Hagonoy Municipal Nutrition Office

04/08/2026

🥗 52nd Nutrition Month Culminating Activity | General Assembly ng LLN & ML
🗓: Hulyo 27 2026
📍: Hagonoy Grandstand

Sa matagumpay na pagdaraos ng 52nd Nutrition Month Culminating Activity at General Assembly ng mga Lingkod Lingap sa Nayon (LLN) at Mother Leader (ML) na may temang "Nutrisyon at Kalikasan, Ating Pangalagaan," muling naipamalas ang pagkakaisa ng pamahalaang lokal at iba't ibang sektor sa pagsusulong ng wastong nutrisyon at pangangalaga sa kalikasan.

Pinangunahan ni Mayor Ate Charo Sy Alvarado-Mendoza ang programa sa pamamagitan ng pagbibigay ng kanyang mensahe, kung saan binigyang-diin niya ang kahalagahan ng sama-samang pagkilos upang matiyak ang mas malusog at mas maayos na kinabukasan ng bawat pamilyang Hagonoeño.

Nakiisa rin sa pagdiriwang si Vice Governor Alex Castro, Bokal Mina Fermin at kinatawan ni Cong Danny Domingo na naghatid ng kanilang mensahe ng suporta at paghikayat sa patuloy na pagpapatupad ng mga programang pangkalusugan at pangnutrisyon sa komunidad.

Bilang bahagi ng programa, isinagawa rin ang pamamahagi ng mga food pack para sa mga batang may malnutrisyon, sa pangunguna ni Mayor Ate Charo Sy Alvarado-Mendoza kasama ang mga miyembro ng Sangguniang Bayan. Ang gawaing ito ay sumasalamin sa patuloy na malasakit at dedikasyon ng lokal na pamahalaan sa pagpapabuti ng kalagayang pangkalusugan at nutrisyon ng mga batang Hagonoeño.

Taos-pusong pasasalamat sa lahat ng mga katuwang na ahensya, mga Lingkod Lingap sa Nayon, Mother Leader, barangay officials, at sa lahat ng nakiisa at nagbigay ng suporta upang maging matagumpay ang pagdiriwang ng Buwan ng Nutrisyon. Nawa'y magsilbi itong inspirasyon upang higit pang paigtingin ang ating mga programa tungo sa isang mas malusog, mas masigla, at mas matatag na pamayanan.

04/08/2026

🍽️ COOKING CONTEST 2026 🌿
🗓: Hulyo 21 2026
📍: Hagonoy Municipal Ground

Bilang bahagi ng pagdiriwang ng 52nd Nutrition Month 2026 na may temang "Nutrisyon at Kalikasan, Ating Pangalagaan," matagumpay na isinagawa ang Healthy Cooking Contest na nilahukan ng ating mga masisipag na Lingkod Lingap sa Nayon (LLN), Mother Leaders, at Barangay Health Workers (BHW) mula sa iba't ibang barangay ng Bayan ng Hagonoy.

Pinangunahan ang programa ni Mayor Ate Charo Sy Alvarado-Mendoza, na patuloy na nagpapakita ng suporta sa mga programang nagtataguyod ng wastong nutrisyon, kalusugan, at pangangalaga sa ating kapaligiran. Sa pamamagitan ng paligsahang ito, naipamalas ng mga kalahok ang kanilang pagkamalikhain sa paghahanda ng masustansya, ligtas, at abot-kayang mga pagkain gamit ang mga lokal at masustansyang sangkap.

Ang gawaing ito ay hindi lamang nagbigay-diin sa kahalagahan ng wastong nutrisyon, kundi nagsilbi ring paalala na ang pangangalaga sa kalikasan ay mahalagang bahagi ng pagkamit ng ligtas at sapat na pagkain para sa bawat pamilyang Hagonoeño.

Taos-pusong pasasalamat sa lahat ng ating mga LLN, Mother Leaders, at BHW na buong pusong nakiisa sa paligsahan, gayundin sa ating mga iginagalang na hurado na naglaan ng kanilang oras at kaalaman upang maging matagumpay ang programa.

Sama-sama nating ipagpatuloy ang pagsusulong ng wastong nutrisyon at pangangalaga sa ating kalikasan tungo sa isang mas malusog, mas matatag, at mas maunlad na Bayan ng Hagonoy.

04/08/2026

🏃‍♀️Fun Run: "Takbo... Goodbye sa TABA Ko!" 🏃‍♂️
🗓: Hulyo 18 2026
📍: Hagonoy Grandstand

Bilang bahagi ng pagdiriwang ng 52nd Nutrition Month 2026 na may temang "Nutrisyon at Kalikasan, Ating Pangalagaan," matagumpay na isinagawa ang Fun Run: "Takbo... Goodbye sa TABA Ko!" na dinaluhan ng mga kalahok mula sa iba't ibang barangay ng Bayan ng Hagonoy.

Pinangunahan ang programa sa pamamagitan ng pagbibigay ng mensahe ng kinatawan ni Mayor Ate Charo Sy Alvarado-Mendoza, na nagbigay ng inspirasyon at suporta sa kahalagahan ng pagpapanatili ng aktibong pamumuhay at pangangalaga sa kalusugan.

Taos-pusong pasasalamat sa lahat ng nakiisa at lumahok sa gawaing ito. Ang inyong pakikilahok ay patunay ng ating sama-samang adhikain na isulong ang malusog na pamumuhay at palakasin ang kamalayan sa kahalagahan ng wastong nutrisyon at regular na ehersisyo.

Sama-sama nating ipagpatuloy ang pagtataguyod ng isang mas malusog at masiglang Hagonoy.

30/07/2026

24/07/2026

23/07/2026

23/07/2026

👩‍🍳🍲 52nd Nutrition Month 2026 | Cooking Contest

Bilang bahagi ng pagdiriwang ng 52nd Nutrition Month na may temang "Nutrisyon at Kalikasan, Ating Pangalagaan," matagumpay na isinagawa ngayong araw ang Cooking Contest na dinaluhan ng mga kalahok na ating mga LLN, Mother Leaders at BHW ng bawat barangay na nagpakita ng kanilang husay, pagkamalikhain, at kaalaman sa paghahanda ng masustansya at masarap na pagkain gamit ang mga lokal at masusustansyang sangkap.

Ang gawaing ito ay naglalayong hikayatin ang bawat Hagonoeño na pahalagahan ang wastong nutrisyon, isulong ang malusog na pamumuhay, at pangalagaan ang ating kalikasan sa pamamagitan ng responsableng paggamit ng mga likas na yaman.

Taos-pusong pasasalamat sa lahat ng mga kalahok, hurado, katuwang na ahensya, sa ating Municipal Nutrition Office at sa mga nakiisa upang maging matagumpay ang programang ito.
Sama-sama nating itaguyod ang kalusugan, wastong nutrisyon, at pangangalaga sa kalikasan para sa mas maunlad na Hagonoy!