28/03/2026
Kan Marso 27, 2026, nagtipon an komunidad kan Harrison Integrated School na may sarong obheto asin paglaom sa ginibong State of the School Address. An aldaw pano nin kaogmahan pinunan ini ning pagpapasalamat sa diyos sa paagi nin pagkanta kan piling estudyante sa hayskul, an mga estudyante, maestro maestra, magurang, asin mga katuwang sa barangay an presenti sa nasabing Sosa, Kan Paghampang sa entablado kan Tagapamayo asin Ina kan eskwelahan na si Maam Caribel B. iglesia, inot nyang idinitalye an porsyento kan mga kaakian manungod sa literasi asin numerasi sa saiyang talumpati nagpoon sa pagpasalamat, pagbisto sa mga kaakian na imbwelto sa kapanganahan kan mga aktibidades na pinartisiparan kan eskwelahan arog kan Street Dance Competition pinasalamatan niya man dedikasyon kan mga maestro asin maestra, kahigosan kan mga estudyante, asin sa padagos na suporta kan mga magurang asin stakeholders urog na an BLGU kan Harrison sa panginginot ni Hon. Capt. Aries B. Beriso. Sa bilog kan talumpati, ipinahiling an mga naabot na tagumpay asin kapanganahan. Ipinahiling an mga academic achievements sa Battle of the Wise asin Project Galing Contest, pinasalamatan man an mga magurang na imbwelto an saindang mga aki sa matagumpay na programa kan eskwelahan, asin mga pag-improve sa pasilidad, na nagpapahiling nin pag-uswag asin progreso. An mga istorya kan tagumpay asin kakusogan kan mga estudyante nagtao nin inspirasyon, na nagpapasabot na an eskwelahan nakatuon dai sana sa kaaraman kundi pati sa paghurma kan marhay na pagkatawo. Pero an talumpati bako lang sa pagselebrar kan mga tagumpay. Ipinahiling man an mga pagsubok na pinag-agihan, arog kan kakulangan sa resources, pangangaipo kan edukasyon, asin an pangangaipo na makasunod sa mga pagbabago. An mga ini nagin pagirumdom na an pag-uswag namamatian sa paagi kan pagtatarabangan. Sa pagtanaw sa maabot, ipinahiling kan school principal an malinaw na mga plano asin obheto. Pinahiling an importansya kan inobasyon asin stratehiya sa pagtukdo, pagpapakusog kan pakikipag-komunikar sa baranagay, asin pagtao nin mas dakulang oportunidad sa mga estudyante. Malinaw an mensahe: an Harrison Integrated School padagos na nag-uuswag, asin ini ginibo ninda sa paagi pagtaratabang-tabangan. Sa pagtatapos kan programa,nagkaigwa man nin dikit na pakonswelo sa mga magurang sa paagi nin pagraffle asin sinda nakaresebi nin malain lain arog kan bagas, bihon, pancit, gatas, sabon kape,tinapay asin iba pang pangkunsumo sa harong, kasabay kan pagbayle kan hawak mo ang beat,an gabos nakaresibi man nin pampainit sa tulak, an libreng lugaw, nagluwas an mga magurang na dakul nin kaogmahan asin paglaom. An State of the School Address bako lang simpleng programa, ini sarong selebrasyon kan pagkasararo, repleksyon kan katatagan, asin komitment. Ipinahiling kaini na sa paagi kan kooperasyon asin dedikasyon, an eskwelahan padagos na maghuhurma nin mas marhay na puturo para sa gabos na estudyante.
