Barangay Gavino Maderan

12/08/2026

PASASALAMAT MULA SA ATING AMA AT PUNONG BARANGAY KAP BEBOT ISO 🩵🩵🩵

Valentin Iso
71 taon na—at ang una kong pasasalamat ay sa Panginoon, na patuloy na nagbibigay ng lakas, mabuting kalusugan, karunungan, at gabay sa araw-araw. Maraming pinagdaanan, masasayang alaala, at pagsubok—ngunit sa lahat ng ito, masasabi ko lang: napakabuti talaga ng Panginoon.

Sa lahat ng bumati at nakaalala sa aking kaarawan—maraming, maraming salamat po!

Sa 71 taon, marami na rin akong natutunan sa buhay. Natutunan ko na ang tunay na yaman ay wala sa edad o sa dami ng ating pag-aari, kundi nasa mga taong nagmamahal, nagtitiwala, at nananatili sa ating tabi. Kaya nagpapasalamat ako na hanggang ngayon, napakarami kong taong nakakasama at maaasahan.

At bilang inyong Kapitan, ang paglilingkod sa inyo ay hindi lamang tungkulin—isa itong karangalan at malaking bahagi ng aking buhay. Hangga’t binibigyan pa ako ng Panginoon ng lakas at kakayahan, patuloy akong makikinig at tutulong.

Patuloy akong magbibigay ng serbisyong mula sa puso para sa inyo.

Maraming salamat sa inyong pagmamahal, respeto, tiwala, at suporta. Kayo ang isa sa mga dahilan kung bakit masaya at makabuluhan ang bawat taon na lumilipas.

Muli, maraming salamat sa inyong lahat. Patuloy tayong magkaisa, magtulungan, at maging biyaya sa isa’t isa.

11/08/2026

🎉 MALIGAYANG KAARAWAN, KAP BEBOT ISO! 🎂

Taos-puso po naming binabati ng Maligayang Kaarawan ang aming minamahal na Ama at Punong Barangay ng Barangay Gavino Maderan, Kap. Bebot Iso!

Nawa’y patuloy kayong pagkalooban ng Panginoon ng mabuting kalusugan, mahabang buhay, karunungan, lakas at pagpapala upang patuloy ninyong magampanan ang inyong tungkulin bilang isang mabuting ama, lider at lingkod ng ating barangay.

Maraming salamat po sa inyong sipag, malasakit, dedikasyon at walang sawang paglilingkod para sa kapakanan ng bawat Madereño. Nawa’y maging puno ng saya, pagmamahal at magagandang biyaya ang inyong espesyal na araw kasama ang inyong pamilya, mga kaibigan at buong pamayanan.

Happy Birthday po, Kap Bebot! 🎉🎂
Patuloy po kayong maging inspirasyon sa aming lahat.

Mabuhay po kayo at pagpalain nawa kayo ng Poong Maykapal! 🙏💙💙

— Mula sa buong Barangay Gavino Maderan

21/07/2026

📢 ANUNSYO

PARA SA LAHAT NG MGA BENEPISYARYO NG UPLIFT PROGRAM

Paakibasa ang anunsyo mula sa Local Government Unit- General Mariano Alvarez para sa buong detalye.

Click the link below para sa list ng mga beneficiary ng Uplift Program.

https://tinygma.com/LGUGMA_UPLIFT

📢 𝐏𝐀𝐀𝐋𝐀𝐋𝐀 𝐏𝐀𝐑𝐀 𝐒𝐀 𝐃𝐒𝐖𝐃 𝐔𝐏𝐋𝐈𝐅𝐓 𝐏𝐑𝐎𝐆𝐑𝐀𝐌 𝐁𝐄𝐍𝐄𝐅𝐈𝐂𝐈𝐀𝐑𝐈𝐄𝐒 📢

Upang maiwasan ang kalituhan tungkol sa DSWD UPLIFT Program, narito ang ilang mahahalagang paalala:

✅ Ang listahan ng mga benepisyaryo ay HINDI ginawa ng Lokal na Pamahalaan ng GMA o ng mga barangay. Ito ay ibinigay ng PSA batay sa resulta ng 2024 Community-Based Monitoring System (CBMS) at isinailalim sa validation at deduplication.

📌 Ang mga nasa opisyal na listahan lamang ang maaaring magtungo sa itinakdang venue at iskedyul. I-scan ang QR code o i-click ang link sa comment section upang makita ang kumpletong listahan.
https://tinygma.com/LGUGMA_UPLIFT

📌 Hindi kailangang magpalista sa barangay upang mapasama sa UPLIFT Program. Ang barangay ay may tungkulin lamang na ipaalam ang iskedyul, venue, at mga kinakailangang dokumento sa mga benepisyaryong nasa listahan.

Makipag-ugnayan lamang sa mga opisyal na impormasyon at iwasang magbahagi ng hindi beripikadong balita upang maiwasan ang kalituhan.

https://www.facebook.com/share/p/1EWD1S8Fej/?mibextid=wwXIfr
https://www.facebook.com/share/v/1LVRxhMDVz/?mibextid=87OH41

20/07/2026

🏆Isang Karangalang Hatid ng Barangay Gavino Maderan! 🏆

Taos-pusong pasasalamat sa pagkilala na iginawad sa Barangay Gavino Maderan bilang BADAC at BPOC Awardee. Ang parangal na ito ay bunga ng sama-samang pagsisikap ng ating Punong Barangay Valentin Iso Jr., Sangguniang Barangay, mga komite, mga katuwang na ahensya, at ng buong mamamayan.

Patunay ang pagkilalang ito ng ating matatag na paninindigan sa pagpapanatili ng kapayapaan, kaayusan, at pagpapatupad ng mga programang laban sa ilegal na droga para sa kapakanan ng ating komunidad.

