03/06/2021
Kitang tanan apektado niining COVID-19 sa lain-laing pamaagi ug ang-ang sa kalisod. Tungod niini, ang UNDP Philippines, MinDA ug SERDEF naninguha nga makakuha og igo nga mga kasayoran mahitungod sa inyong kahimtang, sa kung gi-unsa pag-usab sa Covid-19 pandemic ang inyong pamuyo, pagpanarbaho o pagpanginabuhi, relasyon sa mga sakop sa panimalay ug sa katilingban, pagbati og kasiguruhan ug kalinaw sa inyong katilingban, pagsalig sa pangagamhanan, ug pagbati mahitungod sa bakuna batok Covid-19. Mahinungdanon ang inyong tubag sa mga pangutana niining pagsusi tungod kay dinhi magsumikad ang mga sukaran sa pagmugna og masonongon nga mga polisiya ug programa sa goberno ug sa pagpalambo sa pagpanerbisyo niini sa katawhan.
Kung ikaw o imong kaila, kauban sa trabaho, paryente, silingan o higala nawad-on og trabaho o patigayon, o kaha mikunhod ang kinitaan tungod niining Covid-19 pandemic, o kaha usa sa mga gipapauli nga land-based o sea-based OFWs tungod kay nanirado ang gisudlang kompanya, o kaha adunay lawasnong kabilinggan, gidapit kamo sa pagtubag niini nga pagsusi. Among gipasalig ang hingpit nga pagka-pribado sa mga kasayoran nga inyong ipaambit.
I-click ang link aron masugdan ang pagtubag: bit.ly/SEIAMindanao2021.
