11/07/2026
Bilang inyong Konsehal at lingkod bayan, pangunahing tungkulin natin ang bantayan ang kaban ng ating bayan at siguruhing ang bawat sentimo ay nagagamit ng tama.
Sa nakalipas na SP session, kinailangan ko pong tumindig at mag-object sa paglalaan ng pondo ng lokal na pamahalaan para sa demolisyon ng ating merkado publiko. Bakit po tayo umalma?
May malaking hindi pagkakatugma sa sinasabi ng administrasyon at sa nakasulat sa kontrata.
ANG PANGAKO:
Sa isang public pronouncement, sinabi ng ating Mayor na sa pagpasok ng 2.3 Billion na investment mula sa Robinsons, “walang gagastusin ni piso ang ating siyudad.”
ANG KONTRATA:
Ngunit nang suriin natin ang pinirmahang kontrata (under Article 4.3), malinaw na nakasaad na ang City Hall ang may responsibilidad at gagastos sa mga sumusunod:
1️⃣ Ang pag-relocate ng lahat ng vendors papunta sa interim structures "without any cost to the private partner."
2️⃣ Ang demolisyon ng kasalukuyang palengke at ang pag-dispose ng mga debris.
Mga Heneral, hindi tayo pwedeng maging tagapag-sabi lang ng "Oo" sa mga matatamis na salita at pangako kung iba naman ang nakasulat sa papel.
Ganito ba kababaw ang tingin sa bawat Heneral?
Nagsasalita po tayo dahil kung walang magsasalita, walang makikinig at gagawa ng aksyon. Kung walang titindig sa manlulupig, hindi matitigil ang pang-aabuso.
Hindi tayo laruan na kukunin lang kung kinakailangan, at iiwan kung walang silbi. The Generals deserve transparency. The Generals deserve what is best for us.