Maraming salamat sa patuloy na suporta at pakikiisa ng bawat isa. Sama-sama nating ipagpatuloy ang tapat, mahusay, at makabuluhang paglilingkod para sa isang mas ligtas at mas maunlad na Barangay Gavino Maderan.

Mabuhay ang Barangay Gavino Maderan! 💙💛🇵🇭

17/07/2026

🚨 MISSING PERSON ALERT 🚨
NAWAWALA / MISSING

Pangalan: ROMEO SALVADOR
Edad: 17 Taong Gulang
Kalagayan: Person with Disability (PWD)

📢 Mariin po naming hinihiling ang inyong tulong upang matagpuan si Romeo Salvador para maibalik sa kanyang pamilya.

Kung sino man po ang may impormasyon tungkol sa kanyang kinaroroonan o nakakita sa kanya, makipag-ugnayan agad sa:

📍 Marriane Custodio
📞 (0907-171-6965)

⚠️ Anumang impormasyon ay malaking tulong upang siya ay ligtas na maibalik sa kanyang pamilya.

PAKI-SHARE PO ANG POST NA ITO.
Maraming salamat sa inyong pakikiisa.

09/07/2026

PUBLIC ADVISORY

Isang insidente ng pagsabog na dulot ng pagtagas ng tangke ng LPG ang naganap sa ating barangay Bloke ng Gamana Site. Agad na tumugon ang Sangguniang Barangay sa Pangunguna ng ating Punong Barangay Valentin Iso at mga kagawad Beth Padilla, kagawad Tita Aquino Pahila at kagawad Nesmer Echevarria sa pakikipagtulungan ng Bureau of Fire Protection (BFP) – GMA, Cavite upang makontrol ang sitwasyon at matiyak ang kaligtasan ng iba pang mga residente.

Tatlong indibidwal na naapektuhan ng insidente ang agarang nabigyan ng kaukulang aksyon at isinugod sa ospital para sa agarang pagpapagamot.

Pinapaalalahanan ang lahat na laging suriin ang kondisyon ng kanilang LPG tank at mga koneksyon bago gamitin. Sa oras na makalanghap ng amoy ng tumatagas na gas, iwasang magsindi ng apoy o magbukas ng anumang de-kuryenteng switch at agad na makipag-ugnayan sa mga kinauukulan.

BFP-GMA Hotline: 046-443-9110/0907 178 4300
Cavite Emergency Hotline: 911
Barangay Hotline: 09930029245

Ang kaligtasan ng bawat isa ay ating sama-samang pananagutan. Maging mapagmatyag at laging mag-ingat.

30/06/2026

Taos-puso po kaming nagpapasalamat sa pangunguna ni Punong Barangay Valentin Iso sa Department of the Interior and Local Government (DILG) sa pagkilala at paggawad sa Barangay Gavino Maderan bilang Highly Functional Barangay Peace and Order Committee (BPOC) at Barangay Anti-Drug Abuse Council (BADAC).

Ang pagkilalang ito ay patunay ng sama-samang pagsisikap, dedikasyon, at malasakit ng aming mga opisyal ng barangay, mga katuwang na ahensya, at buong komunidad sa pagpapanatili ng kapayapaan, kaayusan, at pagsusulong ng mga programang laban sa ilegal na droga.

Ang parangal na ito ay magsisilbing inspirasyon upang lalo pa naming pagbutihin ang aming paglilingkod at patuloy na magsagawa ng mga programang makatutulong sa ikabubuti ng bawat mamamayan.

Maraming salamat po sa DILG-GMA sa inyong patuloy na paggabay, suporta, at pagtitiwala. Asahan po ninyo na ang Barangay Gavino Maderan ay mananatiling tapat at masigasig sa pagbibigay ng mahusay at makabuluhang serbisyo publiko.

Maraming salamat po at mabuhay ang Barangay Gavino Maderan!

18/06/2026

📣📣LIBRENG BPI SAVINGS ACCOUNT!
📍GAVINO MADERAN BARANGAY HALL
🗓️JUNE 19 & 20, 2026

✅FREE Account Opening
✅NO Maintaining Balance
✅1 Valid ID lang
✅FREE INSURANCE for 1 year ( up to ₱70,000)
✅May FREE Voucher/EGC kapag nag-deposit sa
TAMBUNTING Pawnshop.

Requirements:
* 18 years old and above
* May mobile phone

Accepted IDs:
* Passport
* Driver's License
* Postal ID
* PRC ID
* UMID / SSS
National ID (kahit temporary)

Open sa lahat kahit hindi taga barangay!


BPl is Regulated by the Bangko Sentral ng Pilipinas.

Deposits are insured by the PDIC up to Php 1,000,000.00 per depositor

12/06/2026

Isang matagumpay na 2026 TOP Brgy. Tanod Assessment and Validation ang naganap ngayong araw sa Barangay Gavino Maderan sa pangunguna ng ating Punong Barangay Valentin Iso, mga kagawad at masisipag na Barangay Tanod 👮‍♂️📋

Patunay na laging handa, alerto, at tapat sa tungkulin ang ating mga katuwang sa kapayapaan at kaligtasan. Sa pagtutulungan ng DILG, PNP, MDRRMO at BFP, mas pinatitibay natin ang kakayahan at kaalaman ng ating mga lokal na tagapagtanggol sa komunidad.

Taos-pusong pasasalamat sa mga ahensyang ito na nagsilbing mga evaluators at katuwang sa paggabay sa ating mga barangay, patuloy na kaligtasan ng bawat mamamayan ang isinasa alang-alang

💙🙏 Ingat po palagi, Madereños