04/01/2026
Una sa tanan, mapasalamaton kaayo kami sa Labaw nga Makagagahom sa Iyang walay hunong nga panalipod ug giya sa among duha ka tuig nga pagpanerbisyo. Tungod sa Iyang grasya, nakapadayon kami bisan pa sa mga hagit ug kalisdanan nga among giatubang isip mga responder.
Ikaduha, dako usab among pasalamat sa Barangay Council, nga gipangulohan ni Kapitan Mark Malaya O. Peregrino, kauban si BDRRMC Officer Kag. Aldrin Macarayo ug SK Chairman John Robert Lacida, ug sa tanang Sanggunian Members, sa walay puas nga suporta ug pagsalig kanamo. Kanunay kamo anaa aron maminaw sa among mga mulo, mogiya kanamo, ug maghatag og bililhong mga tambag ug kaalam nga dako kaayong tabang sa among organisasyon.
Ug ikatulo, sa akong mga kauban nga BORES Responders—daghang salamat sa inyong dedikasyon, sakripisyo, ug tinuoray nga serbisyo. Padayon lang sa inyong pasyon sa pagtabang sa isigkatawo, ug magpabiling mapainubsanon ug andam kanunay nga makat-on. Kamo ang kusog ug kasingkasing sa BORES.
Sa tanan usab nga mga sponsors ug supporters (dili na ma isa-isa sakadaghan 😇) nga nagpaabot sa ilang tabang ug suporta, daghang salamat sa pagpakig-uban ug sa pagpakita sa inyong pagsalig kanamo. Dako kaayo ang inyong bahin sa kalampusan sa among pag-saulog sa among ika-duha nga anibersaryo.
Sa duha ka tuig nga serbisyo, ug sa daghang tuig pa nga umaabot, padayon ang BORES sa tinuoray nga pagserbisyo alang sa komunidad sa Barangay Bago Oshiro.
Daghang salamat ug Mabuhay ang BORES! 🦅
