Marinduque Provincial Disaster Risk Reduction and Management Office

Home
Philippines
Capitol
Marinduque Provincial Disaster Risk Reduction and Management Office

PDRRMO MARINDUQUE

01/09/2026

Noong Sabado, Agosto 29, 2026, matagumpay na isinagawa ng PDRRMO Marinduque ang Monthly Saturday Prayer Gathering sa Hinapulan Hills, Boac, Marinduque.

Ang naturang morning prayer ay dinaluhan ng mga pastor mula sa iba’t ibang bahagi ng Lalawigan ng Marinduque, gayundin ang mga kinatawan ng MDRRM Offices ng anim na bayan, mga Barangay Officials ng Barangay Bantay, Barangay Hinapulan, at Barangay Balimbing, mga kawani ng Office of the Mayor – Torrijos, at si Hon. Bertinuz Valencia.

Sa pamamagitan ng sama-samang panalangin, tayo ay nagkaisa upang magpasalamat sa Poong Maykapal sa Kanyang patuloy na paggabay, pagpapala, at pag-iingat, at humingi ng karunungan, lakas, at patnubay sa patuloy nating paglilingkod sa ating mga kababayan.

Ang gawaing ito ay isinagawa sa pangunguna at pamumuno ni Maj. Juan R. Fernandez Jr., PGDH–PDRRMO, bilang bahagi ng patuloy na pagsusulong ng pagkakaisa, pananampalataya, at malasakit sa paglilingkod sa Lalawigan ng Marinduque.

Sama-sama sa panalangin, sama-sama sa paglilingkod. 🙏❤️

27/08/2026

Sa direktiba at atas ng ating minamahal na Gobernador Melecio J. Go, personal na binisita ni MAJ Juan R. Fernandez Jr., katuwang ang OCD MIMAROPA at MDRRMO Buenavista, ang dalawang pamilyang naapektuhan ng sunog sa Barangay Uno, Buenavista, Marinduque.

Tayo ay agarang tumugon sa kanilang pangangailangan, nagpaabot tayo ng 2 OCD Family Packs, Shelter Kits, at iba pang kagamitang pantahanan upang kahit papaano ay makatulong sa kanilang muling pagsisimula , kasama sa pagbibigay ng tulong ang Sangguniang Barangay ng Uno sa pamumuno ni Kap. Christian Peralta .

Sa gitna ng lungkot at pagsubok na dulot ng insidente, nawa’y magsilbing munting liwanag at pag-asa ang tulong na aming naihatid. Hindi man nito kayang burahin ang sakit ng nangyari, hangad naming maramdaman ninyo na hindi kayo nag-iisa at may mga taong handang tumulong at umagapay sa oras ng pangangailangan.

Patuloy tayong magiging katuwang sa pagbangon at magsusulong ng serbisyong may malasakit, may puso, at tunay na para sa bawat Marinduqueño. ❤️

26/08/2026

𝐅𝐀𝐈𝐓𝐇-𝐃𝐑𝐈𝐕𝐄𝐍 𝐀𝐍𝐃 𝐕𝐀𝐋𝐔𝐄𝐒-𝐆𝐔𝐈𝐃𝐄𝐃 𝐖𝐎𝐑𝐊 𝐄𝐓𝐇𝐈𝐂𝐒 𝐒𝐄𝐌𝐈𝐍𝐀𝐑 𝟐𝟎𝟐𝟔

Matagumpay na naisagawa ang Faith-Driven and Values-Guided Work Ethics Seminar 2026 na ginanap sa Marinduque State University, na dinaluhan ng mga empleyado mula sa iba’t ibang departamento ng Kapitolyo ng Lalawigan ng Marinduque kabilang ang Staff, COS, J.O., at mga Department Heads.

Pinangunahan ang makabuluhang aktibidad ng napakahusay na mentor at speaker na si Dr. Leah S. Corpuz, na nagbahagi ng mahahalagang kaalaman at inspirasyon tungkol sa pagkakaroon ng matatag na pagpapahalaga, integridad, at mabuting work ethics sa paglilingkod.

