General Luna Public Relations and Information Office

07/08/2026

𝐏𝐀𝐀𝐋𝐀𝐋𝐀 | 𝐏𝐚𝐧𝐬𝐚𝐦𝐚𝐧𝐭𝐚𝐥𝐚𝐧𝐠 𝐋𝐢𝐪𝐮𝐨𝐫 𝐁𝐚𝐧

Pansamantalang ipinagbabawal ang pagbebenta, pagseserbisyo, pamamahagi, at pampublikong pag-inom ng mga inuming may alkohol sa buong Bayan ng General Luna, Quezon.

Ang hakbang na ito ay ipinatutupad bilang pag-iingat para sa kaligtasan ng lahat kasunod ng Magnitude 5.8 na lindol at dahil sa posibilidad ng mga aftershock.

Maraming salamat sa inyong pang-unawa at pakikiisa. Unahin natin ang kaligtasan ng bawat isa.

07/08/2026

#𝐖𝐀𝐋𝐀𝐍𝐆𝐏𝐀𝐒𝐎𝐊 📣

Suspendido ang klase sa lahat ng antas at trabaho sa LGU ng General Luna, Quezon para sa nalalabing oras ng Agosto 7, 2026, maliban sa mga nasa essential at frontline services, bilang pag-iingat kasunod ng magnitude 5.8 na lindol at posibilidad ng aftershocks.

Manatiling kalmado, alerto, at sumunod sa mga opisyal na abiso. Ingat po ang lahat.

06/08/2026

05/08/2026

‼️

dahil po sa pabugso-bugsong malakas na ulan at hangin dulot ng Habagat at Bagyong Maymay, suspendido po ang pasok ngayong araw.

Paumanhin po kung medyo naantala ang anunsyo. Patuloy po kasi naming mino-monitor ang lagay ng panahon upang makapaglabas ng desisyong naaayon sa sitwasyon.

Maraming salamat po sa inyong pang-unawa. Mag-ingat po tayong lahat at unahin ang kaligtasan.

05/08/2026

𝐈𝐓𝐈𝐍𝐀𝐍𝐆𝐇𝐀𝐋 𝐍𝐀 𝟓𝐓𝐇 𝐏𝐋𝐀𝐂𝐄 𝐒𝐀 𝐁𝐔𝐎𝐍𝐆 𝐐𝐔𝐄𝐙𝐎𝐍 🏆

Isang karangalang maipagmalaki ng 𝗕𝗮𝘆𝗮𝗻 𝗻𝗴 𝗚𝗲𝗻𝗲𝗿𝗮𝗹 𝗟𝘂𝗻𝗮 na itinanghal na 𝟱𝘁𝗵 𝗣𝗹𝗮𝗰𝗲 sa ginanap na 𝗣𝗿𝗼𝘃𝗶𝗻𝗰𝗶𝗮𝗹 𝗥𝗲𝘀𝗰𝘂𝗲 𝗖𝗵𝗮𝗹𝗹𝗲𝗻𝗴𝗲 𝟮𝟬𝟮𝟲 bilang bahagi ng pagdiriwang ng 𝗡𝗮𝘁𝗶𝗼𝗻𝗮𝗹 𝗗𝗶𝘀𝗮𝘀𝘁𝗲𝗿 𝗥𝗲𝘀𝗶𝗹𝗶𝗲𝗻𝗰𝗲 𝗠𝗼𝗻𝘁𝗵 𝟮𝟬𝟮𝟲, na isinagawa noong 𝗛𝘂𝗹𝘆𝗼 𝟮𝟴–𝟮𝟵, 𝟮𝟬𝟮𝟲 sa 𝗔𝗹𝗰𝗮𝗹𝗮 𝗦𝗽𝗼𝗿𝘁𝘀 𝗖𝗼𝗺𝗽𝗹𝗲𝘅, 𝗕𝗿𝗴𝘆. 𝗜𝗯𝗮𝗯𝗮𝗻𝗴 𝗜𝘆𝗮𝗺, 𝗟𝘂𝗰𝗲𝗻𝗮 𝗖𝗶𝘁𝘆.

