Municipality of Sawata

05/08/2026

𝗦𝗕𝗗𝗣 𝗚𝗥𝗢𝗨𝗡𝗗𝗕𝗥𝗘𝗔𝗞𝗜𝗡𝗚 𝗖𝗘𝗥𝗘𝗠𝗢𝗡𝗬 | 𝗥𝗲𝗵𝗮𝗯𝗶𝗹𝗶𝘁𝗮𝘁𝗶𝗼𝗻/𝗜𝗺𝗽𝗿𝗼𝘃𝗲𝗺𝗲𝗻𝘁 𝗼𝗳 𝗟𝗲𝘃𝗲𝗹 𝗜𝗜𝗜 𝗪𝗮𝘁𝗲𝗿 𝗦𝘆𝘀𝘁𝗲𝗺

Usa na usab ka mahinungdanong lakang padulong sa mas lig-on ug mas maayong kaugmaon sa Barangay Libuton ang malampusong Groundbreaking Ceremony alang sa 𝗥𝗲𝗵𝗮𝗯𝗶𝗹𝗶𝘁𝗮𝘁𝗶𝗼𝗻/𝗜𝗺𝗽𝗿𝗼𝘃𝗲𝗺𝗲𝗻𝘁 𝗼𝗳 𝘁𝗵𝗲 𝗟𝗲𝘃𝗲𝗹 𝗜𝗜𝗜 𝗪𝗮𝘁𝗲𝗿 𝗦𝘆𝘀𝘁𝗲𝗺 ubos sa 𝗦𝘂𝗽𝗽𝗼𝗿𝘁 𝘁𝗼 𝘁𝗵𝗲 𝗕𝗮𝗿𝗮𝗻𝗴𝗮𝘆 𝗗𝗲𝘃𝗲𝗹𝗼𝗽𝗺𝗲𝗻𝘁 𝗣𝗿𝗼𝗴𝗿𝗮𝗺 (𝗦𝗕𝗗𝗣).

Kini nga proyekto nagpakita sa padayon nga paningkamot sa gobyerno sa paghatag og luwas, limpyo, ug kasaligan nga suplay sa tubig alang sa matag panimalay. Pinaagi niini, mas mapalambo ang kahimtang sa panglawas, sanitasyon, ug kalidad sa kinabuhi sa mga lumulupyo sa barangay.

Mitambong sa maong kalihokan si Municipal Mayor 𝗦𝗶𝗹𝘃𝗮𝗻𝗼 “𝗣𝗮𝗽𝗮 𝗕𝗮𝗻𝗼𝘁” 𝗚𝗮𝗷𝗲, kauban ang mga miyembro sa Sangguniang Bayan nga sila 𝗛𝗼𝗻. 𝗕𝗮𝗹𝘁𝗮𝘇𝗮𝗿 𝗟. 𝗖𝘂𝘆𝗼𝘀, 𝗛𝗼𝗻. 𝗗𝗮𝗶𝘀𝘆 𝗣. 𝗟𝗹𝗲𝘃𝗮𝗱𝗼, 𝘂𝗴 𝗛𝗼𝗻. 𝗥𝗼𝘀𝗲𝗺𝗮𝗿𝗶𝗲 𝗥. 𝗕𝗶𝗲𝗿𝗻𝗲𝘀. Bisan wala makatambong si Vice Mayor 𝗝𝗮𝗰𝗶𝗻𝗶𝘀𝘀𝗮 𝗖. 𝗕𝗶𝗻𝗮𝘀𝗯𝗮𝘀 ug ubang mga konsehal tungod sa laing opisyal nga katungdanan alang sa kalambuan sa Lungsod sa Sawata, ilang gipadayag ang ilang bug-os nga suporta sa maong proyekto.

Naa usab sa maong kalihokan ang Municipal Engineering Office, ubos sa pagpangulo ni Ma. Cristina B. Ayucan, CE, MPA, nga maoy nagdumala sa teknikal nga aspeto ug nagpakita sa ilang padayon nga dedikasyon aron masiguro ang hapsay ug episyenteng pagpatuman sa maong proyekto.

Kabahin usab sa programa si Barangay Captain Rodel Impas, kauban ang mga opesyales sa Barangay, gipahigayon usab ang pagpanalangin isip timaan sa maayong pagsugod sa proyekto.

Dako ang among pagpasalamat sa Department of the Interior and Local Government (DILG) alang sa paghatag niini nga proyekto pinaagi sa Support to the Barangay Development Program (SBDP). Dakong pasalamat usab kang 1st District Congressman De Carlo “Oyo” Uy sa iyang padayon nga paningkamot aron madala ang mga proyekto sa matag barangay, nga maghatag og dugang kalamboan ug mas maayong serbisyo alang sa katawhan.

𝙋𝙖𝙙𝙖𝙮𝙤𝙣 𝙖𝙣𝙜 𝙥𝙖𝙣𝙖𝙜𝙝𝙞𝙪𝙨𝙖 𝙖𝙡𝙖𝙣𝙜 𝙨𝙖 𝙢𝙖𝙨 𝙡𝙞𝙜-𝙤𝙣 𝙣𝙜𝙖 𝙞𝙢𝙥𝙧𝙖𝙨𝙩𝙧𝙖𝙠𝙩𝙪𝙧𝙖, 𝙢𝙖𝙨 𝙢𝙖𝙖𝙮𝙤𝙣𝙜 𝙨𝙚𝙧𝙗𝙞𝙨𝙮𝙤, 𝙪𝙜 𝙢𝙖𝙨 𝙢𝙖𝙪𝙨𝙬𝙖𝙜𝙤𝙣 𝙣𝙜𝙖 𝘽𝙖𝙧𝙖𝙣𝙜𝙖𝙮 𝙇𝙞𝙗𝙪𝙩𝙤𝙣 𝙪𝙜 𝙇𝙪𝙣𝙜𝙨𝙤𝙙 𝙨𝙖 𝙎𝙖𝙬𝙖𝙩𝙖.

05/08/2026

𝐏𝐀𝐇𝐈𝐁𝐀𝐋𝐎 𝐊𝐀𝐓𝐀𝐖𝐇𝐀𝐍 𝐒𝐀 𝐋𝐔𝐍𝐆𝐒𝐎𝐃 𝐒𝐀 𝐒𝐀𝐖𝐀𝐓𝐀 || 𝐋𝐈𝐁𝐑𝐄𝐍𝐆 𝐒𝐄𝐑𝐁𝐈𝐒𝐘𝐎 𝐋𝐄𝐆𝐀𝐋

Gipahibalo ang tanang katawhan nga adunay Libreng Serbisyo Legal ug Notaryo nga ipahigayon ugmang adlawa.

🗓 Huwebes, Agusto 6, 2026.
📍 Dinhi sa Munisipyo sa Sawata.

Kini nga kalihokan hatod kanato sa atong lokal nga panggamhanan, ubos sa pagpanguna sa atong matinabangong Mayor Silvano “Papa Banot” Gaje.

Ang maong serbisyo kabahin sa padayon nga paningkamot sa atong lokal nga panggamhanan sa paghatod og tinuoray, matinud-anon, ug episyenteng serbisyo publiko alang sa katawhan sa lungsod sa Sawata. Open kini alang sa tanang residente nga nanginahanglan og legal nga tambag o tabang may kalabutan sa ilang mga personal nga isyu ug kabalaka.

📣 Giawhag ang tanan nga moadto ug mo-avail sa maong libreng serbisyo.

02/08/2026

29/07/2026

📣𝗣𝗔𝗛𝗜𝗕𝗔𝗟𝗢

Gipahibalo ang tanang katawhan nga walay abogado nga mo-duty ugmang adlawa, Hulyo 30, 2026 (Huwebes), sa Munisipyo sa Sawata tungod sa usa ka importante nga lakaw.

Ang tanan ginahangyo nga maghulat lamang sa mosunod nga pahibalo alang sa bag-ong iskedyul sa pagpadayon sa maong serbisyo.

Daghang salamat sa inyong pagsabot ug padayon nga kooperasyon.

29/07/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐌𝐚𝐲𝐨𝐫 𝐒𝐢𝐥𝐯𝐚𝐧𝐨 "𝐏𝐚𝐩𝐚 𝐁𝐚𝐧𝐨𝐭" 𝐆𝐚𝐣𝐞!

Sa ngalan sa tanang mga empleyado sa Municipality of Sawata, among ipadayag ang among kinasingkasing nga pagpasalamat ug paghangyo sa Ginoo nga panalanginan paka sa maayong panglawas, kusog, kalipay, ug dugayng kinabuhi. Daghang salamat sa imong matinud-anong pagpangulo ug walay hunong nga pag-alagad sa katawhan.

Hinaut nga ang Ginoo magpadayon sa pagbubo sa iyang daghang panalangin kanimo ug sa imong pamilya, ug giya-an ka sa tanang desisyon aron magmalampuson pa ang imong pag-alagad alang sa katawhan.

𝙈𝙖𝙡𝙞𝙥𝙖𝙮𝙤𝙣𝙜 𝘼𝙙𝙡𝙖𝙬 𝙣𝙜𝙖 𝙉𝙖𝙩𝙖𝙬𝙝𝙖𝙣, 𝙈𝙖𝙮𝙤𝙧! 🎉

29/07/2026

𝐏𝐀𝐇𝐈𝐁𝐀𝐋𝐎 𝐒𝐀 𝐊𝐀𝐓𝐀𝐖𝐇𝐀𝐍 𝐒𝐀 𝐋𝐔𝐍𝐆𝐒𝐎𝐃 𝐒𝐀 𝐒𝐀WATA|| 𝐋𝐈𝐁𝐑𝐄𝐍𝐆 𝐒𝐄𝐑𝐁𝐈𝐒𝐘𝐎 𝐋𝐄𝐆𝐀𝐋 ⚖️

Ania karon sa atong Munisipyo ang Attorney gikan sa Public Attorney’s Office (PAO) aron mohatag og libreng legal nga tambag ug serbisyo sa atong mga katawhan sa lungsod. Kini nga kalihokan gipasiugdahan uban sa suporta sa atong matinabangong 𝑴𝒂𝒚𝒐𝒓 𝑺𝒊𝒍𝒗𝒂𝒏𝒐 "𝑷𝒂𝒑𝒂 𝑩𝒂𝒏𝒐𝒕" 𝑮𝒂𝒋𝒆.

Gidapit ang tanang residente nga adunay panginahanglan sa legal nga tambag o konsultasyon nga mubisita sa Munisipyo samtang nagpadayon pa ang libreng serbisyong legal karong adlawa.