RBA para sa Progresibong Carranglan

01/06/2026

TRADIONAL FLAG-RAISING CEREMONY

Isinagawa ang Traditional Regular Flag-Raising Ceremony ngayong Lunes, unang araw ng Hunyo, sa Carranglan Municipal Grounds kung saan, ang Assessor’s Office ang On-Deck. Dumalo ang ating Punong Bayan, Mayor Rogelio B. Abad, kasama sina Vice-Mayor Ricardo Manucdoc at SBM Alfie Malagayo.

Nag-ulat naman ang ibang tanggapan tulad ng PESO sa pangunguna ni PESO Manager, Art Jan Allan Pascual, kaniyang inulat ang nakaraang recruitment activity sa kanilang tanggapan, at ang 20 Days Work ng SPES o Special Program for Employment of Students na magsisimula ngayong araw, June 1, 2026.

Nanawagan at nagpaalala naman si MHRM Officer, Ma’a, Leonora Bauto tungkol sa gaganaping aktibidad na isasagawa ng Pag-IBIG sa June 2-3, 2026 na bigyang-pansin ito ng mga kawani ng ating lokal na pamhalaan.

Nag-ulat din si SBM Alfie T. Malagayo tungkol sa kalagayaan ng mga natapos at kasalukuyan mga pagawaing bayan.

At bilang pangwakas, nag-ulat din ang ating Punong Bayan, Mayor Rogelio B. Abad tungkol sa mga nakaraang seminar o pagsasanay na kanyang dinaluhan.

Isinagawa ngayong unang araw ng Hunyo, ang nakagawiang Traditional Regular Flag-Raising Ceremony sa Carranglan Municipal Grounds. Sa gawaing ito, ang Tanggapan ng Tagatasa (Assessor’s Office) ang nakatalaga bilang namamahala o "On-Deck".

Dumalo at nanguna sa nasabing seremonya ang Punong Bayan na si Mayor Rogelio B. Abad, kasama sina Vice-Mayor Ricardo Manucdoc at SBM Alfie T. Malagayo ng Sangguniang Bayan.

Bilang bahagi ng palitan ng impormasyon at ulat, nagbigay ng kanyang ulat ang iba’t ibang tanggapan at kinatawan. Sa pangunguna ni Sir Art Jan Allan Pascual, Tagapamahala ng Tanggapan ng Pampublikong Pagtatrabaho (PESO), ibinahagi niya ang mga naging resulta at detalye ng nakaraang recruitment activity na isinagawa ng kanilang tanggapan. Inanunsyo rin niya ang pagsisimula ngayong araw, Hunyo 1, 2026, ng 20-araw na pagsasanay at pagtatrabaho ng 34 mag-aaral na kolehiyo mula sa iba’t ibang bayan sa ilalim ng Special Program for Employment of Students (SPES).

Samantala, nagbigay naman ng mahalagang paalala at panawagan si Ma’am Leonora DC. Bauto, MHRM Officer. Ipinabatid niya ang gaganaping aktibidad ng Pag-IBIG Fund sa darating na Hunyo 2 hanggang 3, 2026, at hiniling na bigyan ito ng kaukulang pansin at pakikilahok ng lahat ng kawani ng Lokal na Pamahalaan.

Naglahad din ng kanyang ulat si SBM Alfie T. Malagayo na Chairperson on Committee on Infrastructure, kung saan tinalakay niya ang kalagayan, progreso, at katayuan ng mga proyektong bayan na nakatakda, kasalukuyang isinasagawa, at yaong mga natapos na sa ating nasasakupan.

Bilang pagtatapos ng gawain, nagbigay naman ng kanyang ulat at mensahe ang Punong Bayan na si Mayor Rogelio B. Abad. Ibinahagi niya ang mga mahahalagang paksang tinalakay at mga aral na kanyang nakuha mula sa iba’t ibang seminar at pagsasanay na kanyang dinaluhan nitong mga nakaraang araw, na siyang magagamit para sa patuloy na pag-unlad ng ating bayan.

20/05/2026

DISTRIBUTION OF HYBRID AND IN**ED SEEDS (First Batch)

Noong Mayo 19, 2026, matagumpay na isinagawa sa Municipal Agriculture Office ang unang araw ng pamamahagi ng mga Hybrid at In**ed Seeds bilang bahagi ng programa ng Lokal na Pamahalaan sa pangunguna ni Mayor Rogelio B. Abad, na buong husay namang pinangasiwaan ni Mr. Greg Alputan, Municipal Agriculturist, kasama ang kanyang mga kawani

Kasabay ng pagkakaloob ng mga de-kalidad na buto, nagkaroon din ng pormal na paggawad ng kagamitan kung saan nakatanggap ang sampung (10) piling magsasaka ng tig-iisang automatic sprayer.
Ipinagkaloob din ang 2 Units of Power Sprayer sa AMPAI (Anak

Magsasaka Planters Association Inc.) na tinanggap ni Mr. Reynaldo Ramos, Chairman ng nasabing samahan kasama ang ilang miyembro. Ito ay bilang tugon sa kanilang kahilingan na siyang makatutulong upang mapadali ang gawain sa bukirin at mapataas ang antas ng ani at kabuhayan ng ating mga mamamayan.