Pinangunahan ng 𝗠𝗗𝗥𝗥𝗠𝗢 𝗚𝗲𝗻𝗲𝗿𝗮𝗹 𝗟𝘂𝗻𝗮, sa pamumuno ni 𝗠𝗗𝗥𝗥𝗠𝗢 𝗢𝗳𝗳𝗶𝗰𝗲𝗿 𝗠𝗿. 𝗙𝗲𝗿𝗺𝗶𝗻 “𝗢𝘆𝗶𝗻𝗴” 𝗘𝗻𝗲𝗿𝗼, katuwang ang 𝗕𝗙𝗣 𝗚𝗲𝗻𝗲𝗿𝗮𝗹 𝗟𝘂𝗻𝗮 𝗙𝗶𝗿𝗲 𝗦𝘁𝗮𝘁𝗶𝗼𝗻 sa pamununo ni 𝗦𝗙𝟬𝟰 𝗖𝗼𝗻𝗿𝗮𝗱𝗼 𝗠. 𝗟𝗶𝗰𝗮𝘀, at sa patuloy na suporta at pamumuno ng ating butihing Punong Bayan, 𝗠𝗮𝘆𝗼𝗿 𝗝𝗼𝘀𝗲 𝗦𝘁𝗲𝘃𝗲𝗻𝘀𝗼𝗻 “𝗕𝗲𝗻𝘀𝗼𝗻” 𝗦𝗮𝗻𝗴𝗮𝗹𝗮𝗻𝗴, ang delegasyon ng General Luna sa nasabing kompetisyon.

Ang pagkilalang ito ay sumasalamin sa dedikasyon, disiplina, at patuloy na pagsasanay ng ating mga emergency responders. Higit pa sa isang kompetisyon, ito ay patunay ng kanilang kahandaan at malasakit na maglingkod at magligtas ng buhay sa oras ng pangangailangan.

Buong puso naming binabati ang ating 𝗠𝗗𝗥𝗥𝗠𝗢 𝗚𝗲𝗻𝗲𝗿𝗮𝗹 𝗟𝘂𝗻𝗮 𝗘𝗺𝗲𝗿𝗴𝗲𝗻𝗰𝘆 𝗥𝗲𝘀𝗽𝗼𝗻𝗱𝗲𝗿𝘀 at 𝗕𝗙𝗣 𝗚𝗲𝗻𝗲𝗿𝗮𝗹 𝗟𝘂𝗻𝗮 𝗙𝗶𝗿𝗲 𝗦𝘁𝗮𝘁𝗶𝗼𝗻 sa karangalang inyong iniuwi para sa ating bayan. Ang inyong tagumpay ay tagumpay ng buong General Luna.

𝗠𝗮𝗯𝘂𝗵𝗮𝘆 𝗮𝗻𝗴 𝗮𝘁𝗶𝗻𝗴 𝗺𝗴𝗮 𝗕𝗮𝘆𝗮𝗻𝗶𝗻𝗴 𝗥𝗲𝘀𝗰𝘂𝗲𝗿𝘀! 𝗖𝗼𝗻𝗴𝗿𝗮𝘁𝘂𝗹𝗮𝘁𝗶𝗼𝗻𝘀, 𝗧𝗲𝗮𝗺 𝗚𝗲𝗻𝗲𝗿𝗮𝗹 𝗟𝘂𝗻𝗮!

-

For more updates, please like and follow our official social media account.

https://facebook.com/glprio

“Masaya, Maunlad, Maaasahan, at Nagkakaisang Bayan ng General Luna.”

04/08/2026

Isang masayang pagdiriwang ng Kapistahan ng ating Bayan bilang pagpupugay sa ating mahal na Patron, San Ignacio de Loyola! 🎉🙏

Ramdam na ramdam ang saya, pagkakaisa, at diwa ng kapistahan sa bawat ngiti at sigawan ng mga mamamayan, lalo na sa makulay na Paradang Pambayan.

Nawa'y patuloy tayong gabayan at pagpalain ni San Ignacio de Loyola, at manatiling matatag ang ating pananampalataya at pagmamahalan bilang isang komunidad.

