Atorni Naguib Sinarimbo

08/07/2026

Bismillah! 💙💪🏻

𝗗𝗼𝗺𝗶𝗻𝗮𝗻𝘁 𝗠𝗶𝗻𝗼𝗿𝗶𝘁𝘆 𝗣𝗮𝗿𝘁𝘆 𝘁𝗮𝘆𝗼, 𝗺𝗴𝗮 𝗸𝗮-𝗳𝗲𝗱!

Idineklara tayo ng COMELEC bilang Dominant Minority Party sa ilalim ng Resolution No. 11248. Malaking tagumpay para sa isang partidong nitong Abril lamang inilunsad. May laban tayo at lalaban tayo!

Ang pagiging Dominant Minority Party ay isang mahalagang pagkilala mula sa COMELEC na nagbibigay sa Bangsamoro Federalist Party ng kaparehong mga karapatan at pribilehiyong mayroon ang Dominant Majority Party sa darating na halalang parlyamento ngayong Setyembre 14, 2026. Kabilang dito ang pagtanggap ng electronic election results para sa independent verification, opisyal na mga kopya ng election returns, at iba pang mga mekanismong nagsusulong ng isang malinis, tapat, at transparent na halalan.

07/07/2026

Ballot's out, #4 tayo!

Qadr dahil #4 din ang ating partidong Bangsamoro Federalist Party.

Lagi't lagi, competence at compassion para sa Bangsamoro, !

03/07/2026

#4 Para sa Bangsamoro! 💪🏻💙

Mga KaFed, handa na ang balota! Handa ka na ba?

Huwag kalimutan, #4 BFP Para sa Bangsamoro!

03/07/2026

Abangan bukas!

Mapapanood na natin ang Straight Shot! episode ng PTV kung saan tampok tayo bilang guest kasama si news anchor and host Ms. Vina Araneta. Pag-uusapan ang kauna-unahang BARMM Parliamentary Elections, ang ating buhay-lingkod bayan, mga pananaw sa maayos at moral na pamamahala, pati na rin ang ating simpleng pamumuhay sa likod ng ating tungkulin. Bukas na 'yan sa inyong mga telebisyon, July 4, 2026, 3:30 ng hapon sa PTV.

Mapapanood din sa lahat ng social media outlets ng PTV at PTV Davao. Kita-kits!

01/07/2026

Inimbitahan tayo sa 2nd Regional Peace and Order Council Meeting ngayong araw sa ating kapasidad bilang Chairman ng Committee on Local Government ng Bangsamoro Parliament. Tinalakay sa pagpupulong ang mahahalagang usapin kaugnay ng kapayapaan, kaayusan, at seguridad sa Bangsamoro, kaugnay na rin ng nalalapit na BARMM Parliamentary Elections.

Masaya tayong makasama muli ang mga kasamahan sa iba't ibang ahensya na nakatrabaho natin noong ating termino sa Ministry of the Interior and Local Government. Pinapalakas ng pagpupulong na ito ang koordinasyon at bukas na komunikasyon sa pagitan ng mga ahensya at mga lokal na pamahalaan upang maging mas maagap ang pagtugon sa mga hamon sa kapayapaan at seguridad sa ating rehiyon.

29/06/2026

23/06/2026

𝗚𝗢𝗢𝗗 𝗡𝗘𝗪𝗦!

Assalamu alaykum! Open na po ulit ang ating tanggapan para sa endorsements sa mga pasyenteng nangangailangan mag-avail ng Bangsamoro Health Outreach Program for Everyone (B-HOPE) ng Ministry of Health.

Ano ang mga serbisyong pwedeng i-endorso?
Medical assistance kabilang ang
✅ 𝗵𝗼𝘀𝗽𝗶𝘁𝗮𝗹 𝗯𝗶𝗹𝗹,
✅ 𝗴𝗮𝗺𝗼𝘁, 𝗮𝘁
✅ 𝗹𝗮𝗯𝗼𝗿𝗮𝘁𝗼𝗿𝘆 𝗳𝗲𝗲𝘀

Ano ang mga ospital na covered?
🏥 Notre Dame Hospital and Siena College of Cotabato, Inc.,
🏥 Cotabato Sanitarium and General Hospital sa Sultan Kudarat
🏥 Dr. Ramon Pesante Clinic & Hospital, Inc. sa Libungan, North Cotabato.

Ano ang hindi covered ng assistance program?
🚩 Outside BARMM residency
🚩 Assistive devices
🚩 Burial assistance
🚩 Dialysis treatment

Paano ito maa-avail?
1. Ihanda ang:
📌 Valid ID ng pasyente
📌 Hospital bill o reseta
📌 Medical abstract (para sa hospitalized patient)
📌 Pangalan at contact details ng watcher/requester
2. I-contact si Mr. Nash Mohammad sa 0936 664 1259 (8𝗔𝗠 - 5𝗣𝗠 𝘄𝗲𝗲𝗸𝗱𝗮𝘆𝘀 𝗼𝗻𝗹𝘆)
3. Dalhin ang photocopy ng mga requirements na nabanggit at pumunta sa Office of MP Atty. Naguib Sinarimbo - #9 Corner San Gregorio and San Juan Streets, RH 13, Cotabato City (near Kimpo Elementary School) (8𝗔𝗠 - 5𝗣𝗠 𝘄𝗲𝗲𝗸𝗱𝗮𝘆𝘀 𝗼𝗻𝗹𝘆)
4. Hintayin na maaprubahan ang endorsement (10-15 mins. waiting time)
5. Dalhin and endorsement kasama ang orihinal na kopya ng mga dokumento sa social welfare assistance desk sa ospital at hintayin ang approval.

19/06/2026

Nagpatuloy ngayong araw ang Joint Oversight Hearing ng Committees on Basic, Higher, and Technical Education at Finance, Budget, and Management sa mga isyung kinakaharap ng ating Education Ministry. Nakakalungkot na patuloy din nating natutuklasan ang mga iregularidad sa mga dokumentong ipinipresinta sa komite tungkol sa migration ng mga plantilla positions at mga remittances ng mga employee benefits contributions ng mga g**o.

Tinitingnan natin ang mga isyung ito dahil commitment natin ang bigyang prayoridad ang implementasyon ng mga programang pang-edukasyon sa panahon ng transisyon mula sa defunct Autonomous Region in Muslim Mindanao upang hindi maantala ang pagpapatakbo ng edukasyon sa ating rehiyon. Sa huli, edukasyon ng ating mga kabataan ang nagiging sakripisyo kapag mas inuuna ang pagtatanggol sa pagkakamali kaysa pagtutuwid nito. In sha Allah, tutulong tayo sa paghahanap ng mga kasagutan at solusyon sa mga isyung ito.

Matapos nito, sinilip din ng Joint Committees on Human Settlements and Development at CFBM ang Kapayapaan sa Pamayanan o KAPYANAN project ng Office of the Chief Minister kasama ang mga representante mula sa tanggapan upang makita ang sitwasyon ng implementasyon ng mga pabahay sa iba't ibang bahagi ng ating rehiyon.

Kahapon naman ay nagkaroon ng oversight hearing ang Committee on Public Works kaugnay ng mga isyung idinudulog ng mga concerned constituents sa komite, partikular sa mga proyektong hindi pa natatapos ng Ministry of Public Works and Highways.

Patuloy nating susubaybayan ang mga usaping ito upang magkaroon ng malinaw na larawan sa kalagayan ng implementasyon ng mga programa at proyekto sa iba't ibang sektor. Sa pamamagitan ng mga pagdinig na ito, mas natutukoy natin ang mga isyung nangangailangan ng agarang aksyon at koordinasyon ng mga kinauukulang ahensya.

19/06/2026

PAKINGGAN: Panayam sa atin ng Brigada News Cotabato kahapon, June 18, 2026 hinggil sa mga isyung lumabas sa oversight hearing ng Joint Committees on Basic, Higher, and Technical Education at Finance Budget and Management. Ngayong araw, magpapatuloy ang hearing upang talakayin ang mas malawak pang mga isyung kinasasakdalan ng edukasyon ng ating kabataan.