01/08/2025
ORIENTATION REGARDING HOMEOWNERS ASSOCIATION REGISTRATION
Ang Department of Human Settlement and Urban Development (DHSUD) Region V, sa pangunguna ni EnP. Marion A. Almonte, katuwang ang mga kawani mula sa Provincial Planning and Development Office – Housing and Homesite Regulation Division ng Provincial Government ng Camarines Norte, ay nagsagawa ng oryentasyon hinggil sa proseso ng pagrerehistro ng Homeowners Association. Ang nasabing aktibidad ay matagumpay na isinagawa noong ika- 23 ng Abril, 2025 sa Barangay Catandunganon, Mercedes at Barangay San Pascual, Basud at noong ika- 24 ng Abril, 2025 naman sa Barangay Mampurog, San Lorenzo Ruiz, Barangay Pinagwarasan, Basud at Barangay Dalnac, Paracale.
Layunin ng oryentasyong ito na mabigyan ng sapat na kaalaman ang mga miyembro ng samahan ukol sa mga hakbang at mga dokumentong kinakailangan sa pagrerehistro. Kasabay nito, ipinaliwanag din ang mga regulasyon at patakaran ng DHSUD, pati na rin ang mga karapatan at kapangyarihan ng isang Homeowners Association.
Patuloy ang pag-oorganisa ng oryentasyon sa iba pang barangay na pinagkalooban ng lupa ng Pamahalaan ng Camarines Norte upang opisyal na mairehistro ang kanilang Asosasyon.
