05/03/2026
Malampusong gipahigayon karong adlawa, Marso 5, 2026, ang Job Fair nga nagtumong sa paghatag og mas daghang oportunidad sa trabaho alang sa mga job seekers sa komunidad. Daghang mga aplikante ang mitambong aron mangita og posibleng trabaho ug makigkita direkta sa mga nagkadaiyang kompanya ug ahensya.
Gisugdan ang programa pinaagi sa Words of Welcome ni Myrlinda J. Navarrete, nga nagpasalamat sa tanang mitambong ug nagpakita sa suporta sa maong kalihokan alang sa kaayohan sa mga nanginahanglan og trabaho.
Naghatag usab og mensahe si Mayor Ruben J. D. Zuniega, nga nagpasiugda sa padayon nga paningkamot sa lokal nga pamahalaan sa paghatag og oportunidad sa trabaho sa katawhan.
Misunod ang mensahe ni Engr. John Ritche A. Tangpos, Supervising LEO / FO Head, nga naghisgot sa kahinungdanon sa job fair isip tulay sa mga employer ug sa mga nangitag trabaho.
Nagpahayag usab og suporta si Lucia P. Galabo, Provincial PESO, nga nag-awhag sa mga aplikante nga gamiton ang maong higayon aron makakita og maayong trabaho.
Usab, naghatag og mensahe si Kim J. Navarrete, Family Welfare Officer gikan sa OWWA, nga nagpaambit sa mga programa ug serbisyo nga gitanyag sa ahensya alang sa mga OFWs ug ilang mga pamilya.
Ang maong kalihokan usa ka dakong tabang sa komunidad tungod kay naghatag kini og paglaum ug oportunidad sa mga nangita og trabaho.
