Konsi Kiano Cadeliña

03/09/2026

Stay safe po sa lahat!

Earthquake Information No.1
Date and Time: 03 September 2026 - 07:24 AM
Magnitude = 4.1
Depth = 009 km
Location = 16.91°N, 121.44°E - 005 km S 77° W of Alfonso Lista (Ifugao)

Instrumental Intensities:
Intensity II - Lamut, IFUGAO; City of Santiago, ISABELA
Intensity I - Bontoc, MOUNTAIN PROVINCE

https://earthquake.phivolcs.dost.gov.ph/2026_Earthquake_Information/September/2026_0902_232407_B1.html

02/09/2026

Isang taos-pusong pagbati po sa aking seatmate sa Sangguniang Bayan, katuwang sa konseho, at isa sa mga kasamahan na lagi kong nakakapagpalitan ng mga ideya at pananaw para sa ikabubuti ng ating mga kababayan. Bilang isang beterano na sa paglilingkod, marami akong natututunan sa iyong karanasan, kaalaman, at paraan ng pakikitungo sa bawat usapin. Higit sa lahat, kilala ka namin bilang isang mabuting tao at maaasahang kasama sa konseho. Dalangin ko saiyo ang mabuting kalusugan, kalakasan, karunungan, at mas marami pang taon ng makabuluhang paglilingkod.

Happy Birthday, SB Jomar Domingcil Jarvinia! Patuloy tayong magpalitan ng ideya, magtulungan, at maglingkod nang tapat para sa ating minamahal na Cabatuan.

-Konsi Kiano
Serbisyong totoo, tapat, karapatdapat.

01/09/2026

September 1 = officially BER months! 🎄
At dahil bawal ang KJ…Christmas mode: ON. 🎅

Kayo, ready na ba? Simbang Gabi? Christmas lights? Caroling? O Christmas bonus muna? 👀🤣

-Konsi Kiano

28/08/2026

𝐍𝐎𝐓𝐈𝐂𝐄 𝐎𝐅 𝐒𝐂𝐇𝐄𝐃𝐔𝐋𝐄𝐃 𝐏𝐎𝐖𝐄𝐑 𝐈𝐍𝐓𝐄𝐑𝐑𝐔𝐏𝐓𝐈𝐎𝐍
𝟑 𝐒𝐄𝐏𝐓𝐄𝐌𝐁𝐄𝐑 𝟐𝟎𝟐𝟔 (𝐓𝐇𝐔𝐑𝐒𝐃𝐀𝐘) | 𝟗:𝟎𝟎 𝐀𝐌 - 𝟏𝟐:𝟎𝟎 𝐍𝐍 & 𝟗:𝟎𝟎 𝐀𝐌 - 𝟓:𝟎𝟎 𝐏𝐌

AFFECTED AREA:

𝟗:𝟎𝟎 𝐀𝐌 - 𝟓:𝟎𝟎 𝐏𝐌
Parts of Cabatuan
📌Canan
📌Centro
📌Del Pilar (Parts)
📌Luzon
📌Sampaloc (Parts)
📌Saranay
📌Cabatuan Family Clinic

REASON: due construction of Line at Luna Junction to Luzon, Cabatuan and clearing of lines.

* Power service may be restored earlier or upon completion of maintenance. For your safety, always consider our lines energized.

20/08/2026

Isang taos-pusong pagbati po sa isang lingkod-bayan na matagal nang nakaugat sa ating komunidad, mula sa paglilingkod sa barangay hanggang sa pagiging bahagi ng Sangguniang Bayan ng Cabatuan.

Bago pa man pumasok sa mas malawak na larangan ng serbisyo publiko, naging bahagi na po ng inyong kwento ang pagsusumikap sa agrikultura. Kabilang din po kayo sa mga kinilalang Outstanding Small Animal Raisers sa Region 2 sa ilalim ng Gawad Saka noong 2017, ito ay isang patunay ng sipag, tiyaga at malasakit sa ating sektor ng agrikultura.
Nawa'y patuloy kayong pagkalooban ng Panginoon ng mabuting kalusugan, lakas at karunungan upang higit pa ninyong mapaglingkuran ang ating mga kababayan.

Happy Birthday, SB W***y Britanico! Mabuhay po kayo at patuloy na maging inspirasyon sa ating mga kababayang nagsisikap at naglilingkod

- Konsi Kiano Cadeliña

19/08/2026

Isang produktibong Regular Session ng Sangguniang Bayan ng Cabatuan ang isinagawa ngayong araw, kung saan tinalakay at inendorso ang 23 draft resolutions (Resolution Nos. 2026-76 hanggang 2026-98) na naglalayong kilalanin ang tagumpay ng ating mga kabataan at maisulong ang mahahalagang proyekto para sa ating bayan.

Apat (4) sa mga resolusyon ang nakatuon sa pagkilala sa kahusayan at tagumpay ng mga estudyante ng Cabatuan, kabilang ang isang Magna Cum Laude at Salutatorian ng UP College of Law, gayundin ang tatlong kabataang nagkamit ng parangal sa mga international mathematics competitions sa Vietnam at Hong Kong.

Samantala, ang 19 na resolusyon ay mga kahilingan para sa funding assistance mula sa mga national government officials para sa iba't ibang proyektong pang-imprastraktura at pangkaunlaran, kabilang ang:

• mga drainage canal at flood mitigation projects
• farm-to-market roads
• covered courts at sports facilities
• municipal sports complex
• mga perimeter fence para sa mga paaralan at iba pang pasilidad
• mga proyektong may kinalaman sa environmental management at public safety.

Kabilang sa mga pinagpapadalhan ng kahilingan para sa suporta ang mga Senador na sina Sherwin “Win” Gatchalian, JV Ejercito, Joel Villanueva, Bam Aquino, at Mark Villar, gayundin si LPGMA Partylist Representative Allan U. Ty.

Ang mga panukalang proyektong ito ay naglalayong palakasin ang agrikultura, mabawasan ang epekto ng pagbaha, mapabuti ang mga pasilidad pang-edukasyon, suportahan ang sports at kabataan, mapangalagaan ang kapaligiran, at higit na mapahusay ang serbisyong pampubliko at kalidad ng buhay ng bawat Cabatuanense.

Patuloy ang aming paglilingkod sa pamumuno ni Mayor Charlton Uy at Vice Mayor Mario Acosta,
kasama ang Sangguniang Bayan sa pagsusulong ng mga proyektong may konkretong pakinabang para sa ating mga barangay at para sa patuloy na pag-unlad ng Cabatuan.

Makakaasa po kayo sa patuloy na aktibong pakikilahok, pakikinig, at pakikiisa sa bawat talakayan ng inyong lingkod Konsi Kiano- Serbisyong Totoo, Tapat, Karapat-dapat!

12/08/2026

Nagkaroon din kami ng pagkakataong mabisita ang tanggapan nina Sen. JV Ejercito at Sen. Win Gatchalian, mga mabubuting kaibigan ng ating Mayor Tonton Uy upang makipagkumustahan at mapag-usapan ang mga usaping mahalaga para sa ating mga kababayan.

Mas naging espesyal ang pagbisita kay Sen. JV dahil pareho kaming nagmula sa Junior Chamber International (JCI) tulad din ni SB Patchy at Ma’am Jasmine. Si Sen. JV ay nagsilbi bilang JCI Philippines National President noong 1998, isang magandang koneksyon na nagsisilbing tulay sa patuloy na pagkakaibigan at paglilingkod.

Patuloy din nating pinahahalagahan ang mabuting ugnayan sa ating mga national leaders, lalo na sa pagsusulong ng mga proyektong makatutulong sa pag-unlad ng Cabatuan, kabilang ang mga programang pang-imprastraktura.

Maraming salamat, Sen. JV at Sen. Win, sa mainit na pagtanggap at sa patuloy na pakikipagtulungan. At higit sa lahat, salamat sa pagkakataong maihatid ang boses at pangangailangan ng ating mga kababayan sa mas mataas na antas ng pamahalaan.

Para sa Cabatuan. Para sa bawat Cabatuanense!

Serbisyong totoo, tapat, karapat-dapat.

11/08/2026

Isang karangalan para sa akin ang muling makasama at makadaupang-palad si PBGen. Mariano C. Rodriguez, Regional Director ng Police Regional Office 2 (PRO2), sa aming pagbisita sa Senado.

Hindi ito ang unang pagkakataon na nagkrus ang aming mga landas. Taong nakaraan, noong ako ay nagpunta sa Davao, doon ko unang nakilala si Gen. Rodriguez na noon ay nagsisilbi bilang isang lider ng kapulisan sa Davao. Mula noon, nabuo ang isang pagkakaibigan na higit pa sa simpleng pagkakakilala at isang ugnayang pinagtibay ng aming kapatiran sa Masonarya.

Ngayon, nakakatuwang muling magtagpo, sa ibang pagkakataon at sa panibagong yugto ng kanyang paglilingkod bilang Regional Director ng PRO2. Sa kabila ng mga posisyon at responsibilidad, nananatili ang respeto, pagkakaibigan, at kapatiran.

Salamat, Kuyang Digoy, sa oras, kwentuhan at samahan. Tunay na masarap balikan ang mga nakaraan at nagsimula sa simpleng pagkikita ngunit nananatili dahil sa tunay na kapatiran.

From Davao to Cagayan Valley, and now to the Senate! mabuhay ang Masonarya!