Sa naturang okasyon, nagbigay rin ng mensahe si Maj. Juan R. Fernandez Jr., PGDH-PDRRMO, bilang bahagi ng pagpapalakas ng diwa ng pagkakaisa, pananagutan, at tapat na paglilingkod sa bayan.

Isang matagumpay at makabuluhang seminar tungo sa mas mahusay, mas may pagpapahalaga, at mas responsableng paglilingkod publiko.

Faith. Values. Integrity. Service.

24/08/2026

Sa pagsisimula ng panibagong linggo, sama-sama nating inihahandog sa panalangin ang buong PDRRMO Marinduque ang bawat kawani, responder, staff, at lahat ng katuwang sa pagtupad ng ating tungkulin.

Panginoon, maraming salamat po sa panibagong araw at panibagong pagkakataon upang kami ay makapaglingkod. Gabayan Mo po kami sa bawat gawain na aming haharapin ngayong linggo. Bigyan Mo kami ng karunungan sa bawat desisyon, lakas sa bawat hamon, katatagan sa oras ng sakuna, at malasakit sa bawat kababayan na nangangailangan ng aming tulong.

Nawa’y manatili sa aming puso ang tunay na diwa ng serbisyo, pagkakaisa, disiplina, malasakit, at kahandaan. Sa kabila ng pagod at mga pagsubok, tulungan Mo kaming patuloy na maging matatag at handang tumugon para sa kaligtasan at kapakanan ng ating mga kababayan sa buong lalawigan ng Marinduque.

Pagpalain Mo rin po ang aming mga pamilya na patuloy na nagbibigay sa amin ng lakas at inspirasyon sa aming paglilingkod. Nawa’y maging maayos, ligtas, produktibo, at puno ng biyaya ang buong linggong ito.

Panginoon, Ikaw ang aming gabay sa bawat hakbang, lakas sa bawat pagsubok, at sandigan sa bawat pagkakataon.

🙏 Isang mapagpalang umaga at ligtas, makabuluhan, at mabiyayang linggo para sa buong PDRRMO Marinduque!

“Ang Panginoon ang ating kanlungan at kalakasan, handang tumulong sa panahon ng kagipitan.”
— Awit 46:1

16/08/2026

Symposium on Awareness and Protection Acts for Women and Children | Barangay Lusok

Isinagawa ang isang makabuluhang Symposium on Awareness and Protection Acts for Women and Children sa Barangay Lusok, na naglalayong palawakin ang kaalaman at kamalayan ng mga mamamayan tungkol sa mga batas na nagbibigay-proteksyon sa kababaihan at mga bata.

Bilang bahagi ng programa, inimbitahan bilang isa sa mga tagapagsalita si Maj. Juan R. Fernandez Jr., na nagbahagi ng mahahalagang kaalaman hinggil sa Republic Act No. 9344 o Juvenile Justice and Welfare Act of 2006, kasama ang mga kaugnay na usapin sa proteksyon, karapatan, kapakanan at wastong pagtrato sa mga kabataan.

Sa pamamagitan ng ganitong mga programa, higit na napapalakas ang kamalayan ng bawat pamilya at komunidad tungkol sa kanilang mga responsibilidad sa pag-iwas sa karahasan, pang-aabuso at diskriminasyon, gayundin sa pagtataguyod ng ligtas at mapayapang kapaligiran para sa kababaihan at mga bata.

Ang kaalaman sa batas ay mahalagang hakbang tungo sa isang komunidad na mapagmatyag, responsable at handang tumindig para sa karapatan at kaligtasan ng bawat isa.

Sama-sama nating itaguyod ang proteksyon, dignidad at karapatan ng kababaihan at mga bata.

12/08/2026

Sa atas at direktiba ng ating butihing Ama ng Lalawigan, Governor Melecio J. Go, matagumpay nating naihatid ang tulong sa ating mga kababayan sa Isla ng Mongpong at Isla ng Maniwaya.

Namahagi tayo ng 300 pirasong jerry can with faucet (lagayan ng tubig) sa Isla ng Mongpong, gayundin ng 14 family pack storage boxes na naglalaman ng mga mahahalagang kagamitan sa bahay para sa ating mga kababayan sa Isla ng Maniwaya.