19/05/2026

PAGGAWAD NG SEAL OF CHILD-FRIENDLY LOCAL GOVERNANCE

Isang dakilang karangalan ang muling natamo ng ating bayan matapos pagkalooban ng Seal of Child-Friendly Local Governance, na opisyal na iginawad sa Tanggapan ng Punong Bayan sa isang simpleng seremonya na ginanap noong May 13, 2026. Ang nasabing pagkilala ay matibay na patunay ng matagumpay na pagpapatupad ng pamahalaan ng mga programa, patakaran, at serbisyo na naglalayong itaguyod ang kapakanan, karapatan, at ligtas na kinabukasan ng bawat bata sa ating komunidad.

Ang plake ng pagkilala ay inihatid at iniabot ni Sir Louie C. Manarpiis, kinatawan ng Department of the Interior and Local Government (DILG-Province).

Bilang kinatawan ng Punong Bayan, Mayor Rogelio B. Abad at ng buong pamahalaang bayan, tinanggap ang parangal nina Ma’am Michelle Julian, (MSWD Officer), kasama si Mrs. Mary B. Abad, (Executive Assistant), at LGOO VI Jovi N. Marquez. Ipinahayag nila ang kanilang taos-pusong pasasalamat sa DILG para sa pagkilalang ito, at binigyang-diin na ang tagumpay ay bunga ng pagtutulungan ng pamahalaan at ng mga mamamayan. Ayon sa kanila, ang parangal na ito ay magsisilbing inspirasyon at hamon upang lalo pang pagbutihin ang paglilingkod at panatilihing prayoridad ang kapakanan ng mga bata sa lahat ng larangan ng pamamahala.

Ang pagtanggap ng selyong ito ay malinaw na patunay na ang Tanggapan ng Punong Bayan ay naninindigan sa kanyang tungkulin na lumikha ng isang komunidad kung saan ang bawat bata ay lumalaki nang maayos, masaya, at may sapat na pagkakataon para sa magandang kinabukasan.

13/05/2026

GULAYAN SA PAMAYANAN

Isang matagumpay na gawain ang isinagawa noong May 12, 2026 mula sa Municipal Agriculture Office sa pamamagitan ng programa ng Gulayan sa Pamayanan for Food Security, na inilunsad at sinusuportahan ng Pamahalaang Lokal sa pangunguna ni Mayor Rogelio Abad. Ang gawaing ito ay nakatuon sa pamamahagi ng iba’t ibang uri ng malusog at matitibay na sibol ng gulay sa mga kinatawan at residente mula sa lahat ng barangay ng ating bayan.

Ang pangunahing layunin ng programa ay mabigyan ng madaling pagkakataon at mapagkukunan ang bawat pamilya na makapagtanim ng sarili nilang mga gulay sa kani-kanilang mga bakuran, bakanteng lupa, o kahit sa maliliit na pasilidad na angkop sa pagtatanim. Sa pamamagitan nito, inaasahang magkakaroon ang bawat mamamayan ng sariwa, ligtas, at masustansyang pagkain na walang halong masasamang kemikal, na makatutulong din upang mapababa ang gastusin sa pang-araw-araw na pangangailangan sa pagkain at mapataas ang antas ng nutrisyon at kalusugan ng bawat pamilya.

Ayon kay Mayor Rogelio Abad, ang proyektong ito ay bahagi ng patuloy na pagsisikap ng pamahalaan na palakasin ang seguridad sa pagkain sa antas ng barangay at pamilya, habang hinihikayat din ang pagkakaisa at kasipagan ng mga mamamayan. Dagdag pa niya, na ang pagtataguyod ng agrikultura sa komunidad ay isa sa pinakamahalagang hakbang tungo sa pag-unlad at katatagan ng ating bayan.

Ang Lokal na Pamahalaan sa pangunguna ni Mayor Rogelio Abad, katuwang ng Municipal Agriculture Office ay patuloy na magsasagawa ng mga katulad na gawain at pagsasanay upang mas lalong mapalawak at mapabuti ang programa ng Gulayan sa Pamayanan for Food Security. Ang tagumpay ng pamamahaging ito ay patunay ng matibay na pakikipagtulungan ng pamahalaan at ng mamamayan tungo sa isang masustansya, masagana, at maunlad na pamayanan.