-

For more updates, please like and follow our official social media account.

https://facebook.com/glprio

“Masaya, Maunlad, Maaasahan, at Nagkakaisang Bayan ng General Luna.”

03/08/2026

Bilang pagsisimula ng panibagong linggo, matagumpay na naisagawa ang 𝗙𝗹𝗮𝗴 𝗥𝗮𝗶𝘀𝗶𝗻𝗴 𝗖𝗲𝗿𝗲𝗺𝗼𝗻𝘆 sa pangunguna 𝗠𝘂𝗻𝗶𝗰𝗶𝗽𝗮𝗹 𝗣𝗹𝗮𝗻𝗻𝗶𝗻𝗴 𝗮𝗻𝗱 𝗗𝗲𝘃𝗲𝗹𝗼𝗽𝗺𝗲𝗻𝘁 𝗢𝗳𝗳𝗶𝗰𝗲, sa ilalim ng patnubay ng ating butihing Punong Bayan na si 𝗠𝗮𝘆𝗼𝗿 𝗝𝗼𝘀𝗲 𝗦𝘁𝗲𝘃𝗲𝗻𝘀𝗼𝗻 “𝗕𝗲𝗻𝘀𝗼𝗻” 𝗦𝗮𝗻𝗴𝗮𝗹𝗮𝗻𝗴.

Naging inspirasyon ang seremonya upang higit pang mapagtibay ang pagkakaisa, dedikasyon, at malasakit ng bawat lingkod-bayan sa patuloy na paghahatid ng mahusay na serbisyo para sa ikauunlad ng ating bayan.

Kasabay nito, matagumpay ring naipagdiwang ang Kapistahan ng ating bayan, na naging daan upang higit pang mapagtibay ang pananampalataya, pagkakaisa, at pagmamahalan ng ating komunidad. Maraming salamat sa lahat ng nakiisa at nakibahagi sa pagdiriwang. Nawa'y magsilbing inspirasyon ang mga masasayang alaala ng kapistahan sa patuloy nating pagtutulungan para sa mas maunlad na bayan.

-

For more updates, please like and follow our official social media account.

https://facebook.com/glprio

“Masaya, Maunlad, Maaasahan, at Nagkakaisang Bayan ng General Luna.”

03/08/2026

Isang masayang 𝗢𝗻𝗲-𝗗𝗮𝘆 𝗟𝗲𝗮𝗴𝘂𝗲 na handog ng ating butihing Punong Bayan, 𝗠𝗮𝘆𝗼𝗿 𝗝𝗼𝘀𝗲 𝗦𝘁𝗲𝘃𝗲𝗻𝘀𝗼𝗻 “𝗕𝗲𝗻𝘀𝗼𝗻” 𝗦𝗮𝗻𝗴𝗮𝗹𝗮𝗻𝗴!

Punong-puno ng tawanan, hiyawan, at magandang samahan ang buong araw kasama ang 𝗗𝗿𝗲𝗮𝗺 𝗧𝗲𝗮𝗺 𝗠𝗶𝘁𝘀𝘂𝗶.
Taos-pusong pasasalamat sa lahat ng nakiisa, sumuporta, at naging bahagi ng matagumpay na palaro. Tunay na ang sports ay hindi lamang tungkol sa panalo, kundi sa pagkakaisa, pagkakaibigan, at pagbibigay-inspirasyon sa ating bayan.

𝗖𝗼𝗻𝗴𝗿𝗮𝘁𝘂𝗹𝗮𝘁𝗶𝗼𝗻𝘀 𝘀𝗮 𝗧𝗲𝗮𝗺 𝗣𝗲𝘁𝗿𝗼𝗺𝗮𝗿𝗸 sa pag-uwi ng kampeonato at pagkakahirang bilang Champion ng One-Day League! Ipinakita ninyo ang husay, determinasyon, at tunay na sportsmanship sa bawat laban. Mabuhay kayo!

Hanggang sa susunod na laban! Mabuhay ang sportsmanship at mabuhay ang ating bayan!

-

For more updates, please like and follow our official social media account.

https://facebook.com/glprio

“Masaya, Maunlad, Maaasahan, at Nagkakaisang Bayan ng General Luna.”