Bagama’t malakas ang alon at naging hamon ang paglalakbay, hindi ito naging hadlang upang maihatid ang tulong sa ating mga kababayan. Sapagkat ang tunay na serbisyo ay hindi nasusukat sa layo ng lugar o hirap ng paglalakbay, basta’t may nangangailangan, tayo ay handang tumugon.

Sa pangunguna ng masipag at dedikadong MAJ JUAN R. FERNANDEZ JR., PGDH, PDRRMO, katuwang ang PEO, OCD, at DOST, patuloy nating isinusulong ang maagap, maayos, at malasakit na serbisyo para sa mamamayan.

Walang alon na mas malakas kaysa sa malasakit. Walang distansyang malayo para sa serbisyong tapat.

10/08/2026

Ngayong araw ay matagumpay na isinagawa ang Basic Life Support (BLS) at Standard First Aid (SFA) Training na pinangunahan ng Provincial Health Office (PHO), katuwang ang Provincial Disaster Risk Reduction and Management Office (PDRRMO) at Philippine Chamber of Commerce and Industry (PCCI). Dinaluhan ito ng mga kawani at staff bilang bahagi ng patuloy na pagpapalawak ng kanilang kaalaman at kasanayan sa pagtugon sa mga emergency at sitwasyong nangangailangan ng agarang first aid at life-saving interventions.

Nagbigay rin ng mensahe si Maj. Juan R. Fernandez Jr., PGDH-PDRRMO, na nagbigay-diin sa kahalagahan ng patuloy na pagsasanay at paghahanda ng bawat kawani upang maging mas mahusay, responsable, at handang tumugon sa anumang uri ng emergency o kalamidad.

Ang ganitong mga pagsasanay ay patunay ng patuloy na pagtutulungan ng iba't ibang tanggapan at organisasyon upang mapalakas ang kapasidad ng mga kawani at maisulong ang isang ligtas, handa, at disaster-resilient na komunidad.

“Sa tamang kaalaman, sapat na kasanayan, at mabilis na pagtugonbawat isa ay maaaring maging katuwang sa pagsagip ng buhay.”

09/08/2026

🇵🇭 MARSU ROTC UNIT | 1ST TRAINING DAY & ORIENTATION PROGRAM

Pinangunahan ni Maj. Juan R. Fernandez Jr., Assistant Commandant, kasama ang buong ROTC Training Staff, ang isinagawang 1st Training Day and Orientation Program ng MARSU ROTC Unit para sa mga bagong cadets at officers.

Sa kanyang mensahe, ipinaliwanag ni Maj. Fernandez ang pinagmulan at kasaysayan ng ROTC, kahalagahan nito sa paghubog ng kabataan, mga legal na panuntunan, at mga benepisyong makukuha sa ilalim ng NSTP-ROTC Program. Binigyang-diin din niya na ang ROTC ay hindi lamang tungkol sa pagsasanay militar, kundi isang mahalagang bahagi ng paghubog sa kabataan tungo sa pagiging disiplinado, responsable, makabayan, maka-Diyos, at makatao.

Ipinabatid din niya sa mga cadets at officers na ang kaalaman ay nagbibigay ng kapangyarihan, ngunit ang mabuting asal at positibong attitude ang nagbibigay ng respeto. Aniya, mahalaga ang disiplina sa sarili sapagkat ito ang pundasyon ng pagiging isang mabuting lider, mamamayan, at tagapagtanggol ng bayan.

Sa pagsisimula ng kanilang pagsasanay, nawa'y magsilbing gabay sa bawat cadet ang mga pagpapahalagang Disiplina, Integridad, Pagmamahal sa Bayan, Paggalang sa Kapwa, at Kahandaang Maglingkod.

“Ang tunay na lakas ay hindi lamang nasusukat sa kakayahan, kundi sa disiplina, karakter, at kahandaang maglingkod sa bayan.”

MARSU ROTC Unit!
Para sa Kabataan. Para sa Bayan. Para sa Kinabukasan.

08/08/2026

𝟓𝟑𝐫𝐝 𝐀𝐧𝐢𝐛𝐞𝐫𝐬𝐚𝐫𝐲𝐨 𝐧𝐠 𝐀𝐥𝐩𝐡𝐚 𝐊𝐚𝐩𝐩𝐚 𝐑𝐡𝐨

Nakiisa at buong-pusong nagbigay ng mensahe ng suporta si Maj. Juan R. Fernandez Jr., PGDH-PDRRMO, sa makabuluhang layunin ng nasabing fraternity na makapaglingkod at makatulong sa mga Marinduqueño.

Binigyang-diin ni Maj. Fernandez ang kahalagahan ng pagkakaisa at pagtutulungan ng iba’t ibang sektor ng lipunan upang mas mapalakas ang mga programa para sa disaster preparedness, response, at iba pang serbisyong makatutulong sa komunidad.

Kaugnay nito, hinimok niya ang pagkakaroon ng Memorandum of Understanding (MOU) sa pagitan ng fraternity at ng Provincial Disaster Risk Reduction and Management Office (PDRRMO) bilang konkretong hakbang tungo sa mas organisado at matibay na pagtutulungan mula sa pagsasagawa ng mga programa, mabilis na pagbibigay ng serbisyo, hanggang sa pagtugon sa mga emergency at pagsagip ng buhay sa panahon ng kalamidad.

Alinsunod din sa adhikain ni Governor Melecio J. “Mel” Go, PDRRMC Chairperson, na higit pang palakasin ang ugnayan at kooperasyon ng pamahalaan at ng iba’t ibang sektor ng komunidad, patuloy na isinusulong ng PDRRMO ang mabilis at maayos na pakikipag-ugnayan sa mga organisasyon at stakeholders.

Sa pamamagitan ng pagkakaisa, malasakit, at sama-samang pagkilos, mas magiging handa ang ating lalawigan sa anumang hamon at mas mapapabilis ang paghahatid ng serbisyo para sa kapakanan at kaligtasan ng bawat Marinduqueño.

“Sa pagkakaisa ng bawat sektor, mas ligtas, mas matatag, at mas maunlad ang Marinduque.” 🇵🇭🤝

07/08/2026

Ngayong araw, isinagawa ang Rescue Olympics 2026 sa Bayan ng Buenavista, kung saan nagtipon ang mga kinatawan mula sa labinlimang (15) barangay upang ipamalas ang kanilang kahandaan, kakayahan, at dedikasyon sa larangan ng Disaster Risk Reduction and Management (DRRM).

Bilang panauhing pandangal, nagbigay ng makabuluhang mensahe si Maj. Juan R. Fernandez Jr., PGDH-PDRRMO, na nagbahagi ng mahahalagang kaalaman at paalala para sa mga DRRM workers at lahat ng kalahok. Binigyang-diin niya ang kahalagahan ng patuloy na pagsasanay, wastong koordinasyon, mabilis na pagtugon, at sama-samang pagkilos sa panahon ng sakuna at iba pang emerhensiya.

Aniya, ang bawat pagsasanay at kompetisyon ay nagsisilbing paghahanda upang higit pang mapahusay ang kakayahan ng ating mga responders sa paglilingkod sa komunidad. Hinikayat din niya ang lahat na ipagpatuloy ang paglinang ng kanilang kaalaman at kasanayan upang maging mas handa sa pagprotekta ng buhay, kabuhayan, at ari-arian ng bawat mamamayan.

Ang Rescue Olympics 2026 ay hindi lamang isang paligsahan, kundi isang makabuluhang hakbang sa pagpapatibay ng kultura ng kahandaan, pagkakaisa, at katatagan ng bawat barangay sa Bayan ng Buenavista.

"Ang kahandaan ay bunga ng patuloy na pagsasanay, at ang tunay na tagumpay ng isang responder ay makikita sa bawat buhay na kanyang napoprotektahan at naililigtas."

Address

Provincial Capitol
Capitol
4900

Telephone

+639682265727

Website

https://web.facebook.com/PDRRMOMarinduqueOfficial

Alerts

Be the first to know and let us send you an email when Marinduque Provincial Disaster Risk Reduction and Management Office posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Marinduque Provincial Disaster Risk Reduction and Management Office:

Want your organization to be the top-listed Government Service in Capitol?