07/09/2026
๐ฃ๐จ๐๐๐๐ ๐๐๐ฉ๐๐ฆ๐ข๐ฅ๐ฌ
Aron masiguro nga hapsay, luwas, ug episyente ang ipatuman nga traffic management plan atol sa rehabilitasyon sa Magsaysay Bridge, magpahigayon ang City Transportation and Traffic Management Department (CTTMD) ug Department of Public Works and Highways (DPWH) og ๐ง๐ฟ๐ฎ๐ณ๐ณ๐ถ๐ฐ ๐ฆ๐ถ๐บ๐๐น๐ฎ๐๐ถ๐ผ๐ป karong ๐ฆ๐ฒ๐ฝ๐๐ฒ๐บ๐ฏ๐ฒ๐ฟ 8, 2026 (๐ ๐ฎ๐ฟ๐๐ฒ๐), gikan alas 4:00 ๐๐ฎ ๐ต๐ฎ๐ฝ๐ผ๐ป ๐ต๐ฎ๐ป๐ด๐๐ผ๐ฑ ๐ฎ๐น๐ฎ๐ 7:00 ๐๐ฎ ๐ด๐ฎ๐ฏ๐ถ๐ถ.
Kini nga simulation gihimo isip tubag sa mga hangyo ug suhestiyon sa publiko nga kung mahimo, tugotan ang mas daghang sakyanan nga makaagi sa Magsaysay Bridge bisan nagpadayon ang rehabilitasyon niini.
Atol sa simulation, tugotan ang tanang klase sa sakyanan nga moagi sa Magsaysay Bridge, gawas lamang sa Public Utility Buses (PUBs) ug mga truck, nga kinahanglan gihapon moagi sa Macapagal Bridge.
Pinaagi niini nga simulation, atong masusi kung feasible, luwas, ug epektibo ba ang pagpaagi sa mas daghang sakyanan sa panahon sa rehabilitasyon sa tulay. Atong tan-awon ang epekto niini sa traffic flow, kapasidad sa tulay, ug kaluwasan sa tanang road users aron makabuo og mas angay nga traffic scheme sa pagsugod sa implementasyon sa proyekto sa September 16, 2026.
Stop-and-Go Scheme ang ipatuman atol sa simulation. Nagpasabot kini nga usa lamang ka lane sa tulay ang ablihan sa usa ka higayon, ug ang pagpaagi sa mga sakyanan kontrolado sa mga Project flagmen ug CTTMD traffic personnel aron mapadayon ang kahapsay sa trapiko ug kaluwasan sa tanan.
Ang mga bisikleta tugotan usab nga makatabok sa Magsaysay Bridge, apan gikinahanglan nga sa sidewalk lamang sila moagi. Kini aron malikayan ang dugang nga pagsamot sa trapiko sulod sa usa ka lane nga gigamit ubos sa stop-and-go scheme.
Gilauman nga mas dako ang volume sa trapiko atol sa simulation tungod kay mas daghang klase sa sakyanan ang tugotan nga moagi. Busa, gihangyo ang tanang motorista ug commuters nga magplano daan sa ilang biyahe, maghatag og dugang oras sa pagbiyahe, ug mosunod sa mga traffic signs ug giya sa mga traffic personnel.
Dili kini ang katapusang simulation. Magpadayon pa ang City Government of Butuan pinaagi sa CTTMD ug ang DPWH sa pagpahigayon og dugang nga traffic simulations aron masiguro nga ang ipatuman nga traffic management plan sa pagsugod sa rehabilitasyon sa September 16, 2026 mao ang pinakaluwas, pinakaepisyente, ug labing angay alang sa tanang commuters, motorists, ug stakeholders.
Salamat sa inyong pagsabot, pagpailub, ug kooperasyon samtang hiniusang gisuportahan nato ang rehabilitasyon sa Magsaysay Bridge alang sa mas luwas ug mas lig-on nga tulay para sa katawhan sa dakbayan sa Butuan.