12/05/2026

ANIMAL DISPERSAL PROGRAM

Isinagawa kahapon, Mayo 11, 2026, ang unang yugto ng Animal Dispersal Program para sa taong 2026 sa pangunguna ng Municipal Veterinary Office ng ating bayan. Ang gawaing ito ay pinangasiwaan ni Dr. Romnick Mariano, ang ating Municipal Veterinarian, kasama ang kanyang mga kawani.

Dumalo at lubos na sinuportahan ang aktibidad ni Punong Bayan, Mayor Rogelio Abad, na personal na sumaksi at namahagi ng mga tulong sa labing-apat (14) na rehistradong asosasyon sa ating nasasakupan. Matatandaang ang nasabing programa ay matagal nang isinasagawa sa ating bayan sa ilalim ng pamumuno ni Mayor Abad, at patuloy itong isinusulong bilang bahagi ng mga hakbang upang mapaunlad ang kabuhayan ng ating mga mamamayan at ang sektor ng paghahayupan.

Naroon din sa aktibidad si Mr. Rhoderick Gray, na nagsilbing Tagapagsalita at siya rin ang tagapagtustos ng mga ipinamahaging manok. Ang mga ibinigay na manok ay kabilang sa lahing Dominant Black of Rhode Island, na kilala bilang matitibay at mahusay na nangingitlog. Bawat asosasyon ay nakatanggap ng 10 pirasong pullets (manok na nagsisimula pa lamang mangitlog) at 2 pirasong cockerels (lalaking manok) upang magamit sa pagpaparami at pagpapatakbo ng kanilang mga alagaan.

Bukod sa mga manok, nagkaloob din si Mayor Abad ng 25 kilong grower pellets o pagkain ng manok para sa bawat samahan, upang masig**o na may sapat na pangangalaga at pagkain ang mga hayop sa kanilang unang mga araw sa pangangalaga ng mga benepisyaryo. Ayon sa pamunuan, inaasahang marami pang susunod na pamamahagi at mga proyektong kaugnay ng Animal Dispersal Program ang isasagawa sa mga darating na buwan bilang bahagi ng pangmatagalang plano para sa pag-unlad ng agrikultura at kabuhayan sa ating bayan.

Bilang karagdagang impormasyon sa publiko, inanunsyo ng Municipal Veterinary Office na regular na isasagawa ang Health Monitoring o pagsusuri sa kalusugan ng lahat ng mga alagaan at produksyon ng hayop sa ating bayan. Layunin nito na masig**o na ang mga karne, itlog, at iba pang produktong hayop na ibinebenta at kinakain ng publiko ay ligtas, malinis, at ligtas sa anumang sakit o impeksyon.

Ang ganitong mga hakbang ay patunay ng patuloy na pagtataguyod ng pamahalaang lokal sa masaganang kabuhayan at ligtas na pagkain para sa bawat pamilya sa ating bayan.

10/05/2026

ISANG MENSAHE PARA SA LAHAT NG MGA DAKILANG INA!
Mother's Day
May 10, 2026.

Sa lahat ng mga ina sa ating bayan, Happy Mother's Day po sa inyo!

Kayo ang ilaw at sandigan ng ating mga tahanan at ng ating komunidad. Ang inyong pagmamahal, sakripisyo, at pag-aaruga ang nagbibigay lakas at pag-asa sa bawat isa sa atin. Walang katumbas na halaga ang inyong serbisyo at pagmamahal na walang hinihintay na kapalit.

Taos-puso po akong nagpapasalamat sa inyong mahalagang ambag sa pagbuo ng matatag at mapagmahal na pamilya, na siyang pundasyon ng ating maunlad na bayan. Nawa’y patuloy kayong pagpalain ng kalakasan, kalusugan, at ligaya.

Muli, Happy Mother's Day po sa inyong lahat!

05/05/2026

Tara na po!

MOBILE ENROLLMENT!

No need to travel, PHINMA AU - San Jose City Campus is coming to our town!

ENROLLMENT is OPEN for incoming 1st-Year College & SHS - S.Y. 2026-2027

When: MAY 5, 2026
Where: Carranglan Municipal Gymnasium
Carranglan, Nueva Ecija
Time: 9:00AM- 3:00PM

Enroll now: https://share.hsforms.com/1FvWz1E5ZTMul0NPFBDg9RQdu1n5

04/05/2026

TRADITIONAL MONDAY FLAG-RAISING CEREMONY

Isinagawa ngayong unang Lunes ng buwan, ika-4 ng Mayo 2026, ang karaniwang Seremonya ng Pagtataas ng Watawat sa ating bayan. Ang taunang gawaing ito ay pinangunahan ng Tanggapan ng Ingat-Yaman ng Bayan, na nagbigay din ng komprehensibong ulat tungkol sa mga nalikom na pondo at kita sa unang tatlong buwan o First Quarter ng kasalukuyang taon.

Dumalo at nakibahagi sa nasabing okasyon ang ating Punong Bayan, Mayor Rogelio B. Abad, Vice-Mayor Ricardo C. Manucdoc; at ang dalawang kasapi ng Sangguniang Bayan na sina SBM Rona DL. Venturina at SBM Joan R. Maglanoc.

Sa kanyang mensahe sa harap ng mga empleyado at mga opisyal ng pamahalaan, ibinahagi ni Mayor Abad ang mahalagang pagbisita ng mga kinatawan mula sa Bureau of Animal Industry noong nakaraang Lunes, na naglalayong palakasin ang sektor ng paghahayupan sa ating lugar.

Binigyang-diin din niya ang kanyang patuloy na pagsisikap na makipag-ugnayan at magsulong ng mga hiling at kinakailangang proyekto sa iba’t ibang pambansang ahensya ng pamahalaan. Bilang bahagi ng layuning ito, dinalaw ng Punong Bayan ang DPWH Nueva Ecija 1st District Engineering Office, ang Office of Civil Defense (Region), at ang Department of Agriculture (Region) noong nakaraang linggo upang tiyakin ang mabilis na pagproseso at pagsasakatuparan ng mga proyektong makabubuti sa ating mga mamamayan.

01/05/2026

MENSAHE NG PAGBATI NG PUNONG BAYAN, MAYOR ROGELIO B. ABAD SA ARAW NG PAGGAWA (LABOR’S DAY)

Sa lahat ng masisipag at magigiting na manggagawa ng ating bayan - maging magsasaka, manggagawa sa opisina, mga g**o, sa ating mga kapulisan, mga kasundaluhan, mga bombero, manggagawa sa kalusugan, mga manggagawa ng iba’t ibang tanggapan at ahensiya maging pribado o publiko, at sa po lahat ng nag-aambag sa pag-unlad ng ating bayan - isang mapagpala at masayang Araw ng Paggawa sa inyong lahat!

Ang inyong pawis, sipag, at tiyaga ang nagsisilbing pundasyon ng ating pag-asenso. Kayo ang tunay na bayani ng ating lipunan dahil sa inyong walang pagod na paglilingkod at pagtatrabaho para sa ikabubuti ng inyong pamilya at ng ating komunidad.

Ang Pamahalaang Lokal ay laging nasa inyong panig at patuloy na susuporta sa inyong kapakanan at karapatan. Hinihikayat ko ang bawat isa na ipagmalaki ang inyong gawa, sapagkat walang mababa o maliit na hanapbuhay kung ito ay ginagawa nang may dangal at katapatan.

Muli, maligayang Araw ng Paggawa! Pagpalain nawa kayo at ang inyong mga pamilya ng Maykapal.

Mayor Rogelio B. Abad
Punong Bayan

01/05/2026

MULING PAGBISITA NI MAYOR ABAD SA OFFICE OF CIVIL DEFENSE (REGIONAL OFFICE)

Noong ika-29 ng Abril, 2026, muling bumisita ang Punong Bayan, Mayor Rogelio B. Abad sa Office of Civil Defense (Regional Office) upang sundan at suriin ang kalagayan ng mga hiling na proyektong inilaan para sa Bayan ng Carranglan.

Kaakibat ng ganitong pagkilos ay ang pormal na pagsusumite ng mga kinakailangang dokumento upang mas mapabilis ang pagproseso at pagsasakatuparan ng nasabing mga kahilingan.

Matatandaan na noong nakaraang taong 2025, matapos ang pagdaan ng mapaminsalang Bagyong Uwan, agad na kumilos at bumisita ang Punong Bayan. Mayor Abad sa iba’t ibang ahensya ng pamahalaan. Ang pangunahing layunin ng mga nasabing pagbisita ay ang paghiling ng mga proyektong makatutulong nang malaki sa pagpigil at pagbabawas ng pinsalang dulot ng pagbaha.

Kabilang sa mga ahensyang binisita ng ating masigasig na Punong Bayan ay ang Office of Civil Defense (Regional Office), kung saan inilatag niya ang mga pangangailangan ng bayan para sa kaligtasan at kapakanan ng mga mamamayan nito.