02/11/2025
📣 PUBLIC ADVISORY | MAG-ANDAM KAG MAG ALERTO MGA CARLESANON! 🌧️🌀
Ang Municipal Disaster Risk Reduction and Management Office (MDRRMO) Carles sa pagpanguna ni Mayor Arnold Betita II kag MDRRM Officer Bopeep G. Jacar, naga pahamtang sang alerto bangud sa bag-ong Tropical Cyclone “Tino” nga nagasulod na sa Philippine Area of Responsibility (PAR) subong nga adlaw, Nobyembre 2, 2025.
Suno sa PAGASA, posible ini magdangat sa Eastern Visayas o Caraga sa tunga sang Lunes sa gabi (Nob. 3) tubtob Martes sang aga (Nob. 4) kag maglabay sa Visayas, Northern Sulu Sea, kag Northern Palawan antes maggwa sa West Philippine Sea sa Nob. 5 (Miyerkules).
May posibilidad nga maglapit ini sa Kalayaan Islands.
⚠️ PAGASA Forecast:
• Posible nga magbaskog ini bilang Severe Tropical Storm SA sulod sa 24 oras kag mahimo pa nga mangin bagyo sa Lunes.
• Hangin nga magalab-ot sa 140 km/h ang ginalauman sa pinakakusog nga bahin sang bagyo.
• Posible ang madinalian nga pagbug-at antes sang landfall.
‼️ Gani ginapanawagan sang LGU Carles ang tanan nga:
✅ Mag-monitor permi sang balita kag mga abiso sang MDRRMO kag PAGASA.
✅ Ihanda ang mga kinahanglanon sa balay, tubig, pagkaon, baterya, flashlight kag first aid kit.
✅ Siguraduhon nga luwas ang mga kabataan, katigulangan kag mga pumuluyo sa baybayon kag mabudlay nga lugar.
✅ Magkooperar sa mga otoridad kung may ginapatuman nga pre-emptive evacuation.
Magahiwat man sang Pre-Disaster Risk Assessment (PDRA) Meeting ang LGU Carles buwas, Nobyembre 3, 2025 (Lunes), alas 1 sang hapon sa Municipal Gymnasium para sa pagpatigayon sang mga preparasyon kag koordinasyon.
🤝 Padayon kita nga magbinuligay, maghiliusa, kag magpangamuyo para sa kaluwasan sang aton banwa. 💪🇵🇭
