18/08/2026
π©π ππ©π¬ | π£ππ-ππππππ π
π ππ πππ¦ππ¦π¬π’π‘ π¦π ππ’π‘π¦πππ’, π£ππ₯π π¦π πππππ ππ¨ππ‘ π¨π ππππ¬π’πππ‘ π¦π π ππ πππ‘ππͺππ‘π’π‘.
Unsa may nahitabo sa atong City Council sa 53rd Regular Session sa 18th Sangguniang Panlungsod ug unsaon niini pag-abot ang serbisyo ngadto sa matag Pamilyang Danawanon?
Sa matag ordinansa ug resolusyon nga atong gipasa, atong tan-awon dili lamang ang legal nga probisyon, kundili ang oportunidad nga mahimo niini alang sa atong katawhan.
Lakip sa mga importanteng lakang nga atong giaprobahan:
Mas lig-on nga suporta alang sa panginabuhian ug negosyo.
Gipasar ang ordinansa nga nagpalig-on ug nag-institutionalize sa Danao City Livelihood and Enterprise Development Office (DC-LEDO) isip mas lig-on nga mekanismo sa pagpalambo sa livelihood, entrepreneurship, ug economic empowerment programs sa Dakbayan.
Gipasar usab ang ordinansa nga nag-institutionalize sa Danao Artisan Accreditation and Certification Program (DAACP) ug nagmugna sa Danao Council for Crafts and Folk Arts, lakip ang pagkilala sa mga Certified Master Artisan of the Pamikpikay Tradition.
Kay ang atong lokal nga kahanas, talento, ug tradisyon dili lamang atong panalipdan, atong himuong oportunidad alang sa panginabuhian ug kaugmaon.
Mas responsable ug kalidad nga tourism industry.
Giamendar ang lokal nga polisiya nga nag-require sa tourism-related enterprises nga makakuha og Department of Tourism accreditation isip kabahin sa proseso sa pag-isyu o pag-renew sa ilang business permits.
Pinaagi niini, atong gipalig-on ang kalidad, standards, ug accountability sa mga tourism establishments sa Danao.
Mas luwas ug mas responsable nga komunidad.
Gihatagan usab og pagtagad sa Konseho ang food safety compliance pinaagi sa pagpalig-on sa mga lokal nga lakang ug suporta alang sa mas luwas nga pagkaon ug mas responsable nga mga negosyo.
Gipasiugda usab ang mas lig-on nga public health interventions ug protection programs kabahin sa HIV prevention, awareness, ug response, ilabi na alang sa atong mga kabataan ug vulnerable sectors.
Tabang batok sa kagutom, mas duol sa mga nanginahanglan.
Gihatagan og authority si Mayor Nito Durano III aron makasulod sa kasabutan uban sa DSWD Field Office VII alang sa βWalang Gutom 2027: Food Stamp Program,β nga nagtumong sa paghatag og dugang suporta sa mga pamilyang nanginahanglan og food assistance.
Mas sayon nga transaksyon ug serbisyo sa gobyerno.
Gisuportahan usab ang information dissemination sa Zero LandBank Transaction Fees alang sa Person-to-Government payments gamit ang QRPh ug LandBank/OFBank accounts pinaagi sa LandBank Link.BizPortal, nga epektibo hangtod Disyembre 31, 2026.
Atong gihatagan og authority ang City Government alang sa pakigtambayayong sa Philippine Statistics Authority (PSA) alang sa PhilCRIS ug Birth Registration Assistance Projectβmga programa nga makatabang sa pagpalig-on sa civil registration services ug pagtabang sa mga lungsoranon sa ilang mga dokumento sa pagkatawo.
Mas lig-on nga serbisyo sa atong mga komunidad.
Gihatagan usab og authority ang City Government sa pag-enter into contract uban sa CEBECO II alang sa suplay sa kuryente sa Sandayong Norte Pumping Station, nga importante sa padayon nga operasyon sa maong pasilidad.
Kay ang trabaho sa Konseho dili lang kutob sa pagpasa og ordinansa ug resolusyon.
Ang atong lehislasyon usa ka paagi sa pag-abli og oportunidad, pagpanalipod sa katawhan, pagpalig-on sa mga serbisyo, ug pagtukod og mga polisiya nga adunay tinuod nga epekto sa kinabuhi sa matag Danawanon.
Padayon ta sa usa ka lehislasyon nga adunay tumong, direksyon, ug serbisyo nga mabati sa katawhan.
