Ppmiu-PDI

29/07/2026

17/07/2026

14/05/2026

DA-PRDP SUBPROJECT ILALOM SA IREAP NGA NON-OPERATIONAL, GISUBAY SA PPMIU-PDI

Sulat ni: Lorense Mae Nidea
Kuha ni: Wrights Casiano

PIO DINAGAT ISLANDS - Agi'g pagsubay sa usa ka project sa Department of Agriculture-Philippine Rural Development Project (DA-PRDP) ilalom sa Investment in Rural Enterprises and Agriculture and Fisheries Productivity (I-REAP) component sa giilang Non-Operational Subproject nga "Input Provision for Cardava Production and Cardava Marketing" nga nahimutang ngadto sa Brgy. General Aguinaldo, Libjo, Dinagat Islands, personal nga gibisita ug nagpagihayon og panagpulong ang Provincial Project Manangement and Implementing Unit (PPMIU) sa pagpanguna ni PPMIU Head/Provincial Agriculturist Rico B. Galinato, MPA kauban ang proponent group nga General Aguinaldo Farmers Association (GAFA).

Tumong niini makonsulta ang mismong asosasyon sa hinungdan nga wala na nag-operate ang mismong project ug madungog mismo ang ilang mga yangongo sa pagpadagan niini. Lakip niini ang pagpasabot kanila sa mga requirement o mga kinahanglang dokumento i-submit.
Basi sa monitoring nga napahigayon sa Regional Project Coordination Office (RPCO) nasayran nilang at least unom (6) na ka bulan nga non-operational ang mismong project diin basi usab sa Implementing Management Agreement o MIA 7.06 ug EA 8.08 nga ang proponent group gikinahanglan i-operate, i-mintinar ang pasilidad ug ekwepo nga gihatag ilalom sa subproject sulod sa napulo (10) katuig gikan sa pagkahuman sa maong project kun dili man posible kining materminate.

Nasayran usab nga ang maong project sa PRDP-IREAP nga nagkantidad og 4,794,223.45 milyones nahuman niadtong tuig 2019 ug sa pagkakaron anaa palang kini sa pito (7) katuig nga nag-operate diin wala niini nasunod ang nahimong kasabutan sa IMA, ingon man andam mu assess probinsya pinaagi sa PPMIU sa mga gikinahanglan alang sa pagrecover sa maong proyekto.

“Padayon para sa Dinagatnon.”

07/05/2026

JOINT TECHNICAL REVIEW GISUGDAN PARA SA PRDP SUB-PROJECT 3 SA DINAGAT ISLANDS‎
‎‎Sulat ni: Lorense Mae Nidea/
‎ ‎
PIO DINAGAT ISLANDS - Alang sa paghan-ay sa mga gikinahanglang dukomento sa maong proyekto, gisugdan ang Joint Technical Review alang sa PRDP Sub-Project 3 sa Probinsya sa Dinagat Islands karong adlaw'g, Martes, Mayo 5 hangtod Mayo 8, 2026 sa DTI Conference Room, Sta. Cruz, San Jose. ‎
‎Ang maong kalihukan gipangunahan sa Regional Project Coordination Office (RPCO) sa pagpangulo ni Deputy Project Director Engr. Rene Q. Morales kauban ang suporta sa Provincial Government pinaagi sa Provincial Project Management Implementation Unit (PPMIU) uban usab ang nagkalain-laing technical components sama sa GGU, SES, ECON, IBuild ug uban pa, kini ilalom sa Departament of Agriculture - Philippine Rural Development Project (DA-PRDP) ‎
‎Ang maong technical review nagtumong sa pagrepaso sa mga dokumentaryong rekisitos alang sa sub-project nga Concreting of Brgy. Laguna (Upper, Cagdianao) – Brgy. Justiniana Edera (Dinagat) Farm-to-Market Road (FMR) nga adunay sukod nga 3.14 km ug Project cost nga 109,872,000 milyones. Kini nga proyekto gilauman nga makapaayo sa transportasyon sa mga produkto sa uma padulong sa merkado, ug makapalambo sa panginabuhian sa mga mag-uuma sa maong lugar.

“Padayon para sa Dinagatnon.”

07/05/2026

PRDP JOINT TECHNICAL REVIEW DAY 2, PADAYONG MIARANGKADA
‎
‎Sulat ni: Lorense Mae Nidea
‎Kuha ni: Wrights Casiano
‎
‎PIO DINAGAT ISLANDS - Padayong miarangkada ang Regional Project Coordination Office (RPCO) Team kauban ang PPMIU Components sa gipahigayong Joint Technical Review sa Sub-Project 3 nga Concreting of Brgy. Laguna (Upper, Cagdianao) – Brgy. Justiniana Edera (Dinagat) Farm-to-Market Road (FMR)
‎
‎Usa sa ilang nahimong lakang karon mao ang mismong pagsusi sa project site diin tumong nilang personal nga makita ang mga existing commodities sa lugar ug posibleng makatabang ug mapahimuslan sa mga mag-uuma ang proyektong pagsemento sa dalan pinaagi sa pagpalambo sa mga agricultural crops sa probinsya.
‎
‎Sakop niini nga proyekto ang pipila ka mga barangay sa munisipyo sa Cagdianao sama sa Nueva Estrella, Sta. Rita, Laguna, Del Pilar, San Jose, R. Ecleo, Mataas ug sa munisipyo sa Dinagat sama sa Justiniana Edera, Wadas, Magsaysay ug Cayetano
‎
‎Lakip usab sa ilang target nga mapadali ang mga gikinahanglang dokumento aron makuha ug maangkod ang proposed budget sa maong proyekto.

“Padayon para sa Dinagatnon.”

01/05/2026

CONSULTATIVE MEETING SA PRDP SCALE-UP PROJECT, GIPANGUNAHAN SA I-REAP COMPONENT
‎ ‎
Sulat ni: Lorense Mae Nidea/ ‎Kuha ni: Wrights Casiano ‎

‎PIO DINAGAT ISLANDS – Aron mapalambo ang kahibalo sa LGUs ug stakeholders para mas mapadali ang husto nga pagplano ug implementasyon sa mga proyekto nga makabenepisyo sa katawhan sa Dinagat Islands, malampusong gipahigayon ang Consultative Meeting with Project Implementers and Stakeholders re: PRDP Scale-Up Project Generation and Implementation kagahapong adlawa, Abril 30, 2026 sa Langit Sweet Food Products and Catering Services, San Jose Dinagat Islands. ‎ ‎Ang maong kalihukan gipangunahan sa Department of Agriculture – Regional Project Coordination Office XIII, uban ang partisipasyon sa mga Local Government Units (LGUs), ug nagkalain-laing stakeholders sa probinsya. ‎ ‎Gipasiugda sa miting ang Enterprise Development Component, diin gihisgutan ang mga estratehiya sa pagpalambo sa mga lokal nga negosyo sama sa agribusiness aron mapalig-on ang ekonomiya sa komunidad. Lakip usab sa gipasabot ang Eligibility Criteria for LGU as Implementing Proponent, nga naghatag og giya sa mga kinahanglanon aron mahimong kwalipikado ang LGUs sa pagpatuman sa mga proyekto ilawom sa PRDP Scale-Up. ‎ ‎Ang diskusyon gipangulohan ug gipasayon sa I-REAP (Investment for Rural Enterprises and Agriculture and Fisheries Productivity) ubos sa pagpanguna ni Lynn A. Pareñas, Component Head, nga mitabang sa pagpasabot sa mga polisiya, guidelines, ug mga rekisitos sa programa. ‎ ‎Matod pa sa gipadayag nga mensahe ni Governor Nilo P. Demerey Jr., dako ang iyang pasalamat sa mga nagdumala niini nga kalihukan alang sa pagtudlo sa mga Dinagatnon sa hustong pagplano sa pagpauswag ug pagpalambo sa ekonomiya sa probinsya. ‎ ‎Kini nga kalihukan aktibong giparsiparan sa mga personahe gikan sa Municipal Agriculture Office (MAO) sa pito (7) ka lungsod sa probinsya ug uban pa.

“Padayon para sa Dinagatnon.”

29/04/2026

‎SUB-PROJECT 2 JOINT INSPECTION EXIT CONFERENCE, GIPAHIGAYON
‎
‎Sulat/Kuha ni: Lorense Mae Nidea
‎
‎PIO DINAGAT ISLANDS – Human sa Site Inspection nga gipahigayon sa Regional Project Coordination Office (RPCO) ilalom sa Philippine Rural Development Project (PRDP) niining Probinsya sa Dinagat Islands kagahapon, nagpahigayon kini og PRDP Exit Conference karong kaadlawa, Abril 29, 2026 ngadto sa Yamashiro Bldg., People’s Hall, Cuarinta, San Jose, Dinagat Islands.
‎
‎Anaa sa maong panagpulong ang mga personahe sa department of Agriculture- Caraga diin ilahang gihisgutan ug gidiskusyonan ang resulta sa ilahang gipahigayong monitoring sa Sub Project 2 "Concreting of Sitio Patag (Garcia) padulong Sitio Dela Concepcion (Sto. Niño), Libjo Farm-to-Market Road (FMR) ug nagpaabot og mga komento ug rekomendasyon nga labing angay pagabuhaton sa probinsya ilabina sa Technical Working Group sa maong proyekto.
‎
‎Lakip usab nga nahisgutan ang mga concerns ug kakulian sa mga uban pang mga on-going projects sa probinsya.
‎
‎Anaa ang presensya nila Provincial Agriculturist Rico B. Galinato, PPMIU Components ug uban pang mga personahe sa Provincial Government sa PDI nga may kalabutan sa maong aktibidad.

“Padayon para sa Dinagatnon.”