Kap. Tonet Hain

29/05/2026

29/05/2026

29/05/2026

Isinagawa noong Mayo 24 at ngayong Mayo 29, 2026 ang Canal Cleaning Operation sa iba’t ibang lugar ng Barangay Tres bilang bahagi ng ating patuloy na programa para sa kalinisan, kaayusan, at pag-iwas sa pagbaha.

Lubos po ang aking pasasalamat kay Ms. Maila Pampolino at sa kanyang mga staff sa pakikiisa at pagtulong sa paglilinis ng mga baradong kanal. Maraming salamat din kay Kap. Andoy Hain sa pagpapahiram ng kanilang fire truck na naging malaking tulong sa operasyon.

Taos-puso rin kaming nagpapasalamat sa EPOL sa kanilang suporta at pakikiisa sa pagpapanatili ng kalinisan sa Barangay Tres.

At higit sa lahat, maraming salamat sa aking Sangguniang Pambarangay, mga Barangay Tanod, at mga kawani ng opisina sa inyong dedikasyon at patuloy na serbisyo para sa ating komunidad.

Paalala rin po sa lahat ng residente na inaasahan po namin na kayo ay tutulong sa pagpapanatiling malinis ang ating mga kanal. Iwasan po ang pagtatapon ng basura, damo, MANTIKA, at iba pang bagay na nagiging sanhi ng pagbabara ng daluyan ng tubig.

Pinapaalalahanan din ang mga establisyimento at mga nagluluto na siguraduhing maayos ang pagtatapon ng mantika at iba pang waste materials upang hindi ito mapunta sa mga kanal at makadagdag sa polusyon at pagbabara.

Sama-sama nating panatilihing malinis, maayos, at ligtas ang nagkakaisa at mahal nating Barangay Tres.

27/05/2026

Bukas na aking mahal na mga kabarangay 🧑‍🍳☝🏻

22/05/2026

LASA NI NANAY: COOKFEST 2026

Inaanyayahan po namin ang lahat ng ating mga kabarangay na makiisa at manood sa ating Cookfest para kay Nanay bilang bahagi ng month-long celebration ng Mother’s Day dito sa Barangay Tres!

Tunghayan ang husay at talento sa pagluluto ng ating mga Nanay habang ipinapakita nila ang mga lutong may puso at pagmamahal para sa pamilya.

📅 May 28, 2026
🕗 8:00 AM
📍 Barangay Hall

May masasarap na putahe, saya, at exciting na programa na siguradong inyong mae-enjoy!

Tara na at suportahan natin ang ating mga Nanay — ang tunay na bida ng bawat tahanan!

22/05/2026

🌸💼 𝐒𝐤𝐢𝐥𝐥𝐬 𝐚𝐧𝐝 𝐋𝐢𝐯𝐞𝐥𝐢𝐡𝐨𝐨𝐝 𝐓𝐫𝐚𝐢𝐧𝐢𝐧𝐠 𝐩𝐚𝐫𝐚 𝐤𝐚𝐲 𝐍𝐚𝐧𝐚𝐲 💼🌸

Matagumpay na naisagawa ngayong Mayo 21 ganap na 8:00 AM sa Barangay Hall ang ating ikatlong programang handog para sa buwan ng mga Nanay — ang 𝐒𝐤𝐢𝐥𝐥𝐬 𝐚𝐧𝐝 𝐋𝐢𝐯𝐞𝐥𝐢𝐡𝐨𝐨𝐝 𝐓𝐫𝐚𝐢𝐧𝐢𝐧𝐠 𝐩𝐚𝐫𝐚 𝐤𝐚𝐲 𝐍𝐚𝐧𝐚𝐲. 🍴✨

Ang ating mga kalahok ay natutong gumawa ng siomai, longganisa, at tocino — mga kaalamang maaaring maging dagdag kabuhayan para sa bawat pamilya. ❤️

Taos-pusong pasasalamat kay Mayor Dennis C. Hain sa patuloy na pagsuporta sa mga programang handog para sa ating mga Nanay. Maraming salamat din kay Mr. Christian Bueno at sa buong team ng CCLDO sa walang sawang pagtulong at paghikayat sa ating mga kabarangay na makiisa sa mga programang pangkabuhayan.

Lubos din po ang aming pasasalamat kay Gov. Sol Aragones at sa kanilang mga Trainers sa matiyaga at makabuluhang pagtuturo sa ating mga kabarangay. Gayundin kay Ms. Mitch Virrey at sa kanyang team sa pagpapakilala ng oportunidad upang maging Globe agent at magkaroon ng dagdag kita ang ating mga kabarangay 📱💙

Sa aking Sangguniang Barangay, Sangguniang Kabataan, Barangay Tanod, at mga Kawani ng Opisina — maraming salamat sa inyong dedikasyon at pagtutulungan para sa matagumpay na pagsasagawa ng programang ito. 🙏

At higit sa lahat, sa mahal kong mga Nanay ng Barangay Tres, maraming salamat sa inyong pagdalo, pakikiisa, at patuloy na suporta. Ang mga programang ito ay para sa inyo. 💖

Sama sama para sa nagkakaisang Barangay Tres❤️

16/05/2026

Isang hapon ng pagpapaganda, pagpapahinga, at pagmamahal para kay Nanay!

Matagumpay na naisagawa noong Mayo 14, 2026 sa Barangay Hall ng Barangay Tres ang “Beauty and Self-Care Day para kay Nanay” — ang ikalawang programang handog para sa ating mga nanay.

Nagkaroon ng libreng haircut, hair color, pedicure, at massage upang mabigyan sila ng pagkakataong makapag-relax at magkaroon ng oras para sa kanilang sarili.

Maraming salamat kay Mayor Dennis Hain sa patuloy na suporta sa ating mga programa, kay Ms. Maila Asuncion L. Pampolino para sa pagbabahagi ng educational opportunities mula sa La Salle Taft, at kay Ella Blanco kasama ang kanyang mga stylists para sa kanilang mahusay na serbisyo.

Pasasalamat din sa aking Sangguniang Barangay, Sangguniang Kabataan, Barangay Tanod, at mga kawani ng aming tanggapan sa inyong dedikasyon at suporta.

At higit sa lahat, maraming salamat sa ating mga nanay ng Barangay Tres sa inyong pagdalo at pakikisaya sa programang ito na sadyang inihanda para sa inyo.

Sama-sama sa Nagkakaisang Barangay Tres❤️

Ctto.

11/05/2026

🌸 BEAUTY & SELF-CARE PARA KAY NANAY 🌸

Inaanyayahan po namin ang lahat ng mga Nanay ng Barangay Tres sa ating Beauty & Self-Care Day para kay Nanay na gaganapin sa May 14, 2026 | 4:00 PM sa ating Barangay Hall.

Maranasan ang libreng:
✂️ Haircut
🎨 Hair Color
💅 Pedicure
💆 Massage

Dahil deserve din ni Nanay ang maalagaan at mapaganda!

Kaya tara na mga Nanay, mag-relax, magpaganda, at makisaya kasama ang ating barangay!

Kita-kits sa May 14 dito sa Barangay Hall!