08/09/2026
๐ฏ๐ฒ๐ง๐ ๐ฅ๐๐๐จ๐๐๐ฅ ๐ฆ๐๐ฆ๐ฆ๐๐ข๐ก ๐ฆ๐ ๐ฆ๐๐ก๐๐๐จ๐ก๐๐๐ก๐ ๐๐๐ฌ๐๐ก ๐ฆ๐ ๐ฆ๐๐ก ๐๐ข๐ฆ๐, ๐ ๐๐๐๐ ๐ฃ๐จ๐ฆ๐ข๐ก๐ ๐๐๐ฃ๐๐๐๐๐๐ฌ๐ข๐ก
Gipahigayon sa Sangguniang Bayan sa San Jose ang 36th Regular Session niadtong September 7, 2026, sa SB Session Hall, Municipal Building, Brgy. Sta. Cruz, San Jose, Dinagat Islands, diin gihisgutan ug giproseso ang nagkalain-laing legislative measures ug mga concern nga may kalabotan sa serbisyo publiko ug kaayohan sa katawhan.
Usa sa mga resolusyon nga giaprobahan sa konseho mao ang proposed resolution ni Hon. Clica Antipolo alang sa pag-adopt sa unified rate of honorarium alang sa mga Child Development Workers sa 12 ka barangay sa San Jose, diin ang honorarium ibase sa length of service sa matag Child Development Worker aron mahimong mas patas ug uniform ang paghatag niini ug mahatagan usab og pag-ila ang ilang dugay nang serbisyo alang sa mga kabataan sa matag barangay.
Giaprobahan usab sa konseho ang resolusyon nga naghangyo sa Department of Health (DOH) alang sa assignment og bag-ong Doctor to the Barrios (DTTB) sa San Jose tungod kay mahuman na sa January 2027 ang termino sa kasamtangang DTTB doctor nga naka-assign sa lungsod, isip kabahin sa pag-atiman sa panginahanglan sa lungsod alang sapadayon nga medical services.
Mitambong sa session si San Jose District Supervisor Elias Durero, uban sa pipila ka school heads, aron ipahibalo ang umaabot nga pag-apil sa San Jose District sa Dinagat Islands Provincial Athletic Meet nga pagahimuon sa Libjo karong September 18, 2026, diin mokabat sa 350 ka delegates gikan sa San Jose ang gilauman nga moapil nga gilangkuban sa 260 ka athletes, 60 ka trainers, ug 30 ka teachers, samtang nanghangyo ang grupo og suporta, cash man o in kind, alang sa mga panginahanglanon sa San Jose contingent.
Adunay gi-allocate nga pondo ang lungsod gikan sa School Board Fund, ubos sa pagpanguna ni Mayor Ruben JโKkingโ D. Zuniega, alang sa mga panginahanglanon sa San Jose contingent, samtang ang mga miyembro sa Sangguniang Bayan mipledge og personal contributions nga mokabat sa โฑ20,000, ang Benford Gas Station mipledge og 10 gallons nga gasolina, si Vice Mayor ug SB Member Portullano mipasalig usab og gasolina alang sa mga sakyanan nga gamiton sa paghatod ug pagkuha sa mga atleta ug delegates, ug si Liga President Hon. Lovely Bacolod misaad nga iyang i-coordinate ang mga barangay nga adunay service vehicles aron magamit sa transportasyon sa contingent.
Gihisgutan usab sa session ang hangyo alang sa free fare alang sa dialysis ugchemotherapy patients, lakip ang usa ka chaperon matag schedule sa ilang treatment, diin misugot sa maong hangyo ang MPC Island Navigators, Vince Gabriel, ug Go Rainbow, samtang ang Viels Liner miuyon sa pagkakaron nga libre ang pamasahe sa pasyente apan wala pa maapil ang chaperon ug misaad ang ilang representante nga ipasaka sa tag-iya ang maong hangyo, lakip ang sugyot ni SB Member Clica Antipolo nga mahimong ikonsiderar ang 50% discount alang sa chaperon kung dili mahimo ang full free fare.
Gihangyo usab sa representante sa Viels Liner ang lungsod nga maghimo og uniform nga protocol aron parehas ang sistema sa pag-apply ug pagpatuman sa maong programa sa tanang boat operators, ilabina alang sa mga pasyenteng regular nga mobiyahe alang sa dialysis ug chemotherapy treatment.
Usa pa ka concern nga gihisgutan mao ang kaluwasan sa tubig nga gigamit sa mga residente, diin gipahibalo ni Hon. Clica Antipolo nga ang Rural Health Unit, pinaagi sa Municipal Sanitary Inspector, nagsugod na sa water testing sa mga atabay nga gigamit sa mga residente sa San Jose aron masusi ang kalidad sa tubig ug maseguro nga kini luwas ug angay gamiton ug imnon sa katawhan.
Gipangunahan ni Vice Mayor Rechard T. Pasquil ang maong session, kauban sila SB Clica C. Antipolo, SB Felix Q. Portullano, SB Papias A. Tuquib, SB Renford F. Ho, SB Julmore T. Pesito, SB Allan II B. Ecleo, Liga President Hon. Lovely Fe Bacolod, ug SB Reubenne B. Ecleo, samtang wala makatambong si SB Ludwig B. Ecleo tungod kay naka-special leave ug si SK Federation President Kim Tampon, LPT, anaa sa official travel.
Nagpadayon ang mga miyembro sa Sangguniang Bayan sa paghisgot ug pagproseso sa mga butang nga may kalabotan sa lokal nga pangagamhanan ug sa kaayohan sa katawhan sa San Jose.
