!!