02/06/2026
POWER PLANT NA PAG-MAMAY-ARI NG PAMAHALAAN, BINENTA NG MARCOS ADMIN
Ang Caliraya-Botocan-Kalayaan (CBK) Hydroelectric Power Plants sa Laguna ay binenta sa presyong ₱36.266 bilyon.
Nabili ito ng Thunder Consortium—na pinamumunuan ng Aboitiz Renewables Inc. kasama ang Sumitomo Corporation at Electric Power Development Co., Ltd. (J-POWER)—matapos silang manalo sa bidding na isinagawa ng Power Sector Assets and Liabilities Management Corp. (PSALM).
Tinalo ng Aboitiz-led consortium ang FGKW Consortium (First Gen Prime Energy at Korea Water Resources) na nagsumite lamang ng bid na ₱19.616 bilyon.
Ang CBK hydro complex ay may kabuuang kapasidad na 797 megawatts (MW). Binubuo ito ng Caliraya plant sa Lumban, Botocan plant sa Majayjay, at Kalayaan pumped-storage plant sa Kalayaan, Laguna.
Ang opisyal na turnover at paglipat ng pamamahala ng pasilidad sa Thunder Consortium ay pinangunahan ni Pangulong Ferdinand Marcos Jr. noong Pebrero 9, 2026.
Ang pondong nakuha mula sa benta ay gagamitin ng pamahalaan para bayaran ang mga natitirang obligasyong pinansyal ng PSALM at pondohan ang mga pampublikong proyekto tulad ng mga kalsada, paaralan, at ospital